Morgunblaðið - 18.11.2019, Síða 11

FRÉTTIR 11Innlent
MORGUNBLAÐIÐ MÁNUDAGUR 18. NÓVEMBER 2019
Gs import ehf | S. 892 6975 | www.gsimport.is
Frábær ending
Léttvínsglös
úr hertu gleri
Helgi Bjarnason
helgi@mbl.is
Gangi áætlanir stjórnvalda eftir
verður lokið við breikkun Suður-
landsvegar á milli Hveragerðis og
Selfoss, fyrir utan brú á Ölfusá, á
árinu 2024. Í framhaldinu verði ráð-
ist í framkvæmdir á milli Fossvalla
og Bæjarháls í Reykjavík. Eftir það
verður öll leiðin frá Vesturlandsvegi
að Selfossi komin með aðskildum ak-
brautum með vegriði á milli. Hafin
er vinna við umhverfismat þess kafla
Suðurlandsvegar sem eftir er að
meta, það er að segja á milli Hólms-
ár og vegamóta við Bæjarháls.
Nú er verið að ljúka framkvæmd-
um við breikkun vegarins á milli
Varmár við Hveragerði og Kot-
strandarkirkju í Ölfusi. Samkvæmt
tillögu að endurskoðaðri samgöngu-
áætlun verður haldið áfram og veg-
urinn lagður að hringtorgi sem útbú-
ið verður á gatnamótum Suðurlands-
vegar við Biskupstungnabraut.
Unnið verður að undirbúningi vegar
þaðan á nýrri brú yfir Ölfusá hjá Sel-
fossi en reiknað er með að sú fram-
kvæmd verði samvinnuverkefni ríkis
og einkaaðila og hefur ekki verið
tímasett. Jafnframt verður unnið að
breikkun Suðurlandsvegar á milli
Kamba og Varmár, framhjá Hvera-
gerði, á árunum 2023 til 2024.
Mislæg gatnamót bíða
Vegagerðin hefur kynnt drög að
tillögu að matsáætlun vegna tvöföld-
unar vegarins frá vegamótum við
Bæjarháls að Hólmsá austan Hafra-
vatnsvegar. Þetta er eini kaflinn á
þessari leið sem ekki hefur hlotið
umfjöllun í umhverfismati.
Auk tvöföldunar þarf að aðlaga
reið-, hjóla- og gönguleiðir að nýjum
tvöföldum vegi og tengingum við
hliðarvegi verður fækkað. Markmið
framkvæmdanna er að auka umferð-
aröryggi og tryggja greiðari umferð
um Suðurlandsveg sem ekki veitir af
því miklar bílaraðir myndast þar á
annatímum á sumrin.
Vegurinn verður byggður í allt að
fimm áföngum. Í fyrstu tveimur
áföngunum verður hann tvöfaldaður
án mislægra gatnamóta, alls 5,4 km
leið. Í þeim fyrsta frá Hólmsá að
Norðlingavaði og í öðrum frá Norð-
lingavaði að gatnamótum við Bæj-
arháls. Í þeim þremur seinni verða
mislæg gatnamót byggð við Breið-
holtsbraut, Norðlingavað og Hafra-
vatnsveg en ekki Heiðmerkurveg.
Þessi fern vegamót verða þau einu
á þessum kafla, aðrir vegir tengjast
inn á þau. Framkvæmdir við gerð
mislægra gatnamóta eru ekki inni á
samþykktri samgönguáætlun og því
ekki tímasettar. Á mestum hluta
kaflans verður vegurinn breikkaður
til norðurs. Á stuttum kafla við
Bugðu verður hann þó breikkaður til
suðurs vegna nálægðar við ána.
Vegurinn verður hefðbundinn
tveggja akreina vegur í hvora átt
með aðskildum akbrautum, nema hjá
Rauðavatnsskógi. Til þess að skerða
ekki skóginn er vegurinn hafður þar
í þröngu sniði, þannig að aðeins
verði vegrið sett upp á milli akbraut-
anna.
Í matinu verða nokkrir valkostir
við legu vegarins skoðaðir, sérstak-
lega hvaða gerð gatnamóta er talin
heppilegust.
Breikkun Suðurlands-
vegar í Reykjavík
Vegagerðin, í samvinnu við Reykjavíkurborg
og Mosfellsbæ, áformar að tvöfalda Suður-
landsveg frá vegamótum við Bæjarháls að
Hólmsá ofan Reykjavíkur.
Byggð verða þrenn mislæg vegamót og veg-
urinn verður byggður í allt að fi mm áföngum.
Vesturlandsvegur
Suðurlandsvegur
Suðurlandsvegur
Breiðholtsbraut
Rauðavatn
Hólm
sá
Hólmsheiði
Hádegishæð
ÁRBÆR
HÓLAR
GRAFARHOLT
NORÐL INGA-
HOLT
HVÖRF
Elliðavatn
1. áfangi
Tvöföldun Suðurlands-
brautar frá Bæjarhálsi
að Norðlingavaði
2. áfangi
Tvöföldun Suðurlands-
brautar frá Norðlinga-
vaði að Hólmsá
3. áfangi
Mislæg gatnamót í
stað hringtorgs við
Breiðholtsbraut
5. áfangi
Mislæg gatnamót
við Hafravatnsveg.
