Fréttablaðið - 06.12.2002, Blaðsíða 12

12 6. desember 2002 FÖSTUDAGUR
HEILBRIGÐISMÁL Jón Kristjánsson
heilbrigðisráðherra vill breyting-
ar á lyfjalögum þannig að Trygg-
ingastofnun ríkisins verði heimilt
að setja á fót tvo lyfjagagna-
grunna fyrir 1. janúar 2005 til
sameiginlegra nota fyrir stofnun-
ina, landlækni og Lyfjastofnun.
Hann hefur lagt fram frumvarp á
Alþingi þar sem gert er ráð fyrir
gagnagrunnunum.
Frumvarpið gerir ráð fyrir að
lyfsölum verði gert skylt að af-
henda Tryggingastofnun ríkisins
rafrænt allar upplýsingar sem
fram koma á lyfseðlum um af-
greiðslu lyfja, að uppfylltum skil-
yrðum laga um persónuvernd og
meðferð persónuupplýsinga.
TR rekur nú þegar einn lyfja-
gagnagrunn en nauðsynlegt er
talið að aðlaga og breyta honum
og smíða annan nýjan. Tilgangur-
inn er að þeim stofnunum sem
nota hann verði gert kleift að
sinna eftirlitshlutverki með
ávana- og fíknilyfjum og lyfja-
ávísunum. Einnig er þeim ætlað
að hafa eftirlit með lyfjakostnaði.
Ekki er gert ráð fyrir að aðrir
en Landlæknir, Lyfjastofnun og
Tryggingastofnun hafi aðgang að
grunninum.
Sigrún Jóhannesdóttir, for-
stjóri Persónuverndar, telur að
sjónarmið um friðhelgi einkalífs-
ins mæli gegn slíkri styrkingu eft-
irlitsþjóðfélagsins. Mikilvægt sé
að eftirlitsstofnun, t.d. Trygginga-
stofnun, fái ekki meiri einkalífs-
upplýsingar en hún þarf.
„Ég tel að ekki séu næg rök
sem mæli með því að Trygginga-
stofnun fái yfirsýn yfir alla lyfja-
notkun allra landsmanna. Við get-
um tekið dæmi um lyf eins og Vi-
agra sem viðkomandi greiðir að
fullu sjálfur. Um það hvaða lyf
hver fær á að ríkja trúnaður eins
og frekast er unnt, enda vart hægt
að hugsa sér viðkvæmari upplýs-
ingar en um lyfjanotkun“.
Hún telur á hinn bóginn að
réttlæta megi að Tryggingastofn-
un fái upplýsingar um þau lyf sem
stofnunin greiðir að hluta til. Þá
telur hún einnig að rétt geti verið
að Tryggingastofnun fái ónafn-
greindar upplýsingar um önnur
lyf að því marki sem þarf vegna
hagstjórnarsjónarmiða. „Að sama
skapi er eðlilegt að landlæknir
geti, vegna einstakra rannsóknar-
verkefna, fengið upplýsingar um
sölu ávanabindandi lyfja,“ segir
Sigrún Jóhannesdóttir.
bergljot@frettabladid.is
Mannvernd:
Ástæðulaus
söfnun
trúnaðar-
upplýsinga
STJÓRNSÝSLA Mannvernd segir yfir-
völd hafa gert þrjár tilraunir á
þessu ári til að komast yfir trún-
aðarupplýsingar án þess að hafa
til þess sjáanlegt tilefni.
Fyrst hafi Alþingi heimilað víð-
tækan aðgang að sjúkraskrám í
eftirlitsskyni. Fyrir liggi frum-
varp um skráningu lyfjanotkunar
í gagnagrunni. Þá sé krafist að-
gangs að trúnaðarupplýsingum
um maka lífeyrisþega.
Mannvernd spyr hvort tryggt
verði að ofangreindar trúnaðar-
upplýsingar fari ekki í gagna-
grunn á heilbrigðissviði. Einnig
hvernig öryggismálum sé háttað
til að koma í veg fyrir óviðkom-
andi aðgang og misnotkun á upp-
lýsingunum. ■
FJÁRLÖG 2003 Ríkissjóður hyggst á
næsta ári kaupa hlutafé í Farice hf.
fyrir 560 milljónir króna. Tillaga
þar um er ein fjölmargra breyting-
artillagna meirihluta fjárlaga-
nefndar Alþingis sem fram komu
fyrir þriðju og síðustu umræðu
fjárlaganna. Farice var stofnað um
lagningu sæstrengs frá Íslandi og
Færeyjum til Skotlands. Kostnaður
er áætlaður 4,5 milljarðar íslenskra
króna og er talið nauðsynlegt að
eigið fé fyrirtækisins verði um 25%
af heildarstofnkostnaði eða nálægt
1.200 milljónum. Gert er ráð fyrir
að hlutur Íslendinga verði um 960
milljónir króna en hlutur Færey-
inga um 240 milljónir. Landssíminn
og aðrir innlendir aðilar munu sam-
kvæmt þessu kaupa hlutafé fyrir
um 400 milljónir í Farice. Þá er
stefnt að því að taka millljarð að
láni hjá bönkum og fjárfestingafyr-
irtækjum en aðilar sem standa að
Farice hf. verða að lána eða veita
ábyrgð fyrir tveimur milljörðum.
Af því tryggja íslenskir aðilar 1.600
milljónir króna.
