Bændablaðið - 26.04.2018, Side 12

12 Bændablaðið | Fimmtudagur 26. apríl 2018
Matarauður Íslands og Hótel-
og matvælaskólinn efna nú til
hugmyndasamkeppni meðal
almennings um matarrétti undir
titlinum „Þjóðlegir réttir á okkar
veg – ertu með?“ Tilgangurinn
er að fagna margbreytileika
matargerðar okkar og heiðra
matarhefðir landsmanna.
Keppnin stendur til 1. maí
næstkomandi og mega allir taka þátt
óháð aldri. Hægt er að lesa nánar um
samkeppnina og skrá hugmynd eða
uppskrift á www.mataraudur.is.
Hugmyndin er að virkja
almenning til að senda inn
hugmyndir að máltíðum eða viðbiti
sem þeir vilja geta keypt vítt og breitt
um landið. Einnig að skapa eftirspurn
eftir öðruvísi íslenskum réttum en við
eigum að venjast þegar við ferðumst
um landið. Erlendir ferðamenn munu
að sjálfsögðu njóta góðs af.
Hugmyndir og eða uppskriftir
Það má senda inn hefðbundnar
og óhefðbundar hugmyndir, í
gömlum eða nýjum búningi. Það
er skilningur þeirra sem að þessari
hugmyndasamkeppni standa að
þjóðlegir réttir spretti alltaf upp
úr íslensku hráefni. Sérstaklega
verður tekið tillit til þess ef saga á
bak við réttinn fylgir með. Samhliða
þessu átaki er fólki boðið að skrá
matarminningar sínar og hægt er að
gera það á mataraudur.is.
Uppskriftir á að senda inn í
gegnum þar til gert form á vefsíðu
Matarauðs Íslands. Valdir verða 15
réttir úr innsendum uppskriftum sem
nemendur og kennarar við Hótel- og
matvælaskólann útfæra og elda fyrir
dómnefnd 3. og 4. maí.
Fimm réttir standa síðan upp úr
sem vinningsréttir og fyrir þá verða
veitt verðlaun.
Úrval uppskrifta og hugmynda
verða birtar á vef Matarauðs Íslands
11. maí og þar verður hægt að
líka við hugmyndirnar og deila á
samfélagsmiðlum. #þjóðlegirréttir
Úrslit og vinningshafar
verða kynnt 25. maí og þar mun
sjávarútvegs- og landbúnaðar-
ráðherra afhenda verðlaun.
Á matseðlum veitingahúsa
víða um land
Veitingahús í kringum landið
eru í samstarfi við Matarauð
Íslands og munu velja einn af
þeim 15 réttum, sem komast í
undanúrslit, á matseðilinn sinn í
sumar. Verður sigurréttunum fylgt
eftir af Sigurði Daða Friðrikssyni,
fagstjóra matreiðslu í Hótel- og
matvælaskólanum sem heimsækir
veitingastaði sem ætla að bjóða upp
á einhvern af réttunum.
Hluti af ímynd lands og þjóðar
„Matarhefð er stór hluti af ímynd
lands og þjóðar enda speglar hún
menningu okkar og sögu. En
þjóðlegir réttir eru ekki síður hluti af
nútímanum, bragðbættir og innblásnir
af samtímanum. Við erum því að
leita að þjóðlegum réttum í nýjum
og gömlum búningi. Aðaluppistaðan
í réttunum verður að vera íslenskt,“
segir Brynja Laxdal, verkefnisstjóri
hjá Matarauði Íslands.
Draga fram sérstöðu íslensks
hráefnis og matarmenningar
Megintilgangur Matarauðs Íslands er
annars vegar að draga fram sérstöðu
íslensks hráefnis og matarmenningar
til að auka þá hlutdeild í heildarímynd
Íslands og auka með því þekkingu og
ásókn í íslenskar matvörur og afurðir.
Hins vegar að styrkja matartengd
verkefni sem efla heildarhagsmuni
byggða og verðmætasköpun
í sátt við sjálfbæra þróun. Að
leiðarljósi er stefna stjórnvalda,
matvælastefna heimsmarkmiða
Sameinuðu þjóðanna og samvinna
atvinnugreina. Sjávarútvegs- og
landbúnaðar ráðherra er ábyrgur
gagnvart fjárhagsramma verkefnisins
og tekur endanlegar ákvarðanir um
fjárhagsáætlun og aðrar fjárveitingar
út frá tillögum verkefnastjórnar.
Í verkefnastjórn sitja Þórir
Hrafnsson, settur formaður og
Baldvin Jónsson fyrir hönd
atvinnuvega- og nýsköpunar-
ráðuneytisins, Hanna Dóra Hólm
Másdóttir fyrir samgöngu- og sveita-
stjórnar ráðuneytið og Ásborg Ósk
Arnþórsdóttir fyrir hönd umhverfis-
og auðlindaráðuneytisins. Verkefna-
stjóri er Brynja Laxdal. sem ákveður
starfs- og fjárhagsáætlun með
samþykki verkefnastjórnar.
