Bændablaðið - 23.06.2016, Blaðsíða 14

14 Bændablaðið | Fimmtudagur 23. júní 2016
Gunnsteinn Gíslason, fyrrverandi
oddviti í Árneshreppi, lætur ekki
deigan síga þrátt fyrir að vera 84
ára gamall.
Eftir að hann lét af störfum sem
oddviti Árneshrepps og kaupfélags-
stjóri í Norðurfirði keypti hann ísvél
og selur smábátasjómönnum ís til að
kæla aflann.
Verið að lengja hafnargarðinn
„Hér eru rúmlega tuttugu bátar sem
gera út á strandveiðar og veiðarnar
ganga ágætlega en þetta eru ekki
menn með fasta búsetu hér. Það er
verið að stórbæta aðstöðuna í höfn-
inni með því að lengja hafnargarðinn
og hugsanlega koma fleiri bátar á
næsta ári í kjölfar þess.“
Síðasta húsið byggt
fyrir 23 árum
Gunnsteinn, sem man tímana tvenna
í Árneshreppi, segir leiðinlegt að
horfa upp á hversu fátt fólk býr í
hreppnum. „Mér skilst að það séu
rétt 50 manns á íbúaskrá núna en í
mesta lagi 35 sem búa hér allt árið.
Líklega er kjörskráin besti mæli-
kvarðinn á íbúaþróun hér og sam-
kvæmt henni fækkar ungu fólki hér
í hvert sinn sem er kosið.
Samkvæmt lögum þarf 50 manns
til að hér geti verið sjálfstætt sveitar-
félag og lögin kveða á um að ef íbúa-
tala sveitarfélags er undir 50 tvö ár
í röð beri félagsmálaráðuneytinu að
sameina það örðu sveitarfélagi.
Ég og eiginkonan byggðum
síðasta íbúðarhúsið í hreppnum,
Bergistanga, fyrir 23 árum og þar
sem enginn byggir hús getur enginn
búið. Við sem eftir erum hér enn
erum öll komin á aldur og hætt að
búa til börn þannig að ég er hræddur
um að heilsársbyggð hér eigi eftir að
leggjast af eftir að við sérvitringarnir
yfirgefum þennan heim.“ /VH
Ágúst Gíslason bóndi er enn í
fullu fjöri, 82 ára gamall, og var
að setja olíu á dráttarvélina til að
geta haldið áfram að bera á þegar
tíðindamaður Bændablaðsins
heimsótti Steinstún í Norðurfirði
fyrir skömmu.
„Ég er fæddur í Steinstúni og var
bóndi hér í sextíu ár en Guðlaugur
sonur minn tók við 2004. Nú orðið
bý ég á Akranesi en er hér á sumrin
og reyni að hjálpa til við það sem ég
get og gera eitthvað að gagni eins
og að gera við girðingar og bera á.
Ágúst segir gríðarlegar
breytingar hafa átt sér stað í
Árneshreppi frá því að hann man
fyrst eftir sér. „Helsta breytingin
er sú að fólki hér hefur fækkað
mikið og því er enn að fækka og
ég óttast að heilsársbyggð leggist
hér af á næstu árum. Hversu lengi
hún verður fer bara eftir því hversu
lífseigir og þverir þeir fáu eru sem
eftir verða. /VH
Fréttir
Gústi í Steinstúni:
Enn í fullu fjöri að hjálpa syni sínum að bera á
Mynd / Vilmundur Hansen
Gunnsteinn Gíslason, fyrrverandi oddviti og kaupfélagsstjóri í Árneshreppi, man tímana tvenna:
Framleiðir ís fyrir smábátasjómenn
-
Mynd / VH