Morgunblaðið - 21.11.2019, Page 41

UMRÆÐAN 41
MORGUNBLAÐIÐ FIMMTUDAGUR 21. NÓVEMBER 2019
„Borgarbúar“ við þurfum ykkar aðstoð
í baráttunni við borgaryfirvöld
Í átta ár hafa rekstraraðilar á Laugavegi og neðri hluta Skólavörðustígs staðið í stríði við borgaryfirvöld vegna götulokanna.
Afgerandi meirihluta rekstraraðila er alfarið á móti þessum lokunum, enda hafa þær skaðað rekstur og neytt marga til að loka eða
flytja verslanir sínar. Við höfum séð á eftir mörgum verslunum sem settu svip sinn á göturnar og gerðu þær eftirsóknarverðar til að
heimsækja. Stór hluti verslana á þessu svæði eru fjölskyldufyrirtæki sem hafa byggt upp sína starfsemi áratugum saman, meira að
segja tvö í 100 ár og lengur.
Fyrirhugaðar eru allsherjar lokanir, allt árið um kring frá Snorrabraut að Lækjargötu og neðri hluta Skólavörðustígs.
Þetta mun endanlega ganga frá mörgum verslunum, þær loka eða flytja. Reynslan af sumarlokunum er mjög slæm, hvað þá ef veturinn
bætist við lokanir. Það má segja að þetta sé aðför að verslun og þjónustu.
Við viljum vera áfram í miðborginni og bjóða ykkur uppá fjölbreytta verslun og góða þjónustu. Án okkar verður lítið að sækja á
Laugaveginn og nágrenni. Þetta er barátta uppá líf eða dauða fyrir marga rekstraraðila.
STÖÐVUM FLÓTTANN
74% Á MÓTI LOKUNUM
Samkvæmt könnun sem Zenter rannsóknir gerðu fyrir Miðborgina okkar og Samtök verslunar- og þjónustu eru 74% rekstraraðila sem
tóku afstöðu á Laugavegi og Bankastræti frá Snorrabraut að Lækjargötu á móti götulokunum. Það gera þrír af hverjum fjórum.
ÁKALL TIL BORGARBÚA
Góðir borgarbúar! Við biðjum ykkur að standa með okkur!
Aðgerðarhópurinn Björgum miðbænum
Kannski skilja ekki
allir orðið tvískinn-
ungur þannig að ég
ætti kannski að tala al-
veg tæpitungulaust.
Eru frændur okkar
Norðmenn alveg að
tapa glórunni? Á með-
an við horfum á hin
geigvænlegu áhrif
hlýnunar á jörð okkar
þá virðist Mammon
hafa svo mikil áhrif á huga Norð-
manna að þeir ekki bara leita nýrra
olíusvæða innan sinna landamæra
heldur eru að taka í notkun eitt
stærsta olíusvæði sem þeir hafa fund-
ið fram til þessa á sínu landgrunni.
Eru virkilega áhrif hinna illu afla sem
virðast reyna að ná áhrifum á jörð
vorri svona svakaleg að mönnum
finnist bara allt í lagi að sækja á miðin
á meðan einhverjir aurar kunna að
sjást eða finnast? Án þess að þurfa að
hugsa um afleiðingar gjörða sinna
sama hversu svakalegar þær kunna
að verða fyrir jörð okkar eða mann-
kynið í heild. Ég bið góðan Guð að
ekki verði farið svo mikið sem að leita
að olíu á okkar miðum hvað þá
vinnslu á henni. Enda mun það svo
torsóttur möguleiki að
varla mun nokkurn tím-
ann verða úr slíkum
framkvæmdum.
Til hamingju Íslend-
ingar að eiga slíkan ráð-
herra sem hana Katrínu
Jakobsdóttur, hún talar
tæpitungulaust um um-
hverfisáhrifin á jörð
okkar. Þarna fer kona
sem gerir sér góða grein
fyrir hættum þeim sem
að okkur kunna að
steðja með þessari óvarkárni sem við
jarðarbúar sýnum í umgengni við
auðlindir vorar.
Skorum því á vini okkar Norðmenn
að sýna gætni í umgengni við auðlind-
ir sínar, þó að á stundum komi
kannski stór dollaraglampi fram í
augum þeirra. Guð blessi Ísland.
Tvískinnungur
Norðmanna
Eftir Hjálmar
Magnússon
Hjálmar Magnússon
»Ég bið góðan Guð að
ekki verði farið svo
mikið sem að leita að
olíu á okkar miðum hvað
þá vinnslu á henni.
Höfundur er fyrrverandi
framkvæmdastjóri.
Eftir að ég varð at-
vinnulaus í sumar
sótti ég ekki um önn-
ur störf. Í sumar
þurfti ég að segja
starfinu mínu upp þar
sem ekki voru nægir
peningar í verkefninu
til að borga mér laun
en ég tala meira um
það hér. Það fyrsta
sem ég gerði var að
meta stöðuna og reyna komast að
því hvað mig langaði að gera –
vegna þess að ekkert fyrirtæki
kallaði til mín. Í staðinn ákvað ég
að vinna að verkefninu Reboot
Hack sem ég hafði stofnaði ári áð-
ur ásamt skólasystrum mínum.
