Skessuhorn - 09.10.2019, Page 2
MIÐVIKUDAGUR 9. OKtÓBER 20192
Veðrið fer að verða vetrarlegra
næstu vikuna, ef marka má spána.
Því er um að gera að búa sig und-
ir ríki veturs konungs, klæða sig vel
og haga ferðahraða eftir veðri, svo
fátt eitt sé nefnt.
Norðaustan 8-13 m/s og víða rign-
ing á morgun, fimmtudag. Jafn-
vel talsverð rigning fyrir norðan og
austan og snjókoma til fjalla. Bjart
með köflum á Suður- og Vestur-
landi. Hiti 3 til 10 stig, hlýjast syðst.
Áfram norðaustanátt á föstudag
og stöku skúrir, en dálítil rigning
með norðurströnd landsins. Snjó-
koma til fjalla. Lengst af þurrt á
Vesturlandi. Hiti 1 til 7 stig. Austlæg
eða breytileg átt á laugardag. Skýj-
að með köflum en dálítil væta með
suður- og vesturströndinni. Hiti 1
til 6 stig að deginum. Austlæg átt
og skýjað en úrkomulítið fyrir aust-
an á sunnudag. Bjart með köflum á
Vesturlandi. Hiti nálægt frostmarki
í innsveitum norðaustanlands en
6 stig fyrir sunnan. Austlæg átt og
lítilsháttar slydda eða rigning fyr-
ir austan á mánudag, bjart með
köflum um landið vestanvert. Hiti
breytist lítið.
„Hversu mikið sorp er flokkað
á þínu heimili?“ var spurningin
sem lesendur gátu svarað á vef
Skessuhorns í liðinni viku. „Flokka
í tvær tunnur“ sögðu flestir, eða
48%. „Flokka allt endurvinnan-
legt“ sögðu 22% og jafn hátt hlut-
fall sagði „flokka í þrjár tunnur eða
fleiri“. „Ekkert flokkað“ sögðu 7%
svarenda.
Í næstu viku er spurt: Hvernig
ferð þú helst ferða þinna?
Anna Björk Nikulásdóttir er sér-
fræðingur í máltækni. Hún stofn-
aði fyrirtækið Grammatek á Akra-
nesi ásamt eiginmanni sínum og ef
hún er spurð kveðst hún vinna við
að kenna tölvum íslensku. Hún er
Vestlendingur vikunnar.
Spurning
vikunnar
Til minnis
Veðurhorfur
Vestlendingur
vikunnar
Nýr umsjónar-
maður fasteigna
HVALFJSV: Hlynur Sigur-
dórsson hefur verið ráðinn í
starf umsjónarmanns fasteigna
hjá Hvalfjarðarsveit. Hlynur
er rafvirkja-
meistari að
mennt og
með löggilt
starfsheiti
sem raf-
fræðingur.
Hann hef-
ur rekið og
verið eig-
andi Rafþjónustu Sigurdórs
undanfarin 19 ár. Hlynur hef-
ur þegar hafið störf hjá Hval-
fjarðarsveit, að því er fram
kemur á vef sveitarfélagsins.
-kgk
Veiktist af
kannabisneyslu
AKRANES: Ungmenni á
Akranesi veiktist eftir að hafa
neytt kannabisefnis síðdegis
síðastliðinn fimmudag. Þurfti
að flytja viðkomandi á spít-
ala vegna veikindanna. Að
sögn lögreglu virðist þetta til-
felli tengt rafrettum. Þá er
thc, virka efni kannabisplönt-
unnar, blandað saman við raf-
rettuvökvann og efnisins síð-
an neytt í gegnum rafrettuna.
-kgk
Bætt aðgengi að
sérfræðilæknum
LANDIÐ: Verkefni sem
Landspítali vinnur að, og
felst í þróun tæknilausna til
að stuðla að bættu aðgengi
landsbyggðarinnar að sér-
fræðiþjónustu, hlaut nýverið
fimm milljóna króna styrk af
byggðaáætlun Alþingis. Verk-
efnið snýr annars vegar að
beinum samskiptum sjúklinga
við sérfræðinga sjúkrahússins
og hins vegar að þróun tækni-
legra leiða til að skapa skil-
virkan og öruggan farveg fyrir
ráðgjöf sérfræðinga Landspít-
ala við heilbrigðisstarfsfólk á
landsbyggðinni.
