Morgunblaðið - 21.11.2019, Side 28

28 FRÉTTIRInnlent
MORGUNBLAÐIÐ FIMMTUDAGUR 21. NÓVEMBER 2019
Bláu húsin v/Faxafen
Sími 553 7355 • www.selena.is • Selena undirfataverslun • Næg bílastæði
Sigtryggur Sigtryggsson
sisi@mbl.is
Auglýst hefur verið skipulagslýsing
vegna breytingar á deiliskipulagi
Hvamms og Hvammsvíkur í Hval-
firði. Tilefni deiliskipulagsbreyting-
anna er áform um uppbyggingu, en
fyrirhugað er að byggja sjóböð og
tilheyrandi aðstöðu fyrir baðgesti,
svo sem búningsaðstöðu, veit-
ingasölu og bílastæði, að því er fram
kemur á heimasíðu Kjósarhrepps.
Þjónustuhús verður fyrir allt að
150 manns og verður bílaumferð og
fjöldi gesta takmarkaður hverju
sinni til að tryggja sem besta upp-
lifun gesta og hlífa náttúru staðarins
fyrir of miklum ágangi.
Fyrirhuguð uppbygging verður
þar sem núverandi náttúrulaug er.
Gert verður ráð fyrir bílastæðum
fyrir um 50 bíla auk stæða fyrir 2-3
hópferðabíla. Þjónustuhúsið verður
allt að 500 fermetrar að stærð. Leit-
ast verður við að nota íslensk efni og
íslenska list eftir fremsta megni.
Laugarnar verða allar hlaðnar úr
grjóti, sem finnst víðs vegar í fjör-
unni eða á jörðinni. Húsið verður
lagt torfi og það falið að mestu leyti
frá götu og þjóðvegi. Gert er ráð
fyrir fimm til sex heitum og köldum
laugum sem liðast út í víkina og fyll-
ast og tæmast með flóði og fjöru.
Einnig er gert ráð fyrir tveim gufu-
böðum og hvíldaraðstöðu sem jafn-
framt er hugsað sem skjól. Laug-
arnar yrðu misdjúpar en þrjár
þeirra yrðu alltaf að mestu not-
hæfar, einnig á flóði.
„Hvammsvík er í 40 mínútna fjar-
lægð frá Reykjavík. Hvalfjarðar-
vegur (nr. 47) liggur í gegnum jörð-
ina og er öll aðkoma því mjög
auðveld. Núverandi vegir og grunn-
ar/byggingar verða notaðir eins og
kostur er til að lágmarka umhverfis-
rask,“ segir í skipulagslýsingunni.
Á jörðinni Hvammsvík er í aðal-
skipulagi Kjósarhrepps 2017-2029
skilgreindur reitur fyrir verslun og
þjónustu. Um hann segir í aðal-
skipulaginu: „Gert er ráð fyrir
byggingu hótels, með gistingu fyrir
allt að 50 gesti ásamt veitingastað,
ylströnd, aðstöðu til sjósunds og
gerð bátaskýlis. Einnig þjónustu við
golfvöll í Hvammsvík. Stærð svæðis
er allt að 5 ha.“
Skipulagslýsingin er til sýnis í
anddyri hreppsskrifstofu Kjósar-
hrepps í Ásgarði frá og með fimmtu-
deginum 14. nóvember 2019 til og
með 28. nóvember 2019. Tillögurnar
verða jafnframt birtar á heimasíðu
Kjósarhrepps, kjos.is. Athugasemd-
ir eða ábendingar skulu berast í síð-
asta lagi 28. nóvember nk. Eftir
kynningu á skipulagslýsingunni
verður fjallað um deiliskipulagið og
það kynnt samkvæmt skipulags-
lögum. Stefnt er að því að deili-
skipulagið geti tekið gildi í apríl
2020.
Sjóböð byggð upp í Hvammsvík
 Laugarnar byggðar úr grjóti og þjónustuhúsið lagt torfi  Fjöldi gesta verður takmarkaður
Ljósmynd/www.mats.is
Hvammsvík í Hvalfirði Fögur vík frá náttúrunnar hendi. Áform eru um að bjóða upp á sjóböð í hæsta gæðaflokki.
Hvammur er landnámsjörð sam-
kvæmt Landnámabók en
Hvammsvíkur er fyrst getið sem
hjáleigu á sautjándu öld. Þetta
kemur fram í alfræðiritinu Wiki-
pediu.
Breski og bandaríski herinn
höfðu aðstöðu á jörðinni í síðari
heimsstyrjöldinni og byggðu
þar töluverðan fjölda mann-
virkja, svo sem bragga, höfn,
skotfærageymslur, vöruskemm-
ur, aðstöðu til íþróttaiðkunar og
ýmislegt fleira. Minjar frá þeim
tíma er að finna á staðnum.
Á jörðinni eru um 80 forn-
minjar á fornminjaskrá. Jarð-
irnar eru um 600 hektarar að
stærð og ná frá sjó í innan-
verðum Hvalfirði upp í 400
metra yfir sjó á Reynisvalla-
hálsi.
Skúli Mogensen, fjárfestir og
aðaleigandi WOW air, keypti
Hvamm og Hvammsvík af Orku-
veitu Reykjavíkur árið 2011.
Skúli sagði í viðtali við Morgun-
blaðið á þeim tíma að hann
hygðist nýta jörðina fyrir fram-
tíðar ferðamanna- og útivistar-
svæði. Orkuveitan hélt eftir
jarðhitaréttindum.
Stríðið setti
sinn svip
HVAMMUR OG HVAMMSVÍK