Tímarit hjúkrunarfræðinga - 2016, Blaðsíða 40

FÉlagið04/06
verkefnið, verði ekki nýtt til að veita starfsmönnum varanlegar
launahækkanir heldur verði féð notað í viðbótargreiðslur skv.
frammistöðumati.
• … Mælst er til að í upphafi verkefnis verði launahlutfallið ákveðið
og sömuleiðis hlutfall hópsins af heildarfjölda við stofnun.
• … Það eru tilmæli stýrihópsins að við útfærslu verkefnisins verði
miðað við hópa hjúkrunarfræðinga á heilbrigðisstofnunum sem
hafa talsverða starfsreynslu í hjúkrun eða fimm ár að lágmarki.
• …bera hitann og þungann af hjúkrun á stofnuninni …
Verkefnið á Landspítala
Frá byrjun mars árið 2016 hefur staðið yfir umfangsmikil vinna
á Landspítala við að útbúa umgjörð fyrir frammistöðumat í
hjúkrun í samræmi við ákvæði minnisblaðsins sem getið er um
hér að ofan. Haldnir voru kynningar- og vinnufundir fyrir hjúkr-
unarfræðinga og stjórnendur vorið 2016. Á vinnufundunum var
notuð aðferðafræði sem var blanda tveggja viðurkenndra aðferða,
frammistöðuatvikaaðferð (critical incident technique) og forgangs-
röðun þátta úr þekktu hæfnilíkani (SHL). Alls tóku 106 hjúkrunar-
fræðingar á Landspítala tóku þátt í að búa til „frammistöðulíkan“
fyrir klínísk hjúkrunarstörf. Líkanið var síðan sent til umsagnar og
var síðan endurskoðað og samþykkt í lok júní 2016. Auk þess var sett
upp vefsíða með helstu spurningum og svörum um verkefnið á vef
Landspítalans og vef Fíh.
Þeir hjúkrunarfræðingar, sem eiga kost á frammistöðumati í þessari
umferð verkefnisins, voru eftirfarandi:
• Hjúkrunarfræðingur í starfslýsingum C, D og E og starfa á klínísk-
um deildum við hjúkrun sjúklinga
• Tímavinnufólk sem tekur jafnframt lífeyri úr Lífeyrissjóði
hjúkrunarfræðinga og vinna skv. minnisblaði samstarfsnefndar
LSH og Fíh (fá heildarvinnustundir á árinu 2016 reiknaðar yfir í
starfshlutfall)
Samstarfsnefndin ákvað hins vegar að verkefnið myndi ekki ná til
eftirtalinna hópa hjúkrunarfræðinga:
• Hjúkrunarfræðingar í starfslýsingum A og B
• Aðstoðardeildarstjórar