-mm
ALLT AÐ
80%
AFSLÁTTUR
ALLT AÐ
80%
AFSLÁTTUR
NET
LAGERSALA
SMÁRATORGI | KRINGLAN | GLERÁRTORGI | LINDESIGN.IS
Síðastliðinn miðvikudag undirrit-
uðu Sævar Freyr Þráinsson, bæjar-
stjóri á Akranesi og Alma D. Möll-
er landlæknir samning um inn-
leiðingu Heilsueflandi samfélags á
Akranesi. Bæjarfélagið er 29. sveit-
Betur fór en á horfðist þegar öku-
maður missti stjórn á bíl sínum á
Snæfellsnesvegi til móts við Eið-
hús í Eyja- og Miklaholtshreppi á
sunnudagskvöld, með þeim afleið-
ingum að bíllinn fór út af vegin-
um, valt og hafnaði á hvolfi í vatni
ofan í skurði. Ökumaður komst út
um hliðarrúðu bílsins að sjálfsdáð-
um, þaðan upp á veginn og náði að
láta vita af sér. Neyðarlínu var til-
kynnt um slysið kl. 18:30 á sunnu-
dagskvöld, en lögregla telur að allt
að hálftími hafi liðið frá því slysið
varð og þar til ökumaður gat látið
vita af sér.
Sjúkrabíll og lögregla voru send
á vettvang og í framhaldinu var
þyrla Landhelgisgæslunnar send á
staðinn til að sækja ökumanninn.
Þyrlan fór síðan í loftið frá Snæ-
fellsnesi um kl. 19:30 og var lent á
Landspítala um það bil 20 mínút-
um síðar. Ökumaðurinn slapp með
minniháttar meiðsli, að sögn lög-
reglu.
kgk/ Ljósm. LHG.
Akraneskaupstaður innleiðir markmið
Heilsueflandi samfélags
arfélag landsins sem leggur í þessa
vegferð. „Meginmarkmið Heilsu-
eflandi samfélags er að styðja sam-
félagið á Akranesi í að skapa um-
hverfi og aðstæður sem stuðla að
heilbrigðum lifnaðarháttum, heilsu
og vellíðan allra íbúa og þar með
að sveitarfélagið verði sjálfbærara,
skilvirkara og eftirsóknarverðara til
búsetu. Lögð er áhersla á að bæta
lífsgæði íbúanna þar sem andleg
og líkamleg heilsa er í öndvegi og
stuðlar þannig að ánægðari, ham-
ingjusamari og heilsuhraustari íbú-
um,“ segir í tilkynningu Akranes-
kaupstaðar vegna samningsins.
Starfshópur um innleiðingu
Heilsueflandi samfélags á Akranesi
hefur nú þegar tekið til starfa og er
verkefnastjóri hópsins Hildur Kar-
en Aðalsteinsdóttir, framkvæmda-
stjóri Íþróttabandalags Akraness. Í
starfshópnum sitja auk hennar full-
trúar þeirra hópa í samfélaginu sem
hafa mikinn snertiflöt við þjónustu
sveitarfélagsins svo sem fulltrúi
aldraðra og fulltrúi frístundastarfs.
Heilsa og líðan allra skal vera
leiðarstef í allri stefnumótun og að-
gerðum á öllum sviðum Heilsuefl-
andi samfélaga og allir geirar hafa
hlutverk. Unnið er með áhrifaþætti
heilbrigðis og vellíðanar svo sem fé-
lags-, efnahags- og menningarlegar
aðstæður, manngert og náttúrulegt
umhverfi til að skapa sem ákjós-
anlegastar aðstæður í lífi, leik og
starfi fyrir fólk á öllum æviskeiðum.
Holla valið þarf að vera eins auð-
velt og kostur er svo sem að hreyfa
sig, borða hollt, rækta geðið og
ástunda grænan lífsstíl á sama tíma
og spornað er gegn áhættuhegð-
un svo sem neyslu tóbaks, áfengis
og annarra vímuefna. Stuðningur
við starf Heilsueflandi leikskóla,
grunnskóla og framhaldsskóla er
mikilvægur liður í starfi Heilsuefl-
andi samfélags.
mm
Eftir undirritun samningsins. Bæjarstjóri, landlæknir og aðrir sem viðstaddir voru
undirritunina. Ljósm. Akraneskaupstaður.
Þyrla kölluð til vegna
bílveltu á Snæfellsnesi