Fréttablaðið - 12.03.2020, Blaðsíða 54

LÍNA ER HREINASTA
FORMIÐ. ÞAÐ ER
HÆGT AÐ GERA ALLT VIÐ HANA
OG EKKI NEITT OG HÚN GETUR
VERIÐ MJÖG EINFÖLD OG MJÖG
FLÓKIN.Sýningin Línur stendur nú yfir í Listasafninu á Akur-eyri. Þetta er samsýning átta listamanna frá sex löndum. Listamennirnir eru: Almuth Baumfalk
frá Þýskalandi, Armando Gomez,
Mexíkó, Hiro Egami, Japan, Rym
Karoui, Túnis, Miyuki Kido, Japan,
Kristine Schnappenburg, Þýska-
landi, Saulius Valius, Litháen og Lap
Yip, Hong Kong.
Mireya Samper er sýningarstjóri.
„Þarna eru verk sem voru unnin á
staðnum og sömuleiðis verk sem
voru f lutt til landsins. Þetta eru
málverk, innsetningar og skúlptúr-
ar,“ segir hún. „Það er búið að vinna
að þessari sýningu lengi og mikið
samtal var milli mín og listamann-
anna. Vinnutitillinn var Lines,
Línur, og allir voru svo ánægðir með
þann titil að við ákváðum að halda
okkur við hann.“
Steinar frá Dritvík og Japan
Verkin á sýningunni eru gjörólík
en eitt sameinar þau þó. „Það er
línan,“ segir Mireya. „Lína er hrein-
asta formið. Það er hægt að gera allt
við hana og ekki neitt og hún getur
verið mjög einföld og mjög flókin.
Listakonan Almuth Baumfalk
vinnur mikið með línur. Hún málar
á gervisilki þannig að það sést í
gegnum það. Fyrir aftan málverkið
sjást skuggar sem eru línur. Í sama
sal er risastórt verk úr rauðu garni
eftir Saulius Valius, sem sýnir línur.
Hann strengdi verkið þversum í
gegnum salinn, hátt upp, þannig
að maður gengur undir það. Maður
tekur ekki mikið eftir verkinu í
fyrstu, en þegar maður er kominn
inn í salinn sér maður að það er
eitthvað fyrir ofan mann. Valius
lýsir verkið þannig að línur varpast
á vegginn og gólfið.
Annar Japaninn, Hiro Egami, er
með ótrúlega flott verk sem er búið
til úr litlum steinum, frá Dritvík
og orkustað í Japan. Hann blandar
steinunum saman þannig að þeir
mynda fullkominn kassa en eru um
leið óreglulegir. Þeir hanga í hvítum
tvinna á plötu og það er strengur í
veggnum þannig að hægt er að
hreyfa það. Steinarnir eru svo léttir
að það er eins og þeir svífi.“
Orðlausir listamenn
Listamennirnir komu til landsins
í tilefni sýningarinnar, fyrir utan
Rym Karoui frá Túnis, sem fékk
ekki brottfararleyfi. Hún kom verk-
um sínum til Frakklands og þaðan
voru þau flutt hingað til lands. Hún
og fjölskylda hennar eru undir eftir-
liti stjórnvalda. Bróðir hennar var
í forsetaframboði á síðasta ári, var
handtekinn vegna stjórnmálaskoð-
ana og stjórnaði kosningabaráttu
sinni úr fangelsinu.
Mireya segir listamennina hafa
orðið nánast orðlausa þegar þeir sáu
Listasafnið á Akureyri. „Þau fengu
síðan aðstöðu í listamannaíbúð þar
sem var pláss fyrir þau öll. Þau voru
mjög ánægð með heimsóknina,
móttökurnar og samvinnuna með
frábæra starfsfólkinu sem vinnur á
Listasafninu á Akureyri og það var
algjörlega frábært að fá þessa flottu
listamenn til Akureyrar.“
Sýningin stendur til 3. maí.
Línan sameinar verkin
Átta listamenn frá sex löndum sýna í Listasafninu á Akureyri.
Mireya Samper er sýningarstjóri. Listamennirnir urðu nánast
orðlausir þegar þeir sáu hið glæsilega Listasafn á Akureyri.
Verk eftir japanska listamanninn Miyuki Kido.Verk eftir Þjóðverjann Almuth Baumfalk.
Verk listamannsins Lap Yip sem er frá Hong Kong.
Kolbrún
Bergþórsdóttir
kolbrunb@frettabladid.is
Mireya segir frábært að hafa fengið listamennina til Akureyrar.
1 2 . M A R S 2 0 2 0 F I M M T U D A G U R34 M E N N I N G ∙ F R É T T A B L A Ð I Ð
MENNING