Morgunblaðið - 07.11.2019, Síða 4

4 FRÉTTIRInnlent
MORGUNBLAÐIÐ FIMMTUDAGUR 7. NÓVEMBER 2019
Ómar Friðriksson
omfr@mbl.is
Maríanna H. Helgadóttir, formaður
Félags íslenskra náttúrufræðinga
(FÍN), segist ekki fá séð að kjara-
samningurinn sem fimm aðildarfélög
BHM (BHM-5) gerðu við ríkið á dög-
unum geti hentað félagsmönnum
FÍN. „Ég sé ekki að sá kjarasamn-
ingur myndi henta félagsmönnum
FÍN og tel ekki að hann yrði sam-
þykktur af mínum félagsmönnum
þar sem hann myndi þýða kaupmátt-
arrýrnun og réttindaskerðingu fyrir
félagsmenn FÍN og það get ég ekki
boðið mínum félagsmönnum upp á,“
segir hún í svari við fyrirspurn.
FÍN er meðal átta aðildarfélaga
BHM sem hafa haft samflot í yfir-
standandi kjaraviðræðum við samn-
inganefnd ríkisins. Sá hópur hefur
nú stækkað því bæði Ljósmæðra-
félag Íslands og Félag lífeindafræð-
inga hafa gengið til liðs við samflotið,
sem gengur nú undir heitinu
BHM-10. Standa félögin saman að
kröfum á hendur samninganefnd
ríkisins. Samningafundur fór fram
milli BHM-10 og samninganefndar
ríkisins í fyrradag en ekki varð
breyting á stöðu kjaradeilunnar.
„Við höfum verið mjög skýr í okk-
ar málflutningi að launahækkanir til
okkar félagsmanna þurfa að skila sér
í kaupmáttaraukningu og við höfn-
um krónutöluhækkunum,“ segir
Maríanna um áhersluatriðin. „Stytt-
ing vinnuvikunnar þarf að vera án
allra skerðinga á öðrum réttindum
sem félagsmenn hafa nú þegar í
kjarasamningi. Lágmarkslaun þurfa
að ná 500.000 kr. fyrir félagsmann
okkar sem hefur lokið fyrstu há-
skólagráðu, án persónubundinna
þátta. Þetta eru þeir helstu þættir
sem við erum að ræða við samninga-
borðið í dag,“ segir hún.
„Við höfum undanfarið verið að
ræða við ríkið um það hvernig við
stöndum að styttingu vinnuvikunnar
og erum ekki ennþá komin með nið-
urstöðu í það mál. Það er margt
óljóst um framkvæmdina fyrir dag-
vinnustéttir og umræða um stytt-
ingu vinnuvikunnar hjá vaktavinnu-
stéttum er mjög stutt á veg komin.“
Samningur BHM-5-félag-
anna hentar ekki öllum
 „Myndi þýða kaupmáttarrýrnun og réttindaskerðingu“
Ágúst Ingi Jónsson
aij@mbl.is
Starfsmenn Skógræktarfélags
Reykjavíkur eru þessa dagana að
fella um 1.500 jólatré í Heiðmörk og
víðar. Auk þessara stofutrjáa verða
felld um 25 torgtré, þar á meðal
Óslóartréð, sem nú orðið kemur úr
Heiðmörkinni, og annað sem fer til
Þórshafnar í Færeyjum sem gjöf frá
Reykvíkingum.
Helgi Gíslason, framkvæmdastjóri
Skógræktarfélags Reykjavíkur, segir
að velja þurfi á milli nokkurra kandí-
data í Heiðmörk sem komi til álita
sem Óslóartréð á Austurvelli í ár, en
það verður tekið úr landnemalundi
Nordmannslagets í Heiðmörk. Tréð á
Austurvelli var í áratugi gjöf frá
Óslóarborg til Reykvíkinga og er enn
oft kallað Óslóartréð. Frá upphafi
skógræktarstarfs í Heiðmörk hafa
Norðmenn stutt dyggilega við skóg-
rækt á svæðinu, að sögn Helga.
Vinarhugur í verki
Norðmenn taka ekki lengur þátt í
beinum kostnaði við tréð né uppsetn-
ingu þess en Helgi segir að Norð-
menn hafi hins vegar sýnt vinarhug í
verki með því að bjóða starfsmönnum
Skógræktarfélags Reykjavíkur og
Skógræktarinnar víðs vegar að af
landinu til viku námskeiðs í skógar-
höggi nýlega. Norðmenn hafi greitt
allan kostnað á borð við uppihald,
ferðir, mat og fræðslu. Óslóarborg og
norska sendiráðið báru kostnað af
námskeiðinu.
Fjöldi lifandi jólatrjáa sem prýðir
híbýli fólks hér á landi um hátíðar hef-
ur verið áætlaður um 50 þúsund. Þar
af losar fjöldi innlendra trjáa hátt í tíu
þúsund, en um 40 þúsund tré hafa ver-
ið flutt inn síðustu ár.
