Morgunblaðið - 23.10.2019, Side 20

20 FRÉTTIRInnlent
MORGUNBLAÐIÐ MIÐVIKUDAGUR 23. OKTÓBER 2019
Steinþór Guðbjartsson
steinthor@mbl.is
Jóhann Ingi Gunnarsson var ráðinn
landsliðsþjálfari eftir afhroð lands-
liðsins í heimsmeistarakeppninni í
Danmörku 1978, aðeins 24 ára að
aldri, en þrátt fyrir ungan aldur var
hann enginn nýgræðingur í íþrótt-
inni og hafði meðal annars kynnt sér
þjálfun í Júgóslavíu, þar sem hand-
boltinn var á hæsta stalli. Undirbún-
ingur hans með U21 árs liðið fyrir
heimsmeistarakeppnina 1979 var
óvenjulegur, því í fyrsta sinn æfði ís-
lenskt handboltalandslið markvisst
allt sumarið fyrir keppnina, sem
hófst 23. október.
„Margir töldu mig galinn, þegar
ég ákvað að kynna mér þjálfun fyrir
austan járntjald og fara til Júgó-
slavíu árið 1975, en ég vildi einfald-
lega læra af þeim bestu,“ rifjar Jó-
hann Ingi upp. Hann var á æfingum
hjá besta félagsliðinu og landsliðinu í
þrjá mánuði og kom breyttur maður
með ferskar og nýjar hugmyndir til
baka.
Nýr heimur
„Ég uppgötvaði nýjan heim.
Þarna æfðu menn tvisvar á dag og
árangurinn lét ekki á sér standa.
Með júgóslavneska skólann í far-
teskinu byrjaði ég að þjálfa yngri
landsliðin og þegar ég valdi 21 árs
landsliðið byggði ég það að stórum
hluta á 18 ára landsliðinu, sem ég
hafði áður verið með ásamt Steindóri
Gunnarssyni aðstoðarþjálfara og
varð í 2. sæti á Norðurlandamótinu.“
Árangurinn vakti athygli og ekki síst
vegna þess að allir nema einn voru
nýliðar í landsliði.
U21 árs landsliðið æfði ekki aðeins
í 10 daga lotum um sumarið heldur
var álagið eins og hjá atvinnumönn-
um, æft tvisvar á dag. Jóhannes Sæ-
mundsson heitinn, íþróttakennari í
Menntaskólanum í Reykjavík, var
aðstoðarþjálfari. „Hann var sá eini
sem þorði að fara með mér, ein-
hverjum stráklingi, í þetta verkefni,“
segir Jóhann Ingi. „Hann var langt á
undan sinni samtíð með þekkingu í
þjálffræði, sem hann hafði numið í
Bandaríkjunum. Í þessum æf-
ingalotum hóf ég líka það sem ég
kalla andlega styrktarþjálfun, mark-
vissar æfingar til að ná stjórn á
spennustigi.“
Brotið blað
Jóhann Ingi segir að margir góðir
þjálfarar hafi áður starfað á Íslandi
en með fyrrnefndum undirbúningi
hafi verið brotið blað. „Þarna hófst
þjálfun af alvöru og þetta sumar
urðu þessir drengir að mönnum,“
staðhæfir hann. „Leikmennirnir
voru tilbúnir að leggja mikið á sig,
Bogdan tók þá síðan enn frekar
áfram, þegar hann tók við landslið-
inu, og aðrir hafa síðan haldið keflinu
á lofti.“
Ísland var í sterkum riðli á HM
1979, en ungu og lítt reyndu strák-
arnir stóðu sig vonum framar. Fyrir
mót voru flestir á því að Sovétmenn
og Þjóðverjar færu áfram úr riðl-
inum, en annað kom í ljós.
„Við vorum mjög nálægt því að
komast í undanúrslit, en töpuðum
fyrir Dönum á þeirra heimavelli í
mjög jöfnum leik. Ég man það eins
og það hafi gerst í gær þegar Andrés
Kristjánsson slasaðist illa skömmu
fyrir miðjan seinni hálfleik og staðan
12:12. Leikurinn var stöðvaður, langt
hlé fylgdi í kjölfarið og strákarnir
stóðu sem lamaðir eftir. Danir voru
með mjög sterkt lið en gæðin hjá
okkur voru mikil og ég hef oft sagt
að ef við hefðum fengið fleiri æfinga-
leiki á undirbúningstímabilinu hefð-
um við náð enn betri árangri.“
Sterkir árgangar
Oft er það svo að sterkir árgangar
koma upp í íþróttum. Jóhann Ingi
segir að kynslóðin í liðinu 1979 hafi
verið ótrúlega sterk, rétt eins og sú
sem hann þjálfaði síðast. „Síðasta
verkefni mitt í þjálfun var að þjálfa
drengjalandsliðið mörgum árum
seinna. Þá hafði ég þjálfað öll önnur
karlalandslið en í þessum hópi voru
Óli Stefáns, Dagur og jafnaldrar
þeirra. Munur á þessum hópum er að
síðari hópurinn var teknískari, en
hópurinn 1979 var ótrúlega líkam-
lega sterkur og hann ruddi brautina.
Með þessu unglingalandsliði var
stigið mjög mikilvægt skref í því
hvernig þurfti að vinna og æfa til
þess að eiga möguleika á meðal
þeirra bestu.“
Rétt hugarfar
Að öðrum ólöstuðum hefur Alfreð
Gíslason náð lengst sem leikmaður
og síðan þjálfari úr hópnum 1979.
Árangur hans kemur Jóhanni Inga
ekki á óvart og hann rifjar upp, þeg-
ar hann kenndi honum utanvert
gegnumbrot. „Mörgum árum seinna
heyrði ég að hann hefði æft þetta at-
riði heima í stofu, „fintað“ pabba
sinn aftur og aftur og brotið allt og
bramlað. Aðalatriðið var að ná þessu
fyrir næstu æfingalotu, hvað sem
það kostaði. Hugarfarið hjá þessum
strákum var með þessum hætti og ég
dáist að þeim fyrir úthaldið, en seigla
er forsenda góðs sjálfstrausts, upp-
gjöf er ekki til. Síðan kom bar-
áttugleðin, að spila með hjartanu,
sem síðar varð stefið hjá Guðmundi
Þórði Guðmundssyni landsliðsþjálf-
ara.“
Rétt hugar-
far og seigla
 Jóhann Ingi Gunnarsson steig áður
óþekkt skref sem þjálfari hérlendis
Sálfræðingur Jóhann Ingi Gunnarsson rekur sálfræði- og ráðgjafarþjónustu og er með ráð undir rifi hverju.
Undirbúningur Sigurður Gunnarsson hysjar upp um sig buxurnar en Theodór Guðfinnsson, Alfreð Gíslason, Sig-
urður Sveinsson og Kristján Arason eru á undan og tilbúnir í slaginn.
Ljósmynd/Friðrik Guðmundsson
Þjálfari Jóhann Ingi var ekki gamall þegar hann tók við landsliðinu.
www.danco.is
Heildsöludreifing
Fyrirtæki og verslanir
Heildarlausnir í umbúðum
Pappír v Borðar v Pokar v Bönd
Skreytingarefni v Teygjur v Kort
Pakkaskraut v Sellófan