Skessuhorn - 09.10.2019, Side 8
MIÐVIKUDAGUR 9. OKtÓBER 20198
Nýtt póstnúmer
EYJA- og MIKL: Frá 1. októ-
ber síðastliðnum gerði Ísland-
spóstur þá breytingu að öll
heimili í Eyja- og Miklaholts-
hreppi hafa nú fengið póst-
númerið 342 Stykkishólmur,
í stað 311 Borgarnes. Verður
póstdreifing í sveitina fram-
vegis úr Stykkishólmi. Póst-
númerið 341 Stykkishólmur
er fyrir Helgafellssveit. Með-
fylgjandi mynd er frá Breiða-
bliki, 342 Stykkishólmi. -mm
Grunur vaknaði
um e-coli smit
BORGARBYGGÐ: Í síð-
ustu viku vaknaði grunur um
e-coli smit í neysluvatni frá
Grábrókarveitu í Norðurár-
dal og voru íbúar hvattir til
að sjóða vatn þar til nánari
sýnataka hefði farið fram. Á
föstudaginn sýndi svo endur-
tekin sýnataka að ekki var e-
coli mengun í neysluvatninu
og taldi því Heilbrigðiseftirlit
Vesturlands ekki lengur þörf
á að sjóða vatnið. Veitusvæði
Grábrókarveitu nær til Borg-
arness, Bifrastar og Varma-
lands auk fjölda sumarhúsa
og nokkurra lögbýla í Borgar-
firði. Í tilkynningu frá Veitum
kom fram að fyrirtækið mun
grípa til aðgerða í kjölfar þessa
máls. tekin var ákvörðun um
að setja lýsingu á allt vatn úr
Grábrókarveitu. Gert er ráð
fyrir að hún komi upp á næstu
vikum. Lýsing gerir örverur
óvirkar og bætir þannig gæði
vatnsins en hefur að öðru leyti
engin áhrif.
-mm
Stýrivextir lækk-
aðir í 3,25%
LANDIÐ: Peningastefnu-
nefnd Seðlabanka Íslands
ákvað á miðvikudaginn í síð-
ustu viku að lækka vexti bank-
ans um 0,25 prósentustig.
Meginvextir bankans, vextir á
sjö daga bundnum innlánum,
verða þá 3,25%. „Samkvæmt
bráðabirgðatölum þjóðhags-
reikninga hélt áfram að hægja
á hagvexti á fyrri hluta þessa
árs. Meiri vöxtur skýrist eink-
um af hagstæðara framlagi ut-
anríkisviðskipta þar sem eftir-
spurn beinist í meira mæli að
innlendri framleiðslu og veg-
ur það upp á móti samdrætti í
útflutningi. Leiðandi vísbend-
ingar benda til þess að áfram
muni hægja á vexti efnahags-
umsvifa en sjá má merki þess
að þjóðarbúið sé mögulega að
ná viðspyrnu.“ -mm
Nýr
félagsmálastjóri
REYKH/STRAND: Guð-
rún Elín Bonónýsdóttir hefur
verið ráðin í starf félagsmála-
stjóra Félagsþjónustu Stranda
og Reykhólahrepps. Hún tek-
ur við starfinu af Maríu Ját-
varðardóttir, sem látið hef-
ur af störfum. Mun Guðrún
Elín að öllum líkindum koma
að fullu til starfa í nóvem-
ber, að því er fram kemur á
vef Strandabyggðar. Guðrún
Elín er fædd árið 1961 og lauk
B.Sc. prófi í hjúkrunarfræði
frá Háskóla Íslands 1986,
meistarnámi í heilbrigðisvís-
indum frá Háskólanum á Ak-
ureyri árið 2008, mannauðs-
stjórnun frá Háskólanum á
Bifröst 2014 og viðbótardip-
lómu í opinberri stjórnsýslu
frá HÍ árið 2017. „Hún hefur
langa reynslu af störfum innan
heilbrigðisgeirans og var m.a.
hjúkrunarstjóri/deildarstjóri
sjúkrasviðs á Heilbrigðisstofn-
uninni á Hvammstanga, síðar
Heilbrigðisstofnun Vestur-
lands, frá 1998 til 2018, unn-
ið sem hjúkrunarfræðing-
ur á endurhæfingadeild fyr-
ir aldraða, Landakoti, starf-
að sem hjúkrunarfræðingur á
Hvammstanga, á Húsavík og
nú síðast við Landspítalann,“
segir á vef Strandabyggðar.
