Skessuhorn - 09.10.2019, Side 25

MIÐVIKUDAGUR 9. OKtÓBER 2019 25

www.smaprent rent@smaprent
Dalbraut 16
Akranesi
Opið frá 14-17
Samstarfsráð um starfsþróun kenn-
ara og skólastjórnenda skilaði á
dögunum tillögum til Lilju Alfreðs-
dóttur mennta- og menningar-
málaráðherra um framtíðarsýn fyr-
ir starfsþróun kennara hér á landi.
tillögur þessar eru nýmæli þar sem
ekki hefur legið fyrir sameiginleg
framtíðarsýn á málefni starfsþró-
unar t.d. milli ólíkra skólastiga og
rekstraraðila skóla.
„Starfsþróun getur m.a. falið í
sér formlegt nám og endurmennt-
un kennara, námskeið, rannsóknir
á eigin starfi, þátttöku í þróunar-
verkefnum, ráðgjöf, ráðstefnur og
heimsóknir í aðra skóla. Stefnu-
miðuð starfsþróun stuðlar að auk-
inni starfsánægju kennara og hef-
ur jákvæð áhrif á árangur þeirra í
starfi,“ segir í tilkynningu frá ráðu-
neytinu.
Meðal helstu tillagna í
skýrslu ráðsins eru:
Endurskoðun fjármögnun-•
ar: Fjármögnun starfsþróun-
ar kennara og skólastjórnenda
verði endurskoðuð með það
að markmiði að jafna aðgengi
allra kennara og skóla að fjár-
magni og starfsþróunartæki-
færum.
Ákvæði um starfsþróun í lög: •
Sett verði í lög ákvæði um
starfsþróun kennara og skóla-
stjórnenda leik-, grunn-,
framhalds- og tónlistarskóla,
með áherslu á að starfsþróun
sé hluti af starfi þeirra. Ávallt
verði hugað að starfsþró-
un í tengslum við innleið-
ingu stefnu í menntamálum og
breytingar á henni.
Áherslur samræmdar skóla-•
stefnu: Sveitarfélög, mennta-
og menningarmálaráðuneyti
og aðrir rekstraraðilar skóla
leggi áherslu á að stefna þeirra
um starfsþróun verði hluti af
skólastefnu hvers leik-, grunn-
framhalds- og tónlistarskóla.
Menntamálastofnun: Boð-•
ið verði upp á tækifæri til
starfsþróunar í tengslum við
verkefni Menntamálastofnun-
ar og kannanir á hennar veg-
um. Stofnunin útfæri mögu-
leika til starfsþróunar í sam-
starfi við háskóla, sveitarfélög
og aðra aðila eftir því sem við
á.
Háskólastigið: Samstarf og •
ráðgjöf um starfsþróun kenn-
ara og skólastjórnenda verði
skilgreind sem hluti af starfs-
kyldum háskólakennara sem
mennta kennara og skólastjór-
nendur.
Ráðgjöf og stuðningur: tryggt •
verði að skólar hafi greiðan
aðgang að ráðgjöf og stuðn-
ingi til starfsþróunar fyrir
kennara og skólastjórnendur.
Við skipulag og útfærslu verði
stutt við faglegt samstarf og
sérstaklega hugað að tengslum
við aðrar menntastofnanir. mm
Í undirbúningi er stofnun ung-
mennahúss í Stykkishólmi, ætl-
að ungmennum á aldrinum 16 til
25 ára. Guðbjörg Halldórsdótt-
ir er aðalhvatamaðurinn að stofn-
un ungmennahússins. Hún segir
verkefnið enn á undirbúningsstigi
en vonast til að það verði komið
vel af stað eftir miðjan mánuðinn.
„Ungmennahúsinu er ætlað að
verða vettvangur fyrir ungmenni
í Stykkishólmi að koma saman og
gera bara það sem þau vilja gera.
Það vantar svoleiðis vettvang í
Hólminn, félagsstarf fyrir fólk á
þessum aldri,“ segir Guðbjörg í
samtali við Skessuhorn.
„Næst á dagskrá er að halda
stofnfund þar sem verður kosin
stjórn ungmennahússins. Þá verð-
ur nafn þess ákveðið, grunnur
lagður að starfinu og næstu skref
ákveðin í samráði við bæjaryfir-
völd. En hugmyndin er að starf-
ið verði sem mest í höndum ung-
mennanna sjálfra, að þau ákveði
í sameiningu hvað þau vilja gera
hverju sinni,“ segir hún.
Gerðar voru tilraunir með opn-
anir fyrir ungmenni 16-25 ára síð-
astliðið vor. Að sögn Guðbjargar
mæltust þær ágætlega fyrir og var
aðsóknin nokkuð góð. „Núna eft-
ir miðjan mánuðinn ætlum við
að reyna að fara út í þetta af full-
um krafti. Það þarf vettvang fyrir
félagslíf ungmenna á þessu aldurs-
bili, í kringum menntaskólaaldur-
inn. Auðvitað er félagslíf í kring-
um nám í fjölbrautaskólanum, en
þegar fólk útskrifast 19 ára gamalt
þá vantar þennan vettvang. Sömu-
leiðis vantar félagslíf fyrir þá sem
eru ekki í framhaldsskóla, ann-
að hvort ákváðu að fara ekki eða
hættu í námi,“ segir hún.
Að sögn Guðbjargar er hug-
myndin að ungmennahúsið sam-
nýti húsnæði og starfsfólk með
Félagsmiðstöðinni X-inu. Starf
ungmennahússins yrði sem mest
í höndum ungmennanna sjálfra,
en starfsmaður gæti verið þeim
innan handar. Félagsmiðstöðin er
opin tvisvar í viku, en ungmenna-
húsið yrði þá opið á öðrum tím-
um. Sömuleiðis vonast Guðbjörg
til að samnýta megi ýmsa fræðslu
á vegum félagsmiðstöðvarinnar,
þannig að notendur ungmenna-
hússins hefðu einnig aðgang að
henni.
Sem fyrr segir eru áform um
ungmennahús í Stykkishólmi enn
á hugmynda- og undirbúnings-
stigi en Guðbjörg vonast til að
verkefnið verði komið vel á skrið
innan tíðar. „Þetta er búið að vera
draumur hjá mér lengi, að vera
hluti af góðu ungmennahúsi. Ég
er svolítið að láta þennan draum
rætast með því að reyna að opna
ungmennahúsið sjálf. Það verður
einhver að taka af skarið,“ segir
Guðbjörg Halldórsdóttir að end-
ingu.
kgk
Horft yfir Stykkishólm. Ljósm úr safni/ sá.
Ungmennahús í Stykkishólmi í undirbúningi
Guðbjörg Halldórsdóttir er aðalhvatamaðurinn að stofnun ungmennahúss í Stykkishólmi. Ljósm. úr einkasafni.
Skiluðu tillögum um starfsþróun kennara