Reboot Hack er hakkaþon fyrir
háskólanema en hakkaþon er
nýsköpunarkeppni sem fer fram á
24 tímum þar sem fyrirfram
ákveðnar áskoranir frá íslenskum
fyrirtækjum eru lagðar fyrir sem
þátttakendur þurfa svo að þróa og
að lokum kynna hugmyndir sínar
að lausnum.
Eftir að hafa lokið fyrsta fjár-
mögnunarfasa Reboot Hack í byrj-
un september komumst við að því
að jarðvegurinn er grýttari en við
höfðum talið og mér ljóst að ég
gæti ekki fengið greitt fyrir vinn-
una mín hjá Reboot Hack. Ég opn-
aði því fyrir það að taka að mér
aukaverkefni til að halda mér uppi.
Fyrsta verkefnið sem ég tók að
mér var í gegnum fyrri samstarfs-
aðila Reboot Hack 2019. Verkefnið
fólst í því að vera ráðgjafi við fram-
kvæmd hakkaþons á vegum Snjall-
borgarinnar, verkefnis
á vegum Reykjavík-
urborgar. Þar gat ég
nýtt þá þekkingu og
færni sem ég hef öðl-
ast í gegnum störf mín
við hakkaþon ásamt
færni minni í sam-
skiptum og við-
burðastjórnun. Það
spurðist út og stuttu
seinna fékk ég annað
hakkaþonsverkefni upp
í hendurnar en í það
skipti var mér falið að
sjá um alla framkvæmd hakkaþons-
ins. Þegar á leið það verkefni kom í
ljós að ekki var til nægt fjármagn
ásamt því að ekki var nægjanlegur
tími til stefnu til þess að klára allt
sem þurfti. Því var ákveðið að
hætta við framkvæmdina. Þá sömu
viku kom upp í hendurnar á mér
annað hakkaþon – í þetta skipti
fyrir Tónlistarborgina Reykjavík
en hakkaþonið fór fram undir leið-
sögn MIT Bootcamps sem byggist
á hugmyndafræði frá sérfræðingum
við MIT-háskólann og einblínir á
hvernig á að leiða hópa í hug-
myndavinnu.
Starf mitt síðustu mánuði hefur
því þróast í það að vera hakkaþonr-
áðgjafi, sem er blanda af verkefna-
stjórnun, viðburðastjórnun, mark-
aðsstörfum og almannatengslum.
Ég hef þróað með mér enn betri
færni til þess að vinna sjálfstætt
sem og hæfileikann til þess að
koma inn í teymi og vinna samhliða
þeim á mest krefjandi tímum verk-
efnisins. Starfið felur í sér að geta
haldið mörgum boltum á lofti frá
mismunandi verkefnum. Það felur í
sér mikið skipulag og úthald þar
sem fundir eru margir þegar nær
líður hakkaþonunum sjálfum, sem
og hakkaþonin sjálf krefjast mik-
illar viðveru þegar að þeim loksins
kemur. Ég hef kynnst fjölmörgu
fólki innan nýsköpunarsenunnar
ásamt því að hafa myndað tengsl
milli þeirra verkefna sem finna má
í mínu umhverfi og hvatt fólk til
þess að taka þátt í gegnum það
sterka tengslanet sem ég hef þróað
í gegnum störf mín. Það skiptir
mig miklu máli að tengja þessi
verkefni saman og hakkaþon-
áhugafólk ætti að geta sótt öll þau
hakkaþon sem eru í boði á Íslandi.
Þegar ég var yngri dreymdi mig
alltaf um að vinna við eitthvað sem
hefði ekki enn verið fundið upp.
Síðustu ár hef ég síðan stefnt að
því að vinna við krefjandi og sí-
breytilegt starf sem krefst þess að
ég leggi mig stöðugt fram um að
læra eitthvað nýtt. Að geta fylgt
þessu eftir, uppfyllt markmiðin og
skapað mér mín eigin tækifæri hef-
ur verið gríðarlega lærdómsríkt. Í
dag er ég gríðarlega stolt af því að
hafa tekist að skapa mér tíma-
bundna atvinnu sem hakkaþonr-
áðgjafi. Ef þú hefur áhuga á því að
halda hakkaþon, kynnast hug-
myndafræðinni betur eða taka þátt
í Reboot Hack ekki hika við að
hafa samband.
Ég er hakkaþonráðgjafi, en þú?
Eftir Kristjönu
Björk Barðdal » Starfið felur í sér að
geta haldið mörgum
boltum á lofti frá mis-
munandi verkefnum.
Kristjana Björk Barðdal
Höfundur er framkvæmdastjóri
Reboot Hack.
Nú finnur
þú það sem
þú leitar að
á FINNA.is