Bændablaðið - 05.12.2019, Page 39

Bændablaðið | Fimmtudagur 5. desember 2019 39
Bændablaðið Auglýsingar 56-30-300
Dreift í 32 þúsund eintökum á yfir
420 dreifingarstaði og öll lögbýli á Íslandi
Við bjóðum úrval vefnaðar- og gjafavara með
sterka tengingu við íslenska náttúru í vefverslun okkar
Tilvaldar jólagjafir fyrir bændur og búalið
Við rekum fjölskyldufyrirtæki í íslenskri sveit
info@tundra.is, s. 893 0103
„Blómvöndurinn“ sem afhentur var þegar verðlaunin voru afhent var að
þessu sinni samsettur úr íslensku grænmeti, að svo miklu leyti úr Þingeyj-
arsýslum sem frekast var unnt. Á myndinni eru Jóhanna Katrín Þórhalls-
dóttir, formaður umhverfisnefndar, Hjördís Finnbogadóttir og Þorsteinn
Gunnarsson sveitarstjóri.
Umhverfisverðlaun Skútustaðahrepps:
Viðurkenning fyrir að hefta
útbreiðslu ágengra plantna
Umhverfisverðlaun Skútustaða­
hrepps voru afhent í fjórða sinn
á dögunum. Umhverfisnefnd
sveitar félagsins fékk það vanda­
verk að rýna í frambærilegar
tilnefningar en niðurstaðan varð
sú að veita verðlaunin Hjördísi
Finnbogadóttur, sem hefur veitt
umhverfismálum í sveitinni inn­
blástur með miklum eldmóði
og öflugu starfi við að uppræta
og hefta útbreiðslu framandi og
ágengra plantna.
Hjördís er afar læs á náttúr­
una, þar á meðal fugla og plöntur,
og hefur mjög skarpa yfirsýn á
útbreiðslu lúpínu og kerfils og þróun
hennar á milli ára, segir í frétt á
vefsíðu Skútustaðahrepps. Hjördís
hefur unnið ómælt starf í sjálfboða­
vinnu, við að greina áskoranirnar
og hreinlega framkvæma, ýmist ein
og sér á vappi eða með Fjöreggi og
ýmsum fleiri hópum sjálfboðaliða.
Þá átti framlag Hjördísar undanfarin
ár drjúgan þátt í vitundarvakningu
sem leiddi til stofnunar starfshóps
um heftingu á útbreiðslu framandi
og ágengra tegunda, sem nú starfar á
vegum Skútustaðahrepps í samvinnu
við Fjöregg, Umhverfisstofnun,
Landgræðsluna og RAMÝ, en starf­
semi hópsins hefur vakið athygli á
landsvísu. /MÞÞ
Blönduósbær gerir húsnæðisáætlun:
Byggt á ný eftir
25 ára hlé
Blönduósbær hefur á undan­
förnum mánuðum unnið að gerð
húsnæðisáætlunar. Markmiðið er
að skapa yfirsýn yfir húsnæðis­
mál sveitarfélagsins, meta þarfir
ólíkra hópa og gera áætlun um
uppbyggingu íbúða til næstu
átta ára. Áætlunina má finna á
vef Blönduósbæjar, en gert er ráð
fyrir að fyrsta breyting á henni
verði gerð í byrjun mars á næsta
ári.
Fram kemur í húsnæðisáætlun
Blönduósbæjar að í lok liðins árs,
2018, hafi verið alls 382 íbúðir á
Blönduósi, flest voru einbýlishúsin,
eða 232 talsins, eða ríflega 60%. Þá
voru íbúðir í fjölbýli 60, eða 16%, í
parhúsum voru 48 íbúðir, eða 13%
og 42 íbúðir voru í raðhúsum, eða
11%.
Eftirspurn eftir leiguíbúðum
Leiguíbúðir á Blönduósi voru 96
talsins í mars á þessu ári af þeim
382 íbúðum sem þar eru, eða um
25% allra íbúða. Alls voru 39 íbúðir
í eigu sveitarfélagsins, 19 í eigu
lögaðila og 31 í eigu einstaklinga.
Frístundaíbúðir voru fimm og tvær
íbúðir voru í Airbnb. Í mars var hafin
bygging á tveimur einbýlishúsum
og einu parhúsi, búið var að taka
grunn fyrir þriggja íbúða raðhúsi og
í vinnslu er fjögurra íbúða búsetu­
kjarni fyrir fatlaða einstaklinga. Þá
er búið að sækja um byggingarleyfi
fyrir 20 íbúða fjölbýlishús.
Við gerð aðalskipulags Blöndu­
ósbæjar 2010–2030 var gerð áætlun
um uppbyggingu nýrra íbúðasvæða
og þéttingu eldri byggðar auk upp­
byggingar á gagnaverum sem er
hafin. Eftirspurn er til staðar eftir
leiguíbúðum á Blönduósi um þessar
mundir og segir í húsnæðisáætlun
að í ljósi þess sé eðlilegt að skoða
vandlega þörf, eftirspurn og að gera
áætlanir um byggingu leiguíbúða
auk almennra íbúða.
Ekkert byggt í 25 ár
Bygging íbúða hófst á Blönduósi
að nýju á árinu 2018 en ekki hafði
verið byggt íbúðarhús frá árinu
2008. Nýbygging íbúðarhúsnæðis
hefur að mestu legið niðri síðustu
25 ár, eða frá árinu 1993. Innviðir
á Blönduósi miðast við stærra sam­
félag en nú er. Gert er ráð fyrir að
nemendur í grunnskóla geti orðið
allt að 240 án þess að stækka þurfi
skólann frekar en nemendur eru um
150 í dag. Leikskólinn er rekinn á
tveimur stöðum í dag og verður
unnið að stækkun hans á næstu 5
árum til að koma honum fyrir á
einum stað.
Gert ráð fyrir að
íbúum fjölgi næstu ár
Fjöldi íbúa á Blönduósi hefur verið
svipaður frá árinu 2006 til ársins
2016 og var meðalíbúafjöldi þessara
ára um 884 íbúar miðað við 1. jan­
úar ár hvert. Frá árinu 2017 hefur
íbúum fjölgað og voru íbúar orðnir
939 1. janúar 2019. Sú þróun hefur
haldið áfram og voru íbúar þann 1.
september 953. Gera má ráð fyrir
að hæg aukning íbúa haldi áfram
næstu ár enda verði framboð af hús­
næði fyrir nýja íbúa. Gera má ráð
fyrir að fjölgunin sé um 15 íbúar á
ári, eða um 1,5%, og að íbúar verði
orðnir 1.000 eftir fjögur ár. Helsta
breytan sem getur haft áhrif á þessa
tölu er að það komi til sameiningar
sveitarfélaga. Staða Blönduósbæjar
sem þjónustukjarna ætti að styrkjast
við þá breytingu. /MÞÞ
Vélar, bátar, bílar, gámar eða vörur í lausu
Það skiptir ekki máli hvað þú þarft að flytja,
við getum flutt það fyrir þig landshorna á milli.
Reglulegar ferðir á flesta staði á landinu.
Hafðu samband og við finnum lausnina með þér.
fraktlausnir@fraktlausnir.is
Sími 519-2150 eða 773-1630