Fréttabréf Öryrkjabandalags Íslands - 01.03.1989, Blaðsíða 4

framkvæmdaáætlun. Félags-
lega áætlunin var samþykkt á
aðalfundum samtakanna
haustið 1987. Megininntak
hennar er tvíþætt: Annars vegar
að mismunandi hópar fatlaðra,
aðstandenda og áhugafólks taki
sig saman og vinni að sam-
eiginlegu félagslegu átaki. Hins
vegar í sameiningu að opna
gáttir þjóðfélagsins og um leið
huga alls almennings.
Ég sem formaður Geðhjálpar
vil í þessu sambandi benda á að
út um allt land er fólk með geð-
ræn vandamál. Talið er að þriðj-
ungur þjóