Fréttablaðið - 26.11.2019, Qupperneq 67

Hjördís Erna
Þorgeirsdóttir
hjordiserna@frettabladid.is
Við erum báðar í námi, Helga í söngnámi í Svíþjóð og ég í viðskiptafræði í HÍ en sam­
hliða því rekum við heimasíðuna
Veganistur og erum að gefa út
bókina Úr eldhúsinu okkar núna
fyrir jól. Við höfum báðar verið
vegan í tæp átta ár og lært ótrúlega
mikið á þeim tíma,“ segir Júlía.
Eru mikil jólabörn
„Við erum virkilega hrifnar af
þessum tíma árs en við komum frá
heimili þar sem er mikið umstang
í kringum jólin og við erum mikil
jólabörn. Við elskum að skreyta
og gera notalegt á þessum dimma
tíma og borða allan góða matinn
sem fylgir.“ Þær bökuðu mikið
áður en þær ákváðu að hætta að
neyta dýraafurða. „Við höfum
alltaf bakað mikið í kringum jólin
og mamma bakaði alltaf
margar sortir af smá­
kökum og fullt af góðum
kökum á þessum tíma árs.“
Líkt hefðbundnum
bakstri
Júlía segir þær enn baka
mikið og hefur þeim tekist
vel að útfæra uppskriftir
án dýraafurða sem þær segja
lítið mál. „Við bökum mikið af
smákökum, tertum og f leira því
líkt. Við höfum náð að veganæsa
(endurskapa án dýraafurða)
nánast alls sem okkur hefur dottið
í hug og margt sem við erum
ekki einu sinni aldar upp við að
borða. Við gerum fjöldann allan
af smákökum, hvort sem það eru
hefðbundnar kökur eða marengs­
toppar, lagtertur og alls konar
tertur. Það hefur gengið ótrúlega
vel og sýnt okkur að vegan
bakstur er í raun alveg eins og
hefðbundinn bakstur.“
Einhverjum kann að þykja
tilhugsunin um bakstur án
eggja undarleg en Júlía segir
þau raunar alls óþörf, enda
ótalmargir staðgenglar í
boði og stundum er ein­
faldlega hægt að sleppa
þeim alfarið. „Við komumst
mjög snemma að því að egg eru
nánast alveg óþörf í bakstur og
þarf í raun mjög sjaldan að skipta
þeim út fyrir neitt, nema auðvitað
þegar bakaður er marengs eða
marengstoppar.“
Þá hafa þær prófað sig áfram
með svokallað aquafaba en það
þykir mikið töfraefni. „Í mar­
engsinn höfum við hins vegar
notað vatnið sem kemur þegar
Egg nánast alveg óþörf í bakstur
Systurnar Júlía Sif og Helga María eru ótrúlega hæfileikaríkar þegar kemur að því að endurgera sígildar uppskriftir án dýraafurða.
Þær hafa haldið úti vinsælu matarbloggi um árabil undir heitinu Veganistur og nú fyrir jólin ætla þær að gefa út uppskriftabók.
Systurnar
Júlía Sif og
Helga María
Ragnars-
dætur njóta
þess að baka
og elda án
dýraafurða.
FRÉTTABLAÐIÐ/
ANTON BRINK
kjúklingabaunir eru soðnar og
það gengið ágætlega. Þessi vökvi
sem kallast aquafaba er einfald­
lega vökvinn sem er í kjúklinga­
baunadós. Hann þeytist líkt og
eggjahvítur og hefur notið mikilla
vinsælda í vegan heiminum. Það
er ekkert mál að baka toppana en
stærri kökur krefjast aðeins meiri
þolinmæði og æfingar.
Með smjörið hefur það ekki
verið neitt mál, það er til alls konar
vegan smjör og svo er gamla góða
smjörlíkið einnig vegan en það
er það sem margir nota í bakstur
hvort sem er. Mjólkin hefur heldur
ekki verið neitt mál þar sem alls
konar vegan mjólk er aðgengileg í
öllum búðum.“
Júlía ráðleggur þeim sem eru
áhugasöm um vegan bakstur að
vera ekkert að f lækja hlutina og
frekar leita að einföldum vegan
uppskriftum, enda til mikið úrval
af þeim. „Okkar ráð er í raun bara
að vera ekkert að festa sig í að
finna eitthvað til að nota í staðinn
fyrir egg og mjólk heldur einfald­
lega finna vegan uppskriftir að
kökum. Innihaldsefnin eru oft
ótrúlega einföld og algjör óþarfi
að fara í einhverjar kúnstir til að
veganæsa þær uppskriftir sem til
eru. Það er til dæmis fjöldinn allur
af bakstursuppskriftum á blogg­
inu okkar og mjög stór kaf li í
bókinni sem inniheldur alls kyns
ljúffengar kökur og bakkelsi.“
VEGAN LAGTERTA
150 g vegan smjör
(við notum Krónu smjörlíki)
3 dl sykur
6 msk. aquafaba
7½ dl hveiti
2 tsk. kanill
1½ tsk. negull
1½ tsk. matarsódi
1 msk. kakó
2½ dl plöntumjólk
(við notum Oatly haframjólkina)
Þeytið smjörið og sykurinn í hrærivél og
bætið síðan aquafaba út í. Þeytið þetta
þar til það er orðið létt og ljóst. Blandið
þurrefnunum saman í aðra skál. Bætið
því út í smjörhræruna ásamt mjólkinni og hrærið saman. Skiptið deiginu
jafnt í tvennt og bakið tvo botna í 18 mínútur við 175°C. Botnarnir eiga að
vera u.þ.b. 25 x 35 cm. Skerið hvorn botn í tvennt svo þið hafið fjóra botna
og smyrjið smjörkreminu jafnt á milli þeirra.
Smjörkrem:
200 g vegan smjör
3 msk. aquafaba
2 tsk. vanilludropar
1 pakki flórsykur (500 g)
Setjið öll hráefnin í hrærivél og þeytið vel saman.
Smyrjið á milli botnanna.G Ó Ð U P P S K R I F T A Ð N O TA L E G U M J Ó L U M
Í S L E N S K F R A M L E I Ð S L A
JÓL 2019 2 6 . N Ó V E M B E R 2 0 1 946