Morgunblaðið - 21.11.2019, Page 54

54 ÍÞRÓTTIR
MORGUNBLAÐIÐ FIMMTUDAGUR 21. NÓVEMBER 2019
 Aðalsteinn Eyjólfsson hættir störf-
um sem þjálfari þýska handknattleiks-
liðsins Erlangen að þessu tímabili
loknu. Félagið tilkynnti þetta á heima-
síðu sinni í gær og að núverandi fyr-
irliði og fyrrverandi landsliðsmaður
Þjóðverja, Michael Haass, muni taka
við starfinu. Aðalsteinn hefur stýrt Er-
langen í tvö ár og liðið hefur siglt lygn-
an sjó í þýsku 1. deildinni þar sem það
er núna í 12. sæti, tíu stigum á eftir
toppliðum Flensburg og Hannover-
Burgdorf. Aðalsteinn hefur þjálfað
þýsk karlalið í ellefu ár samfleytt, var
áður með lið Hüttenberg, Eisenach og
Kassel, en hann þjálfaði kvennalið Wei-
bern tímabilið 2004-2005 og síðan
kvennalið Stjörnunnar í þrjú ár þar á
eftir.
 LeBron James náði þeim einstæða
árangri í fyrrinótt að hafa náð þre-
faldri tvennu gegn 30 liðum í NBA-
deildinni í körfuknattleik. Það þýðir að
hann hefur náð tveggja stafa tölu,
minnst 10, í þremur lykilþáttum, stig-
um, fráköstum og stoðsendingum, í
sama leiknum. James náði þessu í
sigri LA Lakers á Oklahoma City Thun-
der en hann skoraði 22
stig, tók 11 fráköst
og átti 10 stoð-
sendingar í
sigri La-
kers,
112:107. Russell
Westbrook átti
metið, 29 lið, og
gæti jafnað við
James á ný í vet-
ur ef honum
tekst að skora
þrefalda tvennu
gegn sínu gamla
félagi, Oklahoma
City Thunder.
Eitt
ogannað
MOURINHO
Sindri Sverrisson
sindris@mbl.is
„Nei, ég elska stuðningsmenn
Chelsea of mikið,“ sagði José Mour-
inho árið 2015 þegar hann var spurð-
ur hvort hann hefði íhugað að taka
við Tottenham þegar honum var boð-
ið starfið haustið 2007. Í gær var
þessi 56 ára gamli Portúgali samt
sem áður kynntur sem nýr knatt-
spyrnustjóri Tottenham til ársins
2023.
Stuðningsmenn, leikmenn og for-
ráðamenn Tottenham eru orðnir
langeygir eftir verðlaunagrip í safnið
eftir að hafa ekki unnið titil í rúman
áratug, eða síðan liðið vann deildabik-
arinn árið 2008. Það er eini titill fé-
lagsins á þessari öld. Mourinho hefur
unnið til verðlauna hjá hverju einasta
félagi sem hann hefur stjórnað, frá
því að hann tók við Porto árið 2002.
Tottenham vantar titil + Mourinho
vinnur alls staðar titil = Daniel Levy
tók hárrétta ákvörðun með því að
ráða þennan einstaka knatt-
spyrnustjóra.
Stjóri á niðurleið
En málið er ekki endilega alveg
svo einfalt. Mourinho tekur við
Tottenham í 14. sæti ensku úrvals-
deildarinnar, ellefu stigum frá Meist-
aradeildarsæti, og liðið hefur ekki
unnið útileik á Englandi síðan í jan-
úar. Stjörnuleikmenn liðsins hafa
virkað áhugalausir og gengið verið
slæmt síðasta árið, ef frá er talið
ævintýri liðsins í Meistaradeild Evr-
ópu sem lauk í úrslitaleik í vor. Mour-
inho hefur sömuleiðis náð sífellt verri
árangri eftir því sem árin hafa færst
yfir. Í síðasta starfi hans, sem stjóri
Manchester United, vann hann sína
titla í deildabikarnum og Evr-
ópudeildinni, sem og reyndar Sam-
félagsskjöldinn, á sínu fyrsta tímabili
en svo ekki söguna meir. Áður hafði
hann unnið tvennu með Chelsea 2015
en skildi svo við liðið í fallbaráttu í
desember sama ár.
Kröfuharður um kaup og kaup
En Mourinho hefur unnið stóra
titla þar sem hann er við stjórnvölinn,
og þess vegna er Levy tilbúinn að
greiða honum nærri tvöföld árslaun
forvera hans, Mauricio Pochettino.