Stafafura og normannsþinur
Helgi segir að stafafura sé vinsæl-
asta innlenda jólatréð, en einnig sitka-
greni, rauðgreni og blágreni. Inn-
fluttur normannsþinur, að mestu frá
Danmörku, hefur hins vegar lengi
verið vinsælasta jólatré Íslendinga, en
lítið er framleitt af honum hér á landi.
Í aðdraganda jóla býður Skógrækt-
arfélagið upp á ýmiss konar starfsemi
og stemningu. Þannig verður jóla-
markaður að venju við Elliðaárbæinn
í Heiðmörk og tekur hann til starfa
fyrstu helgi í aðventu, 30. nóvember-1.
desember. Jólaskógurinn á Hólms-
heiði verður opnaður 7. desember, en
þar er fólki boðið að höggva sitt eigið
jólatré.
Fyrir hvert tré keypt í jólatrjáasölu
Skógræktarfélags Reykjavíkur eru 50
gróðursett.
Morgunblaðið/Hari
Í Heiðmörk Sævar Hreiðarsson skógarvörður fellir tíu metra hátt sitkagrenitré sem verður torgtré. Myndin er
tekin í Heiðmörk skammt frá minnisvarða um fyrsta skógræktarstjóra Íslendinga, Agnar Kofoed-Hansen.
 Skógræktarfélag Reykjavíkur fellir
um 1.500 stofutré í Heiðmörk fyrir jólin
Óslóartréð valið
í lundi Norðmanna
NÝJ
UNG
!
Öruggar þvaglekavörur
Extra
rakadræg
100%
Lyktarvörn
Passa
frábærlega
Ágúst Ingi Jónsson
aij@mbl.is
Lokaskýrsla sjóslysasviðs Rann-
sóknarnefndar samgönguslysa
vegna ásiglingar hvalaskoðunar-
skipsins Eldeyjar á danska varðskip-
ið Hvidbjørnen í Reykjavíkurhöfn
fyrir ári var afgreidd á fundi nefnd-
arinnar á föstudag. Í áliti nefndar-
innar segir að ekki hefði átt að
sleppa landfestum Eldeyjar meðan
verið var að taka 135 metra langt
herskip inn í höfnina.
„Nefndin hvetur stjórnendur far-
þega- og hvalaskoðunarskipa að
kynna sér vel umferð innan hafnar-
innar og taka tillit til hennar áður en
farið er af stað eða við komur til að
tryggja öryggi skipsins,“ segir í álit-
inu.
Skemmdir á báðum skipum
Landfestum Eldeyjar var sleppt
klukkan níu að morgni 18. október í
fyrra, en skipið lá utan á öðru skipi
við Ægisgarð. Skömmu eftir að skip-
ið var laust lenti það með bakborðs-
síðu utan í danska varðskipinu Hvid-
bjørnen sem lá við Ægisgarð, segir í
skýrslu RNS. 116 farþegar voru um
borð í Eldey og fjórir skipverjar.
Talsverðar skemmdir urðu á Eld-
ey þar sem tveir gluggar brotnuðu
og pósturinn á milli þeirra gekk að-
eins inn. Einn farþegi um borð í Eld-
ey skarst á glerbroti. Rekkverk á
skut Hvidbjörnen bognaði.
Í áliti RNS segir að við rannsókn
hafi komið fram að skömmu eftir að
Eldey fór frá Ægisgarði hafði skip-
stjórinn samband við hafnsögumann
sem var að aðstoða annað skip inn í
höfnina. Skipstjórinn kvaðst hafa
óskað eftir að fá að sigla framhjá en
hafnarþjónustan hefði beðið hann
um að bíða átekta. Hann hefði slegið
af en þá hefði Eldey rekið undan
vindi og lent utan í danska varðskip-
inu.
Herskipið sem verið var að taka
inn í höfnina átti að leggja að
bryggju við Miðbakka. Það hefur
væntanlega verið hluti af heræfingu
Atlantshafsbandalagsins í Norður-
Atlantshafi, Trident Juncture, sem
þá stóð yfir. Þessa októberdaga í
fyrra voru herskip NATO áberandi í
höfnum á höfuðborgarsvæðinu.
Ekki farið að reglum
Í nóvember 2017 skapaðist
árekstrarhætta rétt fyrir innan inn-
siglinguna í Reykjavíkurhöfn þegar
Eldey og frystitogarinn Brimnes
mættust þar. Skipstjórum tókst að
koma í veg fyrir árekstur, en aðeins
voru nokkrir metrar á milli skipanna
þegar minnst var.
Í lokaskýrslu siglingasviðs rann-
sóknarnefndar samgönguslysa um
það atvik kemur fram það álit
nefndarinnar að orsök atviksins hafi
verið að skipstjóri Eldeyjar hafi ekki
farið að reglum um komu skips og
siglingu þess inn til hafnar og innan
hennar.
Hefðu ekki átt að losa landfestar
 Taki tillit til umferðar innan hafnar
 Verið var að taka herskip að bryggju
Ljósmynd/Úr skýrslu RNS
Ásigling Mynd úr öryggismyndavél sýnir atvikið er Eldey rakst utan í
danska varðskipið Hvidbjørnen. Skemmdir urðu á báðum skipunum.