Fréttablaðið - 12.03.2020, Blaðsíða 8

Ég vil þakka Bernie
Sanders og stuðn-
ingsmönnum hans fyrir
óþrjótandi orku og ástríðu.
Joe Biden, forsetaframbjóðandi
og fyrrverandi varaforseti Banda-
ríkjanna
VÍSINDI Fjölbreyttar bakteríuteg-
undir náskyldar klamydíubakterí-
unni hafa fundist djúpt í Norður-
Íshafinu. Vísindamenn voru að
rannsaka örverur sem búa nokkr-
um metrum undir sjávarbotni á
meira en 3 kílómetra dýpi þegar
þeir uppgötvuðu bakteríurnar.
Aðalhöfundur rannsóknarinnar,
Jennah Dharamshi frá Uppsalahá-
skóla í Svíþjóð, sagði fundinn hafa
komið á óvart.
„Að finna klamydíubakteríu í
þessu umhverfi var alveg óvænt og
vakti strax spurninguna um hvað í
ósköpunum hún væri að gera þar,“
sagði Jennah. „Að finna ættingja
klamydíubakteríunnar við þessar
aðstæður gefur okkur nýja innsýn
í þróunarsögu hennar.“
Umhverfi tegundanna var ekki
einungis súrefnissnautt heldur
einnig laust við mögulega hýsla
en vísindamennirnir telja að verið
geti að tegundirnar fái næringu frá
öðrum örverum í botnsetinu. – atv
Klamydía finnst
í Norður-Íshafi
BANDARÍKIN Kvikmyndaframleið-
andinn Harvey Weinstein hefur
verið dæmdur í 23 ára fangelsi fyrir
að hafa neytt aðstoðarkonuna Miri-
am Haley til munnmaka og nauðga
annarri ónafngreindri konu.
Alls báru sex konur vitni í rétt-
arhöldunum gegn Weinstein en frá
árinu 2017 hafa meira en 80 konur
stigið fram og sakað framleiðand-
ann um ýmis kynferðisbrot.
„Það er kominn tími til að fólk
sem nauðgar öðru fólki borgi fyrir
líf þeirra sem hann tók með lífi
sínu,“ sagði Haley í yfirlýsingu sem
hún las upp fyrir dóminn.
Weinsteins bíða frekari sakar-
giftir í Los Angeles. – fbl
Weinstein fékk
23 ára fangelsi
Bakterían fannst á 3 kílómetra dýpi.
Fékk þungan dóm fyrir nauðgun.
UTANRÍKISMÁL Árni Þór Sigurðs-
son, sendiherra í Helsinki, tilkynnti
Yehor Bozhak, aðstoðarutanríkis-
ráðherra Úkraínu, á fundi í gær að
Ísland stæði heils hugar að baki
fullveldi Úkraínu og kröfu landsins
um að fá eigin landsvæði til baka af
Rússum. Þakkaði Bozhak fyrir og
greindi frá aukinni spennu í austur-
hluta landsins, sem stuðningsmenn
Rússa hafa hernumið að stórum
hluta. Árni Þór tekur við sem sendi-
herra í Moskvu í júní næstkomandi.
Ræddu Árni Þór og Bozhak einn-
ig um styrkingu á tvíhliða sam-
starfi Íslands og Úkraínu á ýmsum
sviðum, svo sem í viðskiptum,
ferðamennsku, háskólastarfi og
jarðvarmaorku. Þá ræddu þeir
einnig um nauðsyn þess að koma
á beinum f lugsamgöngum á milli
landanna.
Átökin á milli Rússa og Úkraínu-
manna hafa staðið yfir síðan 2014
þegar Krímskagi var hernuminn
og loks innlimaður í Rússland.
Þá hafa átökin í austurhlutanum,
Donbass-héraði, verið viðvarandi
og Rússar stutt dyggilega við bakið
á uppreisnarmönnum með því að
senda hermenn, vopn og peninga
yfir landamærin.
Volodimír Selenskij, forseti
Úkraínu, telur sig geta samið við
Pútín um frið á þessu ári, en viður-
kenndi í viðtali við The Guardian
fyrir skemmstu að tími til viðræðna
væri að renna út og hann þyrfti að
sjá raunverulegan samningsvilja frá
rússneska forsetanum. – khg
Ísland styður fullveldi af heilum hug
Árni og Bozhak funduðu í gær. MYND/UTANRÍKISRÁÐUNEYTI ÚKRAÍNU
BANDARÍKIN Þrátt fyrir vonbrigði
annan þriðjudaginn í röð, er Bernie
Sanders ekki af baki dottinn í bar-
áttunni um að hljóta útnefningu
Demókrata fyrir forsetakosning-
arnar sem fara fram í nóvember.
Varaforsetinn fyrrverandi sigr-
aði í öllum ríkjunum sem kusu
kjörmenn á þriðjudaginn, nema í
minnsta ríkinu, Suður-Dakóta.
Biden hafði aflýst kosningafundi
sem boðaður hafði verið en steig þó
á svið í Stjórnarskrármiðstöðinni í
Pennsylvaníu og þakkaði fyrir dag-
inn. Það var annar bragur á Biden
en áður. Hann talaði hlýlega til
Sanders og stuðningsmanna hans,
rétt eins og Sanders hefði þegar
tilkynnt að hann væri hættur. „Ég
vil þakka Bernie Sanders og stuðn-
ingsmönnum hans fyrir óþrjótandi
orku og ástríðu.“
Ræða Bidens bar öll merki þess að
hann fyndi sjálfur að sigurinn væri
í sjónmáli. Hann var landsföður-
legur en hógvær í senn. Fyrir réttum
tveimur vikum leit út fyrir að bar-
áttu hans væri lokið. Hann var langt
á eftir Sanders og bæði Pete Buttig-
ieg og Amy Klobuchar voru komin
fram úr honum. Svo sigraði hann í
Norður-Karólínu, taflið snerist við
með dramatískum hætti og hann
landaði stórsigri á stóra þriðjudeg-
inum 3. mars.
