Fréttablaðið - 14.03.2020, Blaðsíða 10

COVID-19 Starfsmenn Strætó hafa
ekki tekið eftir breytingu á fjölda
farþega eftir að COVID-19 farald-
urinn kom til landsins. Það er þó
einungis byggt á tilfinningu vagn-
stjóranna sjálfra en tölur hafa ekki
borist. Stjórn Strætó ákvað á fundi
sínum í gær að heimila að farþegar
gangi um borð í vagnana að aftan.
Er það gert til að vernda vagnstjóra.
Jóhannes Rúnarsson f ram-
kvæmdastjóri segir að fundað sé
daglega um stöðuna og að Strætó
f ylg i þeim f y r ir mælu m sem
almannavarnir setja. En fjölmargir
hafa hringt í fyrirtækið og spurst
fyrir um viðbrögð. Ýmsum mögu-
leikum hefur verið velt upp komi til
þess að ástandið versni. „Við getum
ekki látið vagnstjórana vinna í fjar-
vinnu eða starfsmenn á verkstæði.
Skrifstofufólkið getur það en það
er ekki það fólk sem er í mestri
áhættu,“ segir Jóhannes.
Brýnt er fyrir bæði starfsmönn-
um og farþegum að gæta hreinlætis.
Vagnstjórar eru bæði með spritt og
sótthreinsiklúta í vögnunum og
vagnarnir eru þvegnir daglega, þá
sérstaklega snertifletirnir. Þá standi
vagnarnir stundum óhreyfðir í 4 til
5 klukkutíma, sem er umfram það
sem veiran getur lifað utan manns-
líkama.
Jóhannes segir hins vegar að
sprittaðstaða fyrir farþega hafi
ekki verið sett upp. „Það er ófram-
kvæmanlegt, við erum með um 40
þúsund innstig á hverjum degi. Við
hvetjum fólk til að komast hjá því
að snerta tiltekna f leti, nema þá á
ákveðinn hátt,“ segir Jóhannes. „Það
er tiltölulega einfalt að ýta á bjöll-
una með olnboganum.“
Tveir starfsmenn Strætó hafa nú
þegar þurft að fara í sóttkví. Einn
vagnstjóri sem hafði verið á ferða-
lagi í Kína í janúar og er nú kominn
aftur til starfa og einn starfsmaður
á skrifstofu er nú í sóttkví eftir að
hafa verið í skíðaferð í Austurríki,
en er einkennalaus.
„Við hvetjum fólk til að nota
ekki almenningssamgöngur ef
það finnur fyrir einkennum,“ segir
Jóhannes. Þá er mælst til þess að
fólk dreifi ferðum sínum og ferðist
utan háannatíma, hafi það tök á
því. Einnig að það dreifi sér innan
vagna, og miðað við óformlega
könnun Fréttablaðsins í gær virðist
fólk fylgja því.
Borgir heimsins hafa nú þegar
eða eru að koma upp áætlunum til
að takast á við útbreiðslu í almenn-
ing ssa mgöng u m. A lgeng u st u
aðferðirnar eru sótthreinsun og
þrif á hverjum degi. Ef miðað er við
hefðbundna faraldurssjúkdóma,
svo sem inflúensu, sýnir rannsókn
sem gerð var í New York árið 2018
að  fjögur prósent smits verða í
neðanjarðarlestakerfinu þó að þar
sé þéttleiki fólks mikill.
kristinnhaukur@frettabladid.is
Það er tiltölulega
einfalt að ýta á
bjölluna með olnboganum
Jóhannes
Rúnarsson,
framkvæmda-
stjóri Strætó
Leigubílastöðin Hreyfill
gerir athugasemdir við að
ekki sé gert ráð fyrir því að
stöðin hafi aðstöðu á nýju
Hlemmtorgi.
34%
Fullorðinna Íslendinga
drakk áfengi í hverri viku á
síðasta ári
Miðstöð íslenskra
bókmennta
auglýsir eftir
umsóknum um
Nýræktarstyrki
Fyrir skáldverk höfunda sem eru
að stíga sín fyrstu skref á ritvellinum.
Umsóknarfrestur er til 15. apríl 2020
Allar nánari upplýsingar
og umsóknareyðublöð á
islit.is/styrkir/nyraektarstyrkur/
.

Aðalfundur VR verður haldinn miðvikudaginn
25. mars 2020 kl. 19.30 á Hilton Reykjavík Nordica.
VR | KRINGLUNNI 7 | 103 REYKJAVÍK | S. 510 1700 | WWW.VR.IS
Á dagskrá eru hefðbundin aðalfundarstörf, lagabreytingar og
ákvörðun um innborgun í VR varasjóð.
