Morgunblaðið - 23.10.2019, Blaðsíða 44

Þóra Kolbrá Sigurðardóttir
thora@mbl.is
Future Kitchen er ný myndbands-
sería framleidd af Matís sem studd er
af EIT Food, þar sem markmiðið er
að fræða fólk um þær nýjungar og þá
þróun sem er að eiga sér stað í heim-
inum. Þau myndbönd sem þegar hafa
verið gefin út sýna hvernig fiskaf-
gangar enda í þrívíddarmatarprent-
ara og hvernig tómatar eru ræktaðir
á Íslandi en fleiri myndbönd eru
væntanleg, m.a. um hvernig baka má
volga tortillu á sekúndum eftir þörf-
um. Allt þetta miðar að því að upplýsa
neytendur um þróunina sem er að
eiga sér stað og hvernig nýta má
tæknina til að tryggja fæðuframboð
og draga úr matarsóun.
Þrívíddarupplifun
Áherslan er á sjálfbærni og upp-
runa matarins og með því að nota þrí-
víddarupplifun kemst áhorfandinn
mun nær viðfanginu þar sem upplif-
unin verður raunveruleg séu sýnd-
arveruleikagleraugu notuð, en einnig
er unnt að nota tvívíðan skjá til
áhorfsins og býður myndbandið þá
upp á möguleika á því að breyta sjón-
arhorninu í heilhring.
Betri upplifun áhorfandans
Viðhorfskönnun Matís meðal ís-
lenskra áhorfenda myndbands-
seríunnar sýnir fram á að þeir eru
mjög ánægðir með þá upplifun sem
þrívíddarumhverfið sem mennt-
unarleið gefur, en þrívíddargleraugu
gefa besta upplifun og tilfinningu fyr-
ir því að áhorfandinn sé sjálfur stadd-
ur í miðju myndbandinu og fylgist
með framgangi mála á staðnum.
Alþjóðlegt samstarfs-
verkefni Matís
Verkefnið Future Kitchen er leitt
af Matís í samstarfi við Cambridge-
háskóla, EUFIC, Evrópuráð nýsköp-
unar á sviði matar, og framsækin evr-
ópsk fyrirtæki, en verkefnið er stutt
af EIT Food, Evrópustofnun fæðu
með áherslu á nýsköpun og sjálf-
bærni, sem starfrækt er undir EIT,
Evrópustofnun um nýsköpun og
tækni, á vegum Evrópusambandsins.
Myndböndin eru öllum aðgengileg til
fróðleiks, upplifunar og skemmtunar
á vefsíðunni FoodUnfolded (www.fo-
odunfolded.com) ásamt öðrum fróð-
leik um framfarir tengdar mat og
uppruna matar.
Hvernig verður eldhús framtíðarinnar?
Í eldhúsi framtíðarinnar getur þú þrívíddarprentað fagurlega löguð matvæli úr næringarríkum fiskafgöngum sem annars færu til
spillis, bakað rjúkandi volga tortillu á sekúndum eftir þörfum og án nokkurrar matarsóunar í þar til gerðum tortilluofni, og ræktað
þitt eigið salat og kryddjurtir á skjótan og sjálfbæran hátt beint á diskinn í plöntuteningi sem er hluti af eldhúsinnréttingunni.
Mögnuð framtíðarsýn Það leynist margt
skrítið í eldhúsi framtíðarinnar. Hér má
sjá Holly Petty, sem stýrir verkefninu
hérlendis, ásamt áhugasömum nemanda.
Framtíðargróðurhús Guðríður Helgadóttir við upptökur.
Í þrívídd Þrívíddarprentaður matur er meðal þess sem koma skal í framtíðinni.
MORGUNBLAÐIÐ MIÐVIKUDAGUR 23. OKTÓBER 2019