Morgunblaðið - 07.11.2019, Síða 73

MENNING 73
MORGUNBLAÐIÐ FIMMTUDAGUR 7. NÓVEMBER 2019
Kristín Heiða Kristinsdóttir
khk@mbl.is
„Það sem er merkilegast við þessa
hátíð er allur þessi fjöldi frábærs
tónlistarfólks sem kemur fram í
borginni á fjórum dögum. Þetta er
góð blanda af íslenskum og erlend-
um böndum, sumir eru nýir í
bransanum, aðrir
lengra komnir og
einhverjir mjög
svo mikið frægir,
eins og íslenska
hljómsveitin Of
Monsters and
Men,“ segir
Anna Ásthildur
Thorsteinsson,
markaðsstjóri
Airwaves--
tónlistar-
hátíðarinnar sem var formlega sett
í gær.
„Eins og alltaf er þessi tónlistar-
hátíð fyrst og fremst skemmtilegt
partí, við leggjum mikið upp úr því
að upplifun fólks sé skemmtileg, að
fólk hafi gaman og njóti fjöl-
breyttrar tónlistar. Að okkar mati
er allt þetta tónlistarfólk hluti af
því besta sem er í gangi í dag í
tónlistarbransanum. Af erlendu
böndunum mætti nefna Mac De-
Marco, Siobhan Wilson og The
Howl & The Hum. Við erum auð-
vitað sérlega ánægð með að geta
skartað hljómsveitinni Of Monsters
and Men, því það er langt síðan
þau komu fram hér heima, þau
hafa verið upptekin við tónleikahald
í útlöndum. Þau eru rosalega
spennt að spila heima og þeim
finnst gott að koma til Íslands, að
koma til baka á heimavöllinn.
Stelpurnar í Kælunni miklu hafa
líka verið að gera virkilega góða
hluti úti í hinum stóra heimi og al-
veg frábært að fá þær á hátíðina
núna.“
Þegar Anna er spurð að því
hvernig hlutfallið sé á milli ís-
lenskra og erlendra hljómsveita á
hátíðinni, segir hún að í ár séu
fleiri íslensk bönd en erlend.
„Almennt séð eru færri tónleikar
í ár en á fyrri hátíðum, en reynt er
að gera meira úr hverjum viðburði
fyrir sig. Á fyrri hátíðum var fólk
að spila rosalega oft bæði á hátíð-
inni og á utandagskrártónleikum og
það gat verið lýjandi, en núna er
meira púður sett í færri tónleika.
Eins og venjulega eru fjölmargir
„off venue“- eða utanhátíðartón-
leikar sem eru öllum opnir, eða um
hundrað og fimmtíu talsins. Þeir
fóru af stað á mánudag, en utan-
tónleikadagskráin er alltaf virkilega
lifandi og skemmtileg,“ segir Anna
og tekur fram að engir tónleikar
verði í Hörpu að þessu sinni.
„Airwaves-tónleikarnir verða út
um allan bæ, á Listasafninu, í
Gamla bíói, á Gauknum, á Kexinu, í
Iðnó, í Hressingarskálanum, á
Hard Rock og í Fríkirkjunni, en
þar er alltaf rosa skemmtilegt. Á
laugardeginum, sem er stóri dagur-
inn, verða tónleikar í Hlíðarenda og
þar koma meðal annars fram Of
Monsters and Men,“ segir Anna og
bætir við að ein nýjung á hátíðinni
sem í boði er sé sú að tveir staðir
gátu bókað þær hljómsveitir sem
þeir vildu að spiluðu hjá sér. „Dill-
on og Kornhlaðan bjóða upp á slíka
eigin óskadagskrá allan daginn fyr-
ir þá sem hafa keypt sig inn á há-
tíðina.“
Til að koma á tengslum
Anna segir hátíðina vera ólíka
mörgum öðrum tónlistarhátíðum að
því leyti að ekki sé lagt upp úr því
að reyna að flagga allra stærstu
nöfnunum í bransanum.
„Við erum meira að selja hug-
myndina um góða upplifun og fjöl-
breytni, skemmtilega nokkurra
daga hátíð og síðast en ekki síst að
gefa minni böndum og lítt frægum
tækifæri til að koma fram. Þetta er
svokölluð „Showcase“-hátíð þar
sem vaxandi hljómsveitir og fólk í
bransanum geta komið á tengslum.
Við erum með ráðstefnu á hátíðinni
til að laða að fagaðila, útgáfufyrir-
tæki, bókara, blaðamenn og fleiri,
en fjöldi erlendra tónlistarblaða-
manna mætir og kynnir sér hvað er
að gerast í tónlistarsenunni og
skrifar um það í alþjóðlega miðla
um allan heim.“
Um 6.500 til 7.000 manns mæta á
hátíðina í ár, bæði íslenskir og er-
lendir gestir, en hún er ævinlega
vel sótt af erlendum gestum og
margir þeirra koma aftur ár eftir
ár.