Eftir sigurinn í gær eru stuðn-
ingsmenn Bidens og áhrifamenn í
f lokknum farnir að þrýsta á Sand-
ers leynt og ljóst að láta gott heita.
Flokkurinn þurfi tíma til að græða
sár og ná vopnum sínum fyrir slag-
inn við Donald Trump um Hvíta
húsið. Stuðningsmenn Sanders hafa
margir verið gríðarlega óánægðir
innan flokksins allt frá því í kosn-
ingabaráttunni 2016 þegar Sanders
tapaði fyrir Clinton og segja má að
f lokkurinn sé klofinn milli hóf-
stilltra og róttækra Demókrata.
Sigur Bidens í stærsta ríkinu,
Mich igan, olli Sanders mestu von-
brigðunum en hann hafði unnið
sigur í því ríki í slagnum við Hillary
Clinton 2016. Svo mikið var áfallið
að Sanders ávarpaði ekki stuðn-
ingsmenn sína með neinum hætti,
fyrr en eftir hádegi daginn eftir að
niðurstöðurnar lágu fyrir. Þangað
til lá í loftinu sú spurning hvort
hann hygðist láta gott heita.
Blaðamannafundur hans var með
töluvert öðru sniði en ræða Bidens
kvöldið áður. Sanders virtist her-
skár. Hann beindi orðum sínum
ekki aðeins að stuðningsmönnum
sínum heldur einnig að Biden og
flokknum.
„Sú lína sem við heyrum aftur
og aftur er þessi: Málefni ykkar eru
góð og þið talið fyrir mikilvægum
málum en ég verð að kjósa Biden
því hann er líklegri til að geta unnið
Trump,“ sagði Sanders og hélt áfram:
„Þessu er ég alfarið ósammála.“
Sanders vísaði til öflugasta kjós-
endahóps síns, unga fólksins, og
talaði til f lokksforystunnar sem
gæti ekki lengur tryggt stuðning
yngri kynslóðanna og raunar
ekki heldur fólks á þrítugs- og fer-
tugsaldri. Stærsti stuðningshópur
Bidens væru kjósendur yfir 65 ára
og f lokkurinn hlyti að sjá að hann
myndi deyja út ef ekkert yrði að
gert.
Sanders lauk máli sínu með því að
lýsa tilhlökkun til kappræðna fram-
bjóðendanna tveggja sem fram eiga
að fara á sunnudag. Og með yfirlýs-
ingu um þá tilhlökkun er ljóst að
hann er hvergi nærri hættur. adal-
heidur@frettabladid.is
Segist víst geta sigrað Trump
Þótt Joe Biden hafi nú mikla yfirburði í baráttunni um útnefningu Demókrata er Sanders í fullu fjöri.
Hann hafnar því að Biden sé líklegri til að geta sigrað Trump og segist hlakka til kappræðna á sunnudag.
Jill Biden eignkona Joe Bidens var ánægð með árangurinn í gær og fagnaði með stuðningsmönnum. MYND/GETTY
COVID-19 Covid-19 faraldurinn er
nú heimsfaraldur samkvæmt skil-
greiningu Alþjóðaheilbrigðismála-
stofnunarinnar (WHO). Skilgrein-
ingin nær til farsótta sem náð hafa
mjög mikilli útbreiðslu, jafnvel um
allan heim. Þá eru fleiri sjúkdóms-
tilfelli en búast má við í mörgum
löndum á tilteknu tímabili.
Rúmlega 120 þúsund manns hafa
smitast af veirunni og tæplega 4.400
látist. „Við erum í þessu saman, til að
gera réttu hlutina með ró og vernda
íbúa heimsins. Það er hægt,“ sagði
Tedros Adhanom Ghebreyesus,
framkvæmdastjóri WHO, í gær.
Það er sjaldgæft að lýst sé yfir
heimsfaraldri. Á 20. öld var það
einungis gert þrisvar. Sá fyrsti var
Spænska veikin sem gekk yfir heim-
inn á árunum 1918-19 og felldi um 50
milljónir manna. Asíuflensan 1957-
58 var skæð inf lúensa af völdum
völdum H2N2-veirunnar. Hong
Kong-f lensan sem geisaði upp úr
1968 var af völdum H3N2-veiru og
sú flensa herjar enn á heiminn.
Síðast var lýst yfir heimsfaraldri
vegna svínaflensu árið 2009, en hún
var af völdum nýs stofns af H1N1-
inf lúensuveirunni. Sú yfirlýsing
WHO mætti töluverðri gagnrýni en
stofnunin hafði þá nýlega lækkað
þröskuldinn fyrir skilgreiningu á
heimsfaraldri.
Tedros sagði nýverið að COVID-
19 faraldurinn væri af öðrum toga.
„Þessi vírus er ekki inflúensa. Við
erum á ókunnum miðum,“ sagði
hann. – ds
WHO skilgreinir COVID-19 sem heimsfaraldur
Tedros Adhanom
Ghebreyesus,
framkvæmda-
stjóri WHO.
1 2 . M A R S 2 0 2 0 F I M M T U D A G U R8 F R É T T I R ∙ F R É T T A B L A Ð I Ð