Tímarit hjúkrunarfræðinga - 2016, Qupperneq 37

Fagið02/05
heilbrigðisþjónustu sem hefur í för með sér bætt aðgengi sjúklinga
að þjónustu. Þingsályktun um aðgerðaáætlun til að efla fjarheilbrigð­
isþjónustu var samþykkt í fyrrasumar að sögn Helgu Bragadóttur,
dósents í hjúkrunarfræði við Háskóla Íslands.
Fjarheilbrigðisþjónusta felur í sér notkun tæknilausna og upp­
lýsingatækni til að miðla heilbrigðisupplýsingum til sjúklinga og
heilbrigðisstarfsmanna
með það að markmiði að
bæta almenna heilbrigð­
isþjónustu. Aðgengi að
þjónustu og þekkingu
verður þannig óháð
staðsetningu viðkomandi.
Samkvæmt niðurstöðu
símakönnunar á eðli og
umfangi fjarhjúkrunar um
síma Landspítala meðal
hjúkrunardeildarstjóra
og klínískra sérfræðinga í hjúkrun, sem framkvæmd var árið 2010,
veitti þriðjungur aðspurðra fjarhjúkrun í gegnum síma. Helst er
hún veitt í formi eftirfylgdar, nokkuð er um ráðgjöf og að lokum er
veittur stuðningur og fræðsla. Helga segir símann vera vannýtt tæki í
fjarheilbrigðisþjónustu.
Aukin lífsgæði með fjarheilbrigðisþjónustu
Guðbjörg Jóna Guðlaugsdóttir, hjúkrunarfræðingur á göngudeild
hjartabilunar, kynnti svokallað hjartabilunarverkefni sem hófst 2009.
Verkefnið er samvinnuverkefni heimaþjónustu höfuðborgarsvæðis­
ins, Landspítala og Háskóla Íslands, og felst í að færa þjónustuna
heim til ört stækkandi hóps einstaklinga með hjartabilun 67 ára og
eldri. Markmiðið er að auka lífsgæði fólks og fækka innlögnum en
þjónustan fer fram í gegnum síma. Góð skráning er þannig lykilatriði
í þjónustunni. Veitt var ráðgjöf til 425 einstaklinga árið 2015 en sam­
tals voru símtölin 1472 talsins. Flestar ráðleggingarnar voru um lyf og
breytingar á lyfjum. Að sögn Guðbjargar er gífurlegur sparnaður með
þessari þjónustu, auk þess að auka lífsgæði skjólstæðinga þeirra.
Fjarheilbrigðisþjónusta felur í sér
notkun tæknilausna og upplýs-
ingatækni til að miðla heilbrigð-
isupplýsingum til sjúklinga og
heilbrigðisstarfsmanna með það
að markmiði að bæta almenna
heilbrigðisþjónustu.