Bændablaðið - 06.07.2017, Síða 42

42 Bændablaðið | Fimmtudagur 6. júlí 2017
Margir kúabændur hér á
landi og annað áhugafólk um
nautgriparækt skoða gjarnan
margs konar áhugaverðan
fróðleik um kynbætur og
kynbótastarf erlendis og eitt
af því sem vekur oft eftirtekt
er hve gljáfægðir gripirnir eru
á myndunum. Þess utan eru
gripirnir gjarnan myndaðir
í fallegri náttúru og næstum
undantekningarlaust eru
myndirnar teknar þannig að
halda mætti að gripirnir hafi
stillt sér sérstaklega upp fyrir
myndatökuna.
Þegar rýnt er í þessar myndatökur
kemur margt áhugavert í ljós og
eru gripamyndatökur sérgrein út
af fyrir sig en að myndatökunum
koma oft 3–4 aðilar sem sjá um að
gera viðkomandi grip tilbúinn fyrir
myndatöku.
Nýverið gáfu myndasmiðirnir hjá
kynbótafyrirtækinu VikingGenetics
kynningu á því hvernig þeir standa
að myndatökunum og var greint frá
þeirri vinnu í máli og myndum í
blaðinu VikingNyt og fer hér á eftir
endursögn þeirrar greinar ásamt
áhugaverðum myndum sem voru
í greininni.
Átta sinnum á ári fer myndateymi
Viking í ferð um Danmörku í þeim
tilgangi að taka myndir af fallegum
nautum og kúm. Kýrnar eru oftast
nautsmæður eða einstaklega góðar
kýr og ástæða myndatökunnar er
fyrst og fremst að safna efnivið
í blöð og bæklinga sem eru svo
sendir til bænda en VikingGenetics
er sérhæft í sölu á sæði og
fósturvísum og er umsvifamest
á Norðurlöndunum. Að sögn
Jan Andersen, markaðsstjóra
fyrirtækisins, þá er tilgangurinn að
sýna bændum þá góðu gripi sem
fyrirtækið hefur erfðaefni til sölu úr
og þó svo að kynbótadómurinn segi
mest þá skipti útlit gripanna einnig
máli. „Í mörgum löndum er aðgengi
að kynbótagögnum mun verra en
hér í Danmörku og því skiptir útlit
nautanna verulegu máli á slíkum
mörkuðum. Þá er oft beðið um
myndir af fleiri kúm undan nautinu
áður en ákvörðun um notkun er
tekin og því er ánægjulegt að geta
t.d. sýnt glæsilega nautsmóður.“
Uppstilling gripa
Það er misjafnt eftir því hvar Viking
er að selja hvernig myndatökunum
er háttað. Þannig selja myndir af
kúm á beit sæðið mun betur í
Írlandi eða Nýja-Sjálandi en t.d. í
Póllandi eða Þýskalandi þar sem
bændurnir eru vanir því að skoða
uppstilltar myndir af gripum þegar
þeir kaupa erfðaefni. Hvort sem
gripunum er stillt sérstaklega upp
eða teknar myndir af þeim á beit,
þá er nánast undantekningarlaust
búið að eiga við gripina og undirbúa
þá sérstaklega undir myndatökuna.
Sólarorka hagkvæmari
en kolaiðnaður
Stærsta kolavinnslufyrirtæki
heims hefur tilkynnt að það muni
loka 37 námum vegna þess að
þau eru ekki lengur hagkvæm.
Coal India tilkynnti að námunum
yrði lokað fyrir mars 2018.
Á meðan stækkar sólar-
raforkugeiri landsins, sem hefur
fengið byr undir báða vængi í
formi alþjóðlegra fjárfestinga.
Lækkandi verð á sólarraforku hefur
því neikvæð áhrif á fyrirtæki sem
vinna jarðefnaeldsneyti í landinu.
Sólarraforkugeirinn í Indlandi
nýtur mikilla alþjóðlegra
fjárfestinga og lækkandi verð
á sólarorku hefur haft neikvæð
áhrif á fyrirtæki sem vinna
jarðefnaeldsneyti í landinu.
Ríkisstjórn Indlands hefur gefið
það út að þeir muni ekki opna fleiri
kolanámur eftir árið 2022 og stefnir
auk þess á að 57% af heildarraforku
landsins árið 2027 muni vera
framleidd með endurnýjanlegri
orku árið 2027. Þetta markmið
er langt umfram skuldbindingar
Indlands í Parísarsamkomulaginu.
Fallið var frá áætlunum um 14
GW kolanámu og orkuveri í maí.
Mun það benda til straumhvarfa í
orkumarkaði Indlands, samkvæmt
frétt breska blaðsins Independent.
Þar er vitnað í sérfræðing sem
segir að metnaðarfullar ráðstafanir
indverskra stjórnvalda ásamt inn-
spýtingu frá alþjóðlegum fjárfest-
um sé að verða til þess að verð á
sólarraforku sé í frjálsu falli. Slík
þróun muni hafa áhrif á alþjóðlegan
orkumarkað.
Ef fram fer sem horfir og kostn-
aður við sólarorkuvinnslu heldur
áfram að lækka er búist við að
Indland geti verið kolanámulaust
árið 2050. /ghp
Ný páfagaukategund
finnst í Mexíkó
Ný tegund Amason páfagauks
hefur verið staðfest af
vísindamönnum. Nýlega birtist
grein í tímaritinu PeerJ um
tegundina Amazona gomezgarzai
sem fuglaáhugamaðurinn Miguel
A. Gómez Garza fann á Yugatán
skaga í Mexíkó árið 2014.
Fuglinn er um 25 cm hár og
um 200 g að þyngd. Hann er
grænn að lit með bláar vængfjaðrir
og einkennandi rauðan blett
á andliti. Hljóð fuglsins mun
einnig vera sértækt, hátt, stutt
og endurtekningarsamt. Þar að
auki hermir hann eftir einum af
sínum verstu óvinum, haukinum.
Vísindamennirnir leiða að því
líkum að þessi háttur páfagaukanna
sé aðferð þeirra við að hræða aðra
fugla frá nærliggjandi trjám og afla
sér þar með fæðu.
DNA prófanir á páfagaukunum
leiddi í ljós að tegundin þróast út
frá hvítum Amason páfagauki
(Amazona albifrons) sem voru
innfæddir á svæðinu fyrir um
120.000 árum síðan.
Aðeins er talið að stofnstærð
páfagauksins sé um 100 einstaklingar
og er hann því þegar skilgreindur
sem tegund í bráðri útrýmingarhættu.
Flestallar villtar tegundir Amason
fugla teljast í útrýmingarhættu
en þeim stendur gríðarleg ógn af
eyðingu regnskóga. /ghp
UTAN ÚR HEIMI Á FAGLEGUM NÓTUM
Mynd / REUTERS/Ajay Verma
Páfagaukur af tegundinni Amazona gomezgarzai. Mynd / Tony Silva
Bændablaðið
á bbl.is og líka á Facebook
Smáauglýsingar 56-30-300
Fyrirsæta
í einn dag
– Skyggnst á bak við myndavélina
Myndirnar eru teknar á kúabúinu Østrup Søndergård i Juelsminde í Danmörku.
Þegar teknar eru myndir af kynbótagripum nota ljósmyndateymin ýmiss
konar hjálpartæki og tól.
Litun, klipping og hárblástur!