Fréttablaðið - 14.03.2020, Page 21

Baráttan fyrir betra lífi heldur áfram!
„Áður þaggaðar og jaðarsettar konur, sem fáir höfðu fram að því haft áhuga á, stigu
fram með sjálfsvirðinguna að vopni og skiluðu skömm láglaunastefnunnar þangað
sem hún á heima. Allar stofnanir valdsins stóðu sameinaðar gegn okkur, sem átti
að berja til hlýðni, eins og tíðkast hefur áratugum saman. En Eflingarfélagar hjá
borginni hafa fært valdastéttinni og raunar samfélaginu öllu fréttir; þegar
verkafólk kemur saman í krafti fjöldans, samstöðunnar og baráttuviljans þá
stöðvar það ekkert. Eflingarfélagar hjá borginni hafa skrifað nýjan kafla í
sögu íslenskrar verkalýðsbaráttu.“

Sólveig Anna Jónsdóttir, formaður Eflingar
Við þorðum
Við sigruðum!
Við börðumst
Borgin er
í okkar höndum