„Í sínu starfi hefur Guðrún
Elín komið að flestum þeim
málum sem snerta starfssvið
félagsmálastjóra auk þess að
hafa góða þekkingu og reynslu
hvað stoðkerfi heilbrigðismála
varðar.“ -kgk
Margir slógu
upp tjaldi
SNÆFELLSBÆR: Góð að-
sókn var að tjaldsvæðum Snæ-
fellsbæjar, í Ólafsvík og Hell-
issandi, á liðnu sumri, en tæp-
lega 17 þúsund gestir gistu á
tjaldsvæðunum þetta sumar-
ið. Hlutfall innlendra ferða-
manna sem gistu á tjaldsvæð-
unum jókst verulega frá fyrra
ári, enda veður gott um allt
vestanvert landið meira og
minna allt síðasta sumar. Sam-
kvæmt tjaldvörðum var áber-
andi ánægja gesta með aðstöð-
una, að því er fram kemur í
frétt á vef Snæfellsbæjar.
-kgk
Samgöngu- og sveitarstjórnar-
ráðuneytið hefur látið greina
möguleg hagræn áhrif þess að lög-
festa ákvæði um lágmarksíbúa-
fjölda sveitarfélaga við töluna eitt
þúsund. „tvær aðferðir voru not-
aðar við greininguna sem gáfu til
kynna að svigrúm til hagræðingar
við að lögfesta ákvæðið getur orð-
ið allt að 3,6-5 milljarðar króna á
ári,“ segir í tilkynningu frá ráðu-
neytinu. tilkynningin er þannig í
heild sinni:
„Samkvæmt tillögu til þings-
ályktunar um stefnumótandi áætl-
un ríkisins í málefnum sveitarfé-
laga, sem mælt verður fyrir á Al-
þingi síðar í mánuðinum, er að-
gerð sem felur í sér að sett verði
að nýju ákvæði í sveitarstjórnarlög
um lágmarksíbúafjölda í sveitar-
félagi og að hann verði ekki mið-
aður við 1.000 íbúa. Nái tillagan
fram að ganga er ljóst að sveitar-
félögum á Íslandi mun fækka um-
talsvert, en í yfir helmingi sveitar-
félaga búa færri en 1.000 íbúar.
Ýmsir aðilar hafa bent á að mik-
il hagræðing felist í slíkri aðgerð.
Hægt væri að nýta þann ávinning til
að lækka álögur á íbúa, greiða niður
skuldir og þar með lækka kostnað
og/eða auka þjónustu við íbúa og
styrkja innviði. Nú þegar þings-
ályktunartillagan verður tekin til
umræðu er mikilvægt að fyrir liggi
hagræn greining á áhrifum hennar,
þ.e. mati á fjárhagslegum og hag-
rænum áhrifum þess að sveitarfé-
lögum fækki um allt að helming.
tvær aðferðir voru notaðar til
greiningar á hagrænum áhrifum til-
lögunnar. Önnur aðferðin studdist
við kostnaðartölur málaflokka und-
angenginna fimm ára og kostnað-
arlíkön metin fyrir alla málaflokka,
annars vegar fyrir minni sveitar-
félög (999 íbúar og færri) og hins
vegar stærri (1000-4000 íbúar). Sú
aðferð gaf til kynna að svigrúm til
mögulegrar hagræðingar við það að
setja lágmarks íbúafjölda sveitarfé-
laga í 1.000 getur orðið 3,6 ma.kr. á
ári á sveitarstjórnarstiginu. Hin að-
ferðin gekk út á það að velta fyrir
sér líklegum sameiningarmynstrum
og meta út frá því hvaða tækifæri til
hagræðingar slík endurskipulagn-
ing hefði í för með sér. Þessi aðferð
skilaði mati á tækifærum til mögu-
legrar hagræðingar sem nemur um
5 ma.kr. á ári.
Ekki var gerð tilraun til að meta
sérstaklega hvernig sá ávinningur
eða hagræðing skiptist á milli sveit-
arfélaga, Jöfnunarsjóðs og ríkis-
sjóðs, heldur var reynt að ná eins
góðri námundun og unnt er á það
hvaða tækifæri til hagræðingar geta
skapast innan sveitarstjórnarstigs-
ins, óháð því hvar hún verður og
hvort forsvarsmenn sveitarfélaga ná
að innleysa fjármunina og nýta t.d.
til að auka þjónustu við íbúa.“
mm
Meta verulegan fjárhagslegan
ávinning af fækkun sveitarfélaga
Svigrúm til hagræðingar við að lögfesta ákvæði um þúsund manna lágmarksfjölda íbúa getur orðið allt að 3,6 - 5 milljarðar
króna á ári, að mati starfsfólks sveitarstjórnarráðuneytisins.