Mourinho mun pottþétt gera fleiri
kröfur. Í ljósi sögunnar má fastlega
búast við því að hann vilji eyða háum
upphæðum í leikmenn, nú hjá félagi
sem að sleppti því að kaupa menn í
tveimur félagaskiptagluggum í röð
þar til síðasta sumar. Pochettino var
frekar opinskár með óánægju sína yf-
ir kaupastefnu Levys, eða „ekki
kaupa“-stefnu, og það hve langan
tíma tók að koma liðinu fyrir á nýjum
heimavelli, en Mourinho er samt
langtum ólíklegri til þess að bera
harm sinn í hljóði verði hlutirnir ekki
eftir hans höfði.
Eins og fyrr segir hefur Totten-
ham áður reynt að fá Mourinho, en
það var þegar Portúgalinn var rekinn
frá Chelsea í fyrra skiptið, árið 2007.
Mourinho samdi um það við Chelsea
að stýra ekki öðru liði á Englandi í
tvö ár, en Tottenham var reiðubúið
að greiða nágrönnum sínum bætur til
að tryggja sér stjórann, sem kvaðst
hins vegar ekki hafa haft áhuga á því
á þeim tíma.
Tottenham er á góðri leið í 16-liða
úrslit Meistaradeildar Evrópu, og
leikur eins og önnur úrvalsdeildarlið í
64-liða úrslitum enska bikarsins í
byrjun næsta árs. Þarna liggja því
strax vonir fyrir liðið um að vinna
langþráð verðlaun, og markmið
Mourinho verður einnig að koma lið-
inu í Evrópusæti í úrvalsdeildinni þó
að langur vegur sé upp í 4. sætið. En
gangi hlutirnir ekki upp hjá þeim
Levy standa þeir ansi berskjaldaðir
nú þegar hinum vinsæla Pochettino,
sem stóð sig um margt frábærlega í
starfi, hefur verið vísað frá. Eitt er
víst, að Tottenham verður áberandi í
fréttum og fyrirsögnum næstu
mánuðina.
Fá titlasafnara
til að bæta úr
titlaleysinu
 Hverju skilar djörf ákvörðun
Tottenham um að ráða Mourinho?
AFP
Ég sé um þetta José Mourinho klappar forvera sínum Mauricio Pochettino
á kinn eftir viðureign Manchester United og Tottenham á sínum tíma.
José Mourinho
» Verður 57 ára í janúar og
hefur verið knattspyrnustjóri í
19 ár.
» Evrópumeistari með Porto
2004 og Inter 2010, portú-
galskur meistari 2003 og
2004, enskur meistari 2005,
2006 og 2015, ítalskur meist-
ari 2009 og 2010 og spænskur
meistari 2012.
Forystan sem Liverpool er komið
með í ensku úrvalsdeildinni í
knattspyrnu eftir sigurinn á Man-
chester City fyrir landsleikjafríið,
3:1, er mesta forskot sem lið hefur
náð í deildinni að tólf umferðum
loknum í 26 ár.
Liverpool er með 34 stig af 36
mögulegum eftir ellefu sigra og
eitt jafntefli og er átta stigum á
undan næstu liðum sem eru Leic-
ester og Chelsea með 26 stig og
átta sigurleiki hvort.
Haustið 1993 var Manchester
United, undir stjórn Alex Fergu-
sons, í enn betri stöðu en þetta.
United hafði þá um vorið krækt í
sinn fyrsta meistaratitil í 26 ár,
eða frá 1967. Liðið vann tíu af
fyrstu tólf leikjum sínum, gerði
eitt jafntefli og tapaði einum, og
var því með 31 stig að tólf umferð-
um loknum, þremur minna en Liv-
erpool er með nú. Hins vegar var
forskotið níu stig því næstu lið á
eftir voru Norwich og Arsenal með
22 stig.
Þegar upp var staðið vann Man-
chester United sinn annan meist-
aratitil í röð og fékk 92 stig en þá
voru leiknir 42 leikir en ekki 38
eins og í dag þar sem 22 lið voru í
deildinni í stað 20. United fékk að
lokum átta stigum meira en næsta
lið, Blackburn Rovers, sem hreppti
silfurverðlaunin með 84 stig.
Keppni í úrvalsdeildinni fer af
stað á ný á laugardaginn en þá á
Liverpool útileik gegn Crystal
Palace. Leicester, sem er í öðru
sæti, sækir Brighton heim og stór-
leikur helgarinnar er viðureign
Manchester City og Chelsea, lið-
anna í fjórða og þriðja sæti, en þau
eigast við á Etihad-leikvanginum í
Manchester klukkan 17.30 á laug-
ardag. vs@mbl.is
Mesta forskot í
deildinni í 26 ár
AFP
Liverpool Jürgen Klopp og Moha-
med Salah mæta Palace næst.