Í breytingartillögu meirihluta
fjárlaganefndar Alþingis er lagt til
að ríkissjóður ábyrgist allt að 800
milljóna króna lántöku hjá Farice
eða um helming þess sem Íslend-
ingar eiga að ábyrgjast. ■
Þátttaka ríkissjóðs í Farice hf.:
Borga og ábyrgjast
1.360 milljónir
ALÞINGI
Meirihluti fjárlaganefndar vill að ríkissjóður
kaupi hlutafé í Farice fyrir 560 milljónir og
ábyrgist að auki 800 milljóna lántöku.
EIMSKIP „Eimskip ehf. leggur nú
upp með nýtt skipulag, merki og
slagorð í nýju fyrirtæki. Með nýju
merki viljum við leggja áherslu á
það meginmarkmið að þjónusta
fyrirtækisins falli að þörfum við-
skiptavinanna og það er von okkar
að við megum eiga saman greiða
leið inn í framtíðina,“ sagði Er-
lendur Hjaltason, framkvæmda-
stjóri utanlandssviðs Eimskipafé-
lagsins.
Um næstu áramót hefst nýr
kafli í sögu Hf. Eimskipafélagsins
og mun Erlendur taka við starfi
framkvæmdastjóra hins nýja
einkahlutafélags, Eimskip ehf.
Þrjár meginrekstrareiningar
verða innan nýja fyrirtæksins,
sölu- og markaðssvið, rekstrarsvið
og utanlandssvið. Allt hafa þetta
verið grunneiningar í rekstri móð-
urfélagsins Hf. Eimskipafélags Ís-
lands á undanförnum árum.
Einnig verða þrjár stoðeining-
ar: fjármál, starfsþróunarmál og
upplýsingatækni. Þessar deildir
ganga þvert á meginsvið félagsins.
Samhliða þessum breytingum
tekur Eimskip upp sérstakt merki
og slagorð, „greið leið“. ■
Eimskipafélag Íslands:
Nýtt fyrirtæki og nýtt merki
NÝTT MERKI EIMSKIPS
Á að undirstrika þjónustuhlutverk flutn-
ingssviðs fyrirtækisins.
Dýrkeypt hungur:
Matarþjófur
í fangelsi
DÓMSMÁL Hálfþrítugur maður hef-
ur verið dæmdur í sjö mánaða fang-
elsi fyrir síendurtekna þjófnaði.
Frá því í júlí fram í nóvember
stal maðurinn mat úr verslunum
fyrir um 6.500 krónur.
Frá því maðurinn var átján ára
hefur hann fengið þrjá skilorðs-
bundna fangelsisdóma, meðal ann-
ars fyrir þjófnaði og fíkniefnabrot.
Með matarþjófnuðunum að undan-
förnu rauf hann skilorð síðasta
dómsins, sem hljóðaði upp á sex
mánaða fangelsi. Sá dómur kemur
því til viðbótar refsingunni nú sem
verður þannig samtals sjö mánaða
fangelsisvist. ■
ÞJÁR MILLJÓNIR Á FLÓTTA Nærri
þrjár milljónir Simbabvebúa, eða
um það bil fimmti hver lands-
maður, hafa flúið út fyrir landa-
mæri ríkisins og hafast við í ná-
grannalöndunum. Atvinnuleysi,
matarskortur, efnahagserfiðleik-
ar og brottrekstur hvítra bænda
af jörðum sínum eiga hvað
stærstan þátt í þessu.
ERLENT
Bandarískir vísindamenn:
Mars var
aldrei
lífvænlegur
WASHINGTON, AP Á reikistjörnunni
Mars voru aldrei stór vötn eða
höf. Þvert á móti hefur hún
alltaf verið þurr og köld. Líf hef-
ur því aldrei getað þrifist þar.
Þetta fullyrða vísindamenn
við Colorado-háskóla í vísinda-
tímaritinu Science. Skoðanir
þeirra stangast á við hugmyndir
margra vísindamanna, sem telja
að Mars gæti hafa verið iðandi
af lífi einhvern tímann í fyrnd-
inni. Sú ályktun er dregin af því,
að undanfarið hafa fundist ýmis
ummerki um vatn á reikistjörn-
unni.
Í greininni í Science segja
vísindamennirnir að vatnið hafi
borist þangað með loftsteinum
en aldrei verið þar í miklu
magni. ■
UNGIR SJÁLFSTÆÐISMENN
ÓHRESSIR Samband ungra sjálf-
stæðismanna hefur sent frá sér
ályktun þar sem mikill vöxtur rík-
isútgjalda á undanförnum árum
er gagnrýndur. SUS-arar auglýsa
eftir breyttum áherslum Alþingis
og segja tíma til kominn að út-
gjöld ríkissjóðs minnki.
EFLING INNLENDRAR DAGSKRÁR
Steingrímur J. Sigfússon og Kol-
brún Halldórsdóttir, vinstri græn-
um, lögðu til fyrir 3. umræðu um
fjárlagafrumvarpið að 140 millj-
ónum króna yrði bætt í það til að
efla innlenda dagskrárgerð Ríkis-
útvarpsins. Að auki vildu þau að
70 milljónir yrðu settar í að
styrkja dreifikerfi RÚV.
STJÓRNMÁL
Persónuvernd mælir
gegn lyfjagagnagrunni
Frumvarp heilbrigðisráðherra gerir ráð fyrir nýjum lyfjagagnagrunni. Persónuvernd telur
Tryggingastofnun ekki varða um hvaða lyf hver fær og trúnaður eigi að ríkja um það.
NÝTT FRUMVARP UM
LYFJAGAGNAGRUNN
Heilbrigðisráðherra hefur lagt fram frum-
varp um að heimila Tryggingastofnun að
setja á fót gagnagrunn um lyfjanotkun.