Morgunblaðið - 21.11.2019, Síða 4

„Það má vel vera að nefndin ræði
þetta áfram. Ég er ekki á þeim vett-
vangi en mér finnst fullkomlega eðli-
legt að þingið kalli framkvæmda-
valdið fyrir sig þegar svona er og
ræði með málefnalegum hætti um þá
stöðu sem uppi er og þau málefni
sem undir eru,“ sagði Kristján Þór
Júlíusson, sjávarútvegs og landbún-
aðarráðherra, eftir fund atvinnu-
veganefndar Alþingis í gær. Kristján
var kallaður fyrir nefndina að ósk
Rósu Bjarkar Brynjólfsdóttur, þing-
manns VG, en á fundinum var rætt
um Samherjamálið og áhrif þess á ís-
lenskan sjávarútveg. „Mér fannst
mjög gott að fá tækifæri til þess að
mæta fyrir nefndina. Þetta var tæki-
færi bæði fyrir nefndarmenn til þess
að spyrja og mig þá að svara,“ sagði
Kristján enn fremur.
Rósa sagði fundinn hafa verið
gagnlegan en nokkur atriði væru
óljós. „Til að mynda er óljóst ná-
kvæmlega hvernig eigi að útfæra
fyrirhugað samstarf við Mat-
vælastofnun SÞ og sömuleiðis er ým-
islegt líka óljóst varðandi það
gagnsæi sem boðað er. Mér finnst
líka að það mættu vera skýrari línur
þegar kemur að hæfni ráðherra til
þess að takast á við þetta mál og
halda utan um málefni Samherja.“
hjortur@mbl.is Morgunblaðið/Árni Sæberg
Gagnlegur fundur en ýmislegt óljóst
 Sjávarútvegsráðherra sat fyrir svörum hjá atvinnuvegaþingnefnd  Gott tækifæri, segir ráðherra
4 FRÉTTIRInnlent
MORGUNBLAÐIÐ FIMMTUDAGUR 21. NÓVEMBER 2019
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Bir
tm
eð
fyr
irv
ar
au
m
pr
en
tvi
llu
r.
He
im
sfe
rð
ir
ás
kil
ja
sé
rr
étt
til
lei
ðr
étt
ing
aá
slí
ku
.A
th.
að
ve
rð
ge
tur
br
ey
st
án
fyr
irv
ar
a.
Ve
rð
m.
v.
7n
æt
ur
áA
pa
rtm
en
ts
Pa
ra
de
ro
Iþ
an
n1
4.
jan
úa
r2
02
0.
595 1000
.7
næ
tur
A
ar
tm
en
ts
Pa
ra
de
ro
Iþ
a
Janúar útsala!
Tenerife og Gran Canaria
NÁNAR Á HEIMSFERDIR.IS
Flug frá kr.
39.900 Sæti báðar leiðirmeð tösku og handfarangri
Verð frá kr.
62.945Flug og gistingm.v. 2 fullorðna
Helgi Bjarnason
helgi@mbl.is
„Þetta eru uppörvandi og ánægjuleg-
ar fréttir og staðfesta það sem okkar
framleiðendur hafa fundið vel fyrir á
síðustu mánuðum og misserum. Okk-
ar vara er eftirsótt og viðurkennd
sem gæðavara,“ segir Einar K. Guð-
finnsson sem starfar að fiskeldismál-
um hjá Samtökum fyrirtækja í sjáv-
arútvegi, SFS. Tilefnið er frétt frá
Danmörku um að fyrirtæki sem rek-
ur salatbari hafi skipt norskum laxi
út fyrir íslenskan lax frá Arnarlaxi.
Framkvæmdastjóri Wedofood í
Kaupmannahöfn, Andreas Moi Bo-
ros, sem rekur sex salatbari sagði í
samtali við danska viðskiptablaðið
Børsen og norska vefritið iLaks að
fyrirtækið telji að framleiðsla á Ís-
landi fari fram við sjálfbærari að-
stæður en í Noregi og nefnir sérstak-
lega að notkun jarðhita við seiðaeldið
dragi úr útblæstri gróðurhúsaloft-
tegunda. Áður hefur Wedofood skrif-
að að laxinn í kvíunum hjá Arnarlaxi
hafi gott rými til að hreyfa sig. Þá sé
minna um laxalús á Íslandi en í Nor-
egi.
Þessu mótmælir talsmaður Sjømat
Norge sem eru hagsmunasamtök í
norsku laxeldi, í samtali við iLaks.
Segir að flestir viti að lax sé fram-
leiddur á sama hátt á Íslandi og í
Noregi og kolefnisfótspor framleiðsl-
unnar jafn lítið í báðum löndum.
Bendir hann á að norskir laxafram-
leiðendur séu í efstu sætum lista yfir
sjálfbærni próteinframleiðanda í
heiminum.