Horft til góðrar reynslu Svía
Hjá Matarauði Íslands er horft til
reynslu annarra þjóða sem sýnir að
hægt er að ná verulegum ávinningi
þegar stjórnvöld styðja uppbyggingu
ákveðinna atvinnugreina. Sem
dæmi má nefna að verkefnin í
Svíþjóð, sem hófust árið 2009
undir heitinu „Matlandet Sverige
og Try Swedish“, hafa falið í sér
margþættan ávinning. Þar má nefna
fjölgun starfa í veitingageiranum,
aukna verslun með sænska matvöru,
styrkingu byggða í héruðum sem
byggja á hefðbundinni sænskri
matvælaframleiðslu, aukinn
útflutning og bætt viðhorf umheimsins
til Svíþjóðar sem framleiðsluland
hreinna og góðra matvæla. Var
þetta fyrirbæri m.a. kynnt af
Anne-Marie (Ami) Hovstadius á
ráðstefnu Matarlandsins Ísland í
Bændahöllinni 2014.
Þjóðlegir réttir á okkar veg – ertu með?
Hugmyndasamkeppni meðal
almennings um þjóðlega rétti
FRÉTTIR
Karlakór Hveragerðis ásamt stjórnanda sínum, Örlygi Atla Guðmundssyni. Mynd / Guðmundur Erlingsson
Fyrstu vortónleikar Karlakórs Hveragerðis
Laugardaginn 28. apríl kl.
16.00 fara fram fyrstu vortón-
leikar Karlakórs Hveragerðis í
Hveragerðiskirkju. Kórinn sem
er rétt að verða tveggja ára var
stofnaður haustið 2016.
Stjórnandi og undirleikari er
Örlygur Atli Guðmundsson. Um
30 karlar úr Hveragerði, Ölfusi og
Selfossi æfa að jafnaði með kórn-
um þar sem léttleikinn er í fyrir-
rúmi enda öll lög kórsins létt og
skemmtileg. Á vortónleikunum
koma Bassadætur fram með kórnum
en það eru systurnar Dagný Halla og
Unnur Birna Björnsdætur, búsett-
ar í Hveragerði. Gleðimennirnir
Jón Magnús Jónsson og Ólafur
M. Magnússon mun einnig koma
fram og syngja nokkur lög með
undirleikara sínum, Arnhildi
Valgarðsdóttur. Jón og Ólafur munu
líka syngja nokkur lög með kórn-
um sem gestasöngvarar. Pétur Nói
Stefánsson, 14 ára stórefnilegur tón-
listarmaður í Hveragerði, mun leika
undir á píanó í laginu Hraustir menn
með kórnum.
Einsöngvarar úr röðum kórsins
verða þeir Arnar Gísli Sæmundsson
og Erlendur Eiríksson. Aðgangseyrir
á tónleikana er 1.500 krónur, frítt er
fyrir 12 ára og yngri.
Atvinnuvega- og nýsköpunarráðuneytið
hefur með bréfi frá 10. apríl síðastliðnum
samþykkt endurskoðaða verðskrá fyrir
dóma á kynbótahrossum.
Sýningargjöld verða fyrir fullan dóm 24.600 kr. m/vsk og
að auki er innheimt WorldFengs gjald og er því heildarverð
26.000 kr.
Fyrir sköpulags/reiðdóm er verðið 19.100 kr. m/vsk en
heildarverð með WorldFeng gjaldi 20.500 kr.
Verðskráin tekur þegar gildi.
Norræna nemakeppnin í matreiðslu og framleiðslu:
Framreiðslunemarnir fengu gull
og matreiðslunemarnir silfur
Um síðustu helgi var Norræna
nemakeppnin í matreiðslu
og framreiðslu haldin í
Hótel- og veitingaskólanum
í Kaupmannahöfn. Íslensku
keppendurnir náðu frábærum
árangri; framreiðslunemarnir
unnu og fengu gullverðlaun og
matreiðslunemarnir silfur.
Íslensku framreiðslunemarnir
eru Sigurður Borgar Ólafsson á
Radisson Blu Hótel Sögu og Axel
Árni Herbertsson á LAVA, Bláa
Lóninu. Þjálfari þeirra var Tinna
Óðinsdóttir.
Í matreiðslukeppninni tóku þátt
fyrir Íslands hönd þeir Steinbjörn
Björnsson, frá Hörpu, og Hinrik
Lárusson á Radisson Blu Hótel
Sögu. Þjálfari þeirra var Georg Arnar
Halldórsson.
Keppni nema 23 ára og yngri
Keppendur í Norrænu nema-
keppninni eru 23 ára og yngri og
koma frá Danmörku, Finnlandi,
Íslandi, Noregi og Svíþjóð. Stóð
keppnin yfir báða dagana og
þurftu nemarnir að leysa fjölbreytt
verkefni og þreyta fagpróf.
Látið var reyna á vínþekkingu
framreiðslunemanna, keppt var
í fyrirskurði, að uppdekka borð
og borðskreytingar, að para vín
við matseðla, blanda hanastél auk
mismunandi framreiðsluaðferða
og faglegri framreiðslu.
Matreiðslunemarnir elduðu sígilda
aspassúpu, lystauka, réttinn
Amuse-bouches úr nautaskanka
og Jerúsalem-ætiþistlum og heitan
grænmetisrétt.
Framleiðslu- og matreiðslu-
nemarnir unnu saman á laugar-
deginum; teymin fengu svokallaða
leyndarkörfu, þar sem ekki er
vitað um hráefnið, og áttu svo að
útbúa fimm rétta máltíð úr því í
sameiningu.
Hráefnið var kjúklingur,
kjúklingalifur, bleikja, humar,
möndlur, hvítt súkkulaði og
rabarbari. /smh
Axel Árni Herbertsson.
Sigurður Borgar Ólafsson.
Steinbjörn Björnsson og Hinrik Lárusson. Myndir / MOTIV, Jón Svavarsson