4. áfangi
Mislæg
gatnamót
við Norð-
lingavað
Suðurlandsvegur breikkaður
 Innan fimm ára verður Suðurlands-
vegur úr Reykjavík og að Ölfusá orðinn
tvöfaldur eða með þremur akreinum
 Umhverfismat hafið á síðasta kaflanum
Ágúst Ingi Jónsson
aij@mbl.is
Embætti landlæknis leggst gegn
breytingum á lyfjalögum sem lagt
er til að gerðar verði samkvæmt
frumvarpi þriggja þingmanna Sjálf-
stæðisflokksins. Embættið gerir al-
varlegar athugasemdir við hug-
myndir um að veita Lyfjastofnun
heimild til að veita undanþágu til
sölu tiltekinna lausasölulyfja í al-
mennri verslun og mælir gegn því
að frumvarpið verði að lögum.
Frumvarpið var áður flutt á síð-
asta þingi og er nú lagt fram
óbreytt af Unni Brá Konráðsdóttur,
Óla Birni Kárasyni og Bryndísi
Haraldsdóttur. Flutningsmenn telja
brýnt að auka frelsi í sölu lausasölu-
lyfja og breyta lögum í því skyni að
heimila sölu lausasölulyfja í almenn-
um verslunum. Í greinargerð með
frumvarpinu segir að 2017 hafi Al-
þingi samþykkt þingsályktun um
lyfjastefnu til 2022. Eitt megin-
markmiða stefnunnar hafi verið að
tryggja aðgengi allra landsmanna
að nauðsynlegum lyfjum.
Ekki leitt til ofnotkunar lyfja
„Ísland stendur mörgum Evrópu-
ríkjum að baki hvað varðar sölu á
lausasölulyfjum í almennum versl-
unum, en í Danmörku, Noregi og
Svíþjóð er slík sala heimil. Sem
dæmi um lausasölulyf má nefna
væg verkjalyf, ofnæmislyf og maga-
lyf.
Þetta fyrirkomulag hefur ekki
leitt til ofnotkunar lyfja eða haft
slæm áhrif á lýðheilsu og tilkynntar
eitranir vegna lausasölulyfja hafa
ekki aukist. Sem dæmi má nefna að
í Svíþjóð var sala lausasölulyfja ut-
an apóteka heimiluð með lögum
2009 og tölur sýna að sala lausasölu-
lyfja stóð í stað til ársins 2013. Af
Norðurlöndunum banna aðeins Ís-
land og Finnland sölu lausasölulyfja
í almennum verslunum,“ segir í
greinargerðinni.
Þar kemur einnig fram að með
tiltölulega einföldum hætti væri
hægt að breyta lyfjalögum á þann
hátt að Lyfjastofnun fái heimild til
að veita almennum verslunum und-
anþágu til að selja tiltekin lyf. Slík
lagabreyting auki samkeppni og
lækki verð til neytenda. Auk þess sé
verulegt hagræði fólgið í því fyrir
neytendur að geta nálgast lausa-
sölulyf á sem auðveldastan hátt.
Nauðsynlegt öryggisatriði
Embætti landlæknis telur að með
þessu sé verið að gera lyf að enn al-
mennari verslunarvöru en nú er. Öll
lyf hafi bæði verkanir og aukaverk-
anir sem nauðsynlegt sé að seljandi
hafi þekkingu á. Að slík þekking sé
fyrir hendi sé nú tryggt með skil-
yrðum í gildandi lögumm, en þar
segi að þeir einir hafi leyfi til lyfja-
sölu sem hlotið hafi leyfi að skil-
yrðum uppfylltum.
„Að mati landlæknis er hér um
nauðsynlegt öryggisatriði að ræða
fyrir þá sem þurfa á lyfjum að
halda. Enn fremur vill embættið
vekja athygli á að Íslendingar nota
meira af ákveðnum lyfjum, sérstak-
lega tauga- og geðlyfjum, en ná-
grannaþjóðirnar og því telur emb-
ættið að almennt þurfi að auka aga
og virðingu fyrir lyfjum og vanda
alla umgengni um þau og ráðstöf-
un,“ segir í umsögninni.
Líta beri á öll lyf, þar með talin
lausasölulyf, sem lækningavöru.
Sölu þeirra og dreifingu sé best fyr-
irkomið þar sem fyrir hendi sé góð
þekking og reynsla af lyfjum, verk-
unum þeirra og aukaverkunum.
„Vandséð er hvernig slík sértæk
þekking og reynsla geti verið til
staðar í almennri verslun þar sem
frumvarpið leggur til að lausasölu-
lyf verði seld,“ segir í umsögninni.
Landlæknir leggst gegn
lyfjasölu í verslunum
 Flutningsmenn telja brýnt að auka frelsi í sölu lausasölu-
lyfja  Landlæknir vill að þekking og reynsla séu fyrir hendi
Morgunblaðið/Sverrir
Lyf Sjónarmið landlæknis og þriggja þingmanna um lyfsölu stangast á.