Dagskrá og frekari upplýsingar er að finna á vr.is
Fólk forðist snertingu
og dreifi strætóferðum
Starfsfólk Strætó fundar á hverjum degi um stöðuna vegna COVID-19 og
hefur gert ráðstafanir, svo sem þrif vagna. Þá er fólk hvatt til að sitja ekki þétt
og ferðast utan álagstíma. Tveir starfsmenn Strætó hafa þurft að fara í sóttkví.
Vagnstjórar eru allir með sprittbrúsa og klúta. FRÉTTABLAÐIÐ/SIGTRYGGUR ARI
STJÓRNSÝSLA Stækkun Hlemmtorgs
og nýtt umferðarskipulag svæðisins
var auglýst dagana 16. desember til
29. janúar síðastliðinn. Allnokkrar
athugasemdir bárust frá íbúum og
hagsmunaaðilum en í þeim hópi
eru leigubílstjórar Hreyfils sem og
embætti lögreglustjórans á höfuð-
borgarsvæðinu.
Í athugasemdum Hreyfils, sem
Mörkin lögmannsstofa kom á fram-
færi, er gagnrýnt að ekki sé gert ráð
fyrir því að Hreyfill hafi nokkur
stæði til umráða á svæðinu eins og
nú er. Er vísað til þess að Hreyfill
hafi selt Reykjavíkurborg fast-
eignir og lóðarréttindi við Hlemm
og Kalkofnsveg árið 1969 og í kaup-
samningi komi fram að fyrirtækið
ætti að fá bifreiðastæði og hús-
næðisaðstöðu á Rauðarárstíg 2. Í
deiliskipulagsbreytingunum felist
eignarnám Reykjavíkurborgar og
fyrir það verði að greiða bætur.
Í umsögn umhverfis- og skipu-
lagssviðs Reykjavíkurborgar við
athugasemdirnar er þessari túlkun
vísað á bug og fullyrt að afnota-
réttur Hreyfils hafi aðeins verið
tímabundinn.
Athugasemd lögreglustjórans á
höfuðborgarsvæðinu er á þá leið að
deiliskipulagstillagan skapi vand-
kvæði fyrir þjónustu lögreglunnar
og neyðarakstur til og frá lögreglu-
stöð. Aðkoma að stöðinni sé veru-
lega torvelduð og mikil slysahætta
geti skapast, því að sérrein fyrir
hjólandi  á að liggja næst útakstur-
hliði lögreglustöðvarinnar. Á það
sérstaklega við neyðarakstur lög-
reglu inn og út af svæðinu en aðal-
fangageymsla LHR er í húsinu.
Í svari skipulagsyfirvalda kemur
fram að tillit verði tekið til athuga-
semda lögreglu. Reynt verði að
rýma sjónása til og frá porthliðinu
með f lutningi þess. Þá er stungið
upp á að koma fyrir blikkljósum
við hjólreiðastíga sem yrðu virkj-
aðir við neyðarútköll. – bþ
Löggan og leigubílstjórar
hnýta í nýtt Hlemmtorg
SAMFÉLAG Árið 2019 sögðust um
það bil 86 prósent fullorðinna
Íslendinga hafa drukkið að minnsta
kosti eitt glas af áfengum drykk
síðustu 12 mánuði og 34 prósent
sögðust drekka áfengi í hverri viku.
Þetta kemur fram í nýútgefnum
Talnabrunni, fréttabréf i Land-
læknis um heilbrigðisupplýsingar.
Um tíu þúsund svör Íslendinga
liggja að baki niðurstöðunni.
Þá sögðust 26 prósent svarenda
hafa orðið ölvaðir einu sinni í mán-
uði eða oftar síðastliðna 12 mánuði
og fellur um fjórðungur Íslendinga
þar með undir þá skilgreiningu að
vera með skaðlegt neyslumynstur
áfengis, svonefnda áhættudrykkju.
Niðurstaða rannsóknarinnar
leiðir í ljós að 25 prósent karla og 22
prósent kvenna falla undir undir þá
skilgreiningu að vera með skaðlegt
neyslumynstur á áfengi en árið 2018
var hlutfallið um 29 prósent meðal
karla og 22 prósent meðal kvenna.
Sé þetta hlutfall heimfært upp á
þjóðina alla má gera ráð fyrir að
karlmönnum með skaðlegt neyslu-
mynstur hafi fækkað um 5 þúsund
milli þessara tveggja ára eða farið
úr um 40 þúsund niður í 35 þúsund,
mest í aldurshópnum 18 til 34 ára.
Segir í fréttabréfinu að ætla megi
að áfengisneyslumynstur um 30
þúsund kvenna sé skaðlegt. – jþ
Áhættudrykkja karla minnkar
Stækkun Hlemmtorgs er á teikni-
borðinu. FRÉTTABLAÐIÐ/EYÞÓR
1 4 . M A R S 2 0 2 0 L A U G A R D A G U R10 F R É T T I R ∙ F R É T T A B L A Ð I Ð