Einar segir að fréttin frá Kaup-
mannahöfn sé í samræmi við upplifun
starfsmanna íslensku fyrirtækjanna.
Þeim hafi verið tekið tveim höndum á
mörkuðum, bæði vestanhafs og í
Evrópu. „Það er til marks um að
þrátt fyrir að við séum ekki stórir á
þessum markaði hefur okkur tekist
að marka okkur stöðu sem framleið-
endur góðrar vöru. Það skiptir mestu
máli hvort sem litið er til skemmri
eða lengri tíma.“
Fá hærra verð fyrir afurðirnar
Einar vekur athygli á því að danski
veitingamaðurinn segist tilbúinn til
að greiða hærra verð fyrir íslenska
laxinn vegna þess að hann sé sjálf-
bær, holl og góð afurð.
Íslensku laxeldisfyrirtækin virðast
vera að fá gott verð fyrir afurðir sín-
ar. Þau eru að hefja útflutning til
Kína og fá þar hærra skilaverð en í
Evrópu vegna fríverslunarsamnings
Íslands og Kína. Þá kom fram hjá
greiningarfyrirtækjum þegar við-
skipti voru að hefjast með hlutabréf
Arnarlax á NOTC-markaðnum í
kauphöllinni í Ósló að afurðaverð
þess væri hærra en skráð meðalverð
norsku fyrirtækjanna. Það var skýrt
að hluta með því að Arnarlax var að
selja heldur stærri lax en norsku
fyrirtækin.
„Við erum litlir í heildarsamhengi
laxeldis í heiminum en ég tel að okk-
ar tækifæri liggi í sérstöðu, meðal
annars á sviði gæðanna,“ segir Ein-
ar.
Íslenskan lax frekar en norskan
 Fyrirtæki sem rekur salatbari í Kaupmannahöfn skipti norskum laxi út fyrir íslenskan  Talsmaður
fiskeldis segir að íslensku fyrirtækjunum hafi tekist að marka sér stöðu sem framleiðendur góðrar vöru
Morgunblaðið/Helgi Bjarnason
Lax Gott verð fæst fyrir stóran lax
ytra. Danir eru komnir á bragðið.
Höskuldur Daði Magnússon
hdm@mbl.is
„Ég vona að það verði engum spurn-
ingum ósvarað eftir þennan fund.
Það hefur aldrei verið ætlunin hjá
sveitarfélaginu að troða þessu máli í
gegn með valdi,“ segir Haraldur
Birgir Haraldsson, skipulags- og
byggingarfulltrúi í Rangárþingi
ytra.
Sveitarstjórn Rangárþings ytra
heldur opinn kynningar- og sam-
ráðsfund vegna uppbyggingar ferða-
þjónustu á jörðunum Leyni 2 og 3 í
kvöld. Fundurinn verður haldinn að
Brúarlundi í Landsveit klukkan 20.
Morgunblaðið hefur fjallað ítar-
lega um áformin að Leyni en mikillar
óánægju hefur gætt með þau meðal
hagsmunaaðila á svæðinu. Umfang
uppbyggingarinnar hefur verið
gagnrýnt sem og að uppbygging hafi
hafist án þess að tilskilinna leyfa hafi
verið aflað. Malasíumaðurinn Loo
Eng Wah hefur lýst því yfir í viðtali
við blaðið að fullur vilji sé fyrir því
hjá sér og fjárfestum að baki verk-
efninu að það sé gert í góðu samráði
við fólk á svæðinu.
Í nýrri tillögu að deiliskipulagi
hafa verið gerðar breytingar á
áformum Loo og eru þau talsvert
smærri í sniðum nú. Til að mynda
hefur verið ákveðið að umdeild hjól-
hýsi á svæðinu verði fjarlægð.
„Hjólhýsin fara. Þau hafa valdið
miklum usla,“ segir Haraldur Birgir.
„Þeir tóku ákvörðun um að byggja
frekar lítil hús á tjaldsvæðinu. Það
er mun betra í alla staði, sérstaklega
er snýr að eldvörnum og öllu sem við
kemur öryggi. Mér reiknast til að
þarna sé gestafjöldi um 170 manns
þegar hámarki er náð. Umfang
þessa verkefnis er því ekki næstum
því eins mikið og það var í byrjun,“
segir hann. Á fundinum í kvöld mun
fulltrúi framkvæmdaaðila fara yfir
áform Loo og félaga. Í kjölfarið
munu fulltrúar sveitarstjórnar og
skipulagsnefndar auk framkvæmda-
aðila sitja fyrir svörum.
Hjólhýsi Loo víkja á Leyni
 Opinn samráðsfundur vegna uppbyggingar ferðaþjónustu
á Leyni  Áformin minni í sniðum í nýrri skipulagstillögu
Morgunblaðið/Hari
Á Leyni Loo Eng Wah hefur breytt
upphaflegum áformum sínum.