„Enda ríkir áþreifanlega góð
stemning í bænum þegar Airwaves-
hátíðin stendur yfir og gangandi
vegfarendur heyra tónlist óma úr
öllum hornum. Þetta er mikil tón-
listarveisla og allt þetta listafólk
hefur verið á stífum æfingum
undanfarið. Þetta verður geggjað
gaman.“
Borgin við sundin blá mun óma af tónum
Morgunblaðið/Eggert
Hatari Lætur sig ekki vanta á hátíðina í ár.
 Airwaves-tónlistarhátíðin er fyrst og fremst skemmtilegt partí  Of Monsters and Men spennt að
spila loksins heima  Um 6.500 til 7.000 manns mæta á hátíðina, bæði íslenskir og erlendir gestir
Anna Ásthildur
Thorsteinsson
Morgunblaðið/Kristinn Magnússon
Of Monsters and Men Langt síðan spiluðu hér.
Morgunblaðið/Hari
Bríet Ein þeirra ungu og upprennandi sem spila.
Ínútímaljóðlist hafa ljóð semfara eftir bragfræðilegumlögum og reglum orðið undirog frjálst form tekið yfirhönd-
ina að einhverju leyti. Því er virki-
lega hressandi að lesa vísur Þórarins
í bókinni Til í að vera til en þær líta
ekki á formið sem hindrun heldur
tækifæri.
Í hverri einustu vísu er að finna
rím, stuðla og höfuðstafi og eru þær
flestar fjögurra
lína langar. Í ör-
fáum orðum og
enn færri línum
nær Þórarinn að
varpa ljósi á ótal
atriði samtímans
með lygilegri
dýpt.
Málshátturinn
„öllu gamni fylgir
nokkur alvara“ smellpassar við Til í
að vera til. Bæði kímni og léttleiki
eru áberandi í vísum bókarinnar en
umfjöllunarefnið er þó oft á tíðum
alvarlegt og nær Þórarinn að stinga
á kýlum samtímans með kitlandi
húmor.
Vísurnar eru gagnrýnar, á sjálfar
sig, tungumálið, ljóðlistina og sam-
félagið sem þær spretta upp úr. Þær
vekja lesandann til umhugsunar um
veröldina sem hann hrærist í án þess
þó að bæta fargi á þungt manns-
höfuðið. Vísurnar snerta eitthvað í
lesandanum og losa örlítið um
áhyggjur nútímamanneskjunnar
með því að gera grín að þeim með
ljúfum hætti.
Það eina sem stakk mig við lestur-
inn var samhengið á milli vísnanna.
Stór hluti þeirra á vel heima í sama
menginu þrátt fyrir að snerta á ólík-
um flötum lífsins en stöku vísa virð-
ist örlítið týnd í þessu sjötíu vísna
kveri Þórarins.
Truflunin var þó ekki mikil og
kann hún jafnvel að verða til þess að
lesandinn rýni betur í ljóðin, taki
bókina upp að nýju og reyni að átta
sig á samhenginu. Er það ekki ein-
mitt það sem við erum öll að reyna
að gera, frá degi til dags? Að átta
okkur á því hvernig lífið virkar,
hvernig allt tengist, ef það gerir það
þá? Þórarinn gerir alla vega heiðar-
lega tilraun til að varpa nýju ljósi á
tilveruna og leggur hér fram verk-
færi til frekari vangaveltna um hana.
Hann varar þó við of miklum heila-
brotum í ljóðinu „Um hugsun“.
Á ykkur ætla ég að demba
einu að hugsa‘ um:
Of mikil remba
endar í buxum.
Kímni sem sprengir
kýli samtímans
Ljóð
Til í að vera til
bbbbm
Eftir Þórarin Eldjárn.
Vaka-Helgafell, 2019. Kilja, 74 bls.
RAGNHILDUR
ÞRASTARDÓTTIR
BÆKUR
Morgunblaðið/Eggert
Léttleiki Að mati rýnis gerir Þórarinn Eldjárn heiðarlega tilraun til að
varpa nýju ljósi á tilveruna og leggur fram verkfæri til frekari vangaveltna.
Ljósmyndir Rutar og Silju
Skipholti 31 | 105 Reykjavík | Sími 568 0150 | www.rut.is |
Opið alla virka daga kl. 10-17
Góð passamynd
skiptir máli
Skjót
og hröð
þjónust
a
SÍGILDIR SUNNUDAGAR
Sun.kl. 16
Komdu á Sígilda sunnudaga
og upplifðu fjölbreytt úrval
kammertónlistar í allan vetur.
harpa.is/sigildir
Klassísk
tónleikaröð
í allan vetur