Morgunblaðið - 23.10.2019, Qupperneq 10

10 FRÉTTIRInnlent
MORGUNBLAÐIÐ MIÐVIKUDAGUR 23. OKTÓBER 2019
Opið virka daga kl. 11-18, laugardaga kl. 12-16Listhúsinu við Engjateig, 105 Reykjavík, sími 551 2050
LISTHÚSINU
Ný sending af vinyl gólf- og diskamottum
Stærðir:
60x80
60x100
80x140
70x180
80x200
100x160
90x250
120x200
135x230
230x300
Skip Síldarvinnslunnar hafa lokið
veiðum á norsk-íslenskri síld þetta ár-
ið og sömuleiðis þau skip sem leggja
upp afla hjá fiskiðjuveri Síldarvinnsl-
unnar í Neskaupstað. Fjögur skip sáu
fiskiðjuverinu fyrir hráefni: Börkur
NK, Beitir NK, Bjarni Ólafsson AK
og Margrét EA. Einnig hefur Hákon
EA landað frystri síld í Neskaupstað.
Margrét EA var væntanleg til
Norðfjarðar síðdegis í gær með 900
tonn og Börkur NK er væntanlegur
til hafnar í dag, einnig með 900 tonn.
Á landleiðinni fundu menn fyrir því
að vetur konungur er að taka völdin.
Barkarmenn sáu vindmælinn fara í
40 metra en þeir á Margréti sáu hann
fara í 47 metra. Margrétin þurfti að
stoppa í eina sex tíma í fyrrinótt
vegna veðursins og var þess beðið að
lægði, segir á heimasíðu Síldarvinnsl-
unnar.
Þar segir að síldarvertíðin hafi
gengið vel hjá Síldarvinnslunni.
Veiðar hafi lengi vel farið fram
skammt austur af landinu og veður
verið hagstætt. Þá hafi vinnslan verið
samfelld alla vertíðina. aij@mbl.is
Biðu af sér
verstu vind-
hviðurnar
Beitir NK Eftir góða vertíð hefur
veturinn minnt á sig undanfarið.
 Góðri síldarvertíð
lýkur í vetrarveðri
Ljósmynd/Börkur Kjartansson
Ágúst Ingi Jónsson
aij@mbl.is
Í umsögn Minjastofnunar um breytingar á
skipulagi á sjómannaskólareit í Reykjavík segir
að ekki komi til álita að heimila uppbyggingu á
reit fyrir námsmannaíbúðir eins og hann sé
sýndur á deiliskipulagsuppdrætti. Þar segir að
Minjastofnun telji að breytt útfærsla á reitnum
komi ekki til móts við athugasemdir stofnunar-
innar frá því í apríl um að ekki verði skyggt á
ásýnd Sjómannaskólans eða byggt fyrir mikil-
vægar sjónlínur að honum.
Í deiliskipulagstillögu fyrir sjómanna-
skólareit felst uppbygging á lóð Sjómannaskól-
ans fyrir allt að 150 nýjum íbúðum fyrir eldri
borgara, námsmenn, félagsbústaði og hag-
kvæmt húsnæði (almennar íbúðir). Frestur til
að skila umsögnum og athugasemdum vegna
auglýstra skipulagsbreytinga rann út 11. októ-
ber.
Minjar verði sýnilegri
Í umsögn Minjastofnunar er því fagnað að í
deiliskipulagstillögunni sé lögð til hverfisvernd
á stakkstæðið á sjómannaskólareitnum, norðan
Háteigsvegar, í samræmi við tillögu Borgar-
sögusafns. Þó þurfi að tilgreina með skýrum
hætti hvernig skuli standa að verndun hans.
Hvatt er til þess að trjágróður á fiskreitnum
verði fjarlægður, ytri mörk minjanna könnuð og
afmörkuð og þannig verði þær gerðar sýnilegri.
Fiskreiturinn er talinn síðasta manngerða
stakkstæðið sem eftir er í Reykjavík. Hann var
gerður 1933 og er því yngri en 100 ára og nýtur
því ekki verndar samkvæmt ákvæðum laga um
menningarminjar. Yngri minjar, þar með taldar
minjar um atvinnusögu, eru mikilvægur minja-
flokkur sem bera að standa vörð um, segir í um-
sögninni.
Leiðrétta þarf merkingar
Um vatnsgeymana á reitnum segir að þeir séu
áberandi kennileiti á Rauðarárholti og tengist
sögu vatnsveitu og brunavarna og uppbyggingu
innviða í ört vaxandi bæ á fyrri hluta 20. aldar.
Minjastofnun fagnar því að í deiliskipulagstillög-
unni sé lögð til hverfisvernd á svæðinu umhverfis
vatnsgeymana í samræmi við álit Borgar-
sögusafns.
Bent er á að leiðrétta þurfi merkingu á deili-
skipulagsuppdrætti þar sem austari geymirinn
sé auðkenndur sem friðuð bygging, en það sé sá
vestari sem sé friðaður. Í heild beri þó að líta á
geymana tvo ásamt dælustöðvarhúsi sem eina
friðaða heild.
Breytt útfærsla dugar ekki
 Athugasemdir Minjastofnunar vegna Sjómannaskólans  Fagna hverfisvernd
á stakkstæði og við vatnsgeymana  150 íbúðir í skipulagi á lóðinni við skólann
Morgunblaðið/Árni Sæberg
Breytingar Þrengt verður að Stýrimannaskól-
anum og minjum við skólann með nýbyggingum.
Meðal athugasemda sem hafa borist borginni
vegna fyrirhugaðra skipulagsbreytinga á sjó-
mannaskólareit eru athugaemdir í nokkrum
liðum fyrir hönd húsfélags á svæðinu frá Lög-
mannsstofunni Rétti. Þar bendir Sigurður Örn
Hilmarsson hrl. á að breyting á deiliskipulagi
samhliða breytingu á aðalskipulagi sé í and-
stöðu við grundvallarrök skipulagslaga.
Bent er á að í athugasemdum með frum-
varpi að skipulagslögum sé gerð grein fyrir
rétthæð einstakra skipulagsstiga en aðal-
skipulag sé rétthærra en deiliskipulag.
„Ástæða ofangreinds er að sjálfsögðu sú að
deiliskipulagið á að taka mið af aðalskipulag-
inu, sökum þess hvar því er skipað í skipulags-
stiga. Með því að kynna og afgreiða bæði aðal-
skipulagið og deiliskipulagið á sama tíma er
unnið gegn þessu markmiði. Því telur umbjóð-
andi minn ótækt að tillögurnar séu afgreiddar
á sama tíma, því annars ber málsmeðferðin
merki um sýndarleik þar sem gert er ráð fyrir
því við afgreiðslu deiliskipulagsins að aðal-
skipulagið verði samþykkt án tillits til þeirra
athugasemda sem óskað er eftir,“ segir í at-
hugasemdum.
Engin brýn nauðsyn sé til þess að keyra
þurfi málið í gegn „með svo miklum hraða, í
andstöðu við þá meginreglu skipulagslaga að
deiliskipulag sé unnið í samræmi við endanlegt
aðalskipulag þegar það hefur verið afgreitt“.
Unnið gegn
markmiðum laga
ÓTÆKT AÐ AÐAL- OG DEILISKIPULAGS-
TILLÖGUR SÉU AFGREIDDAR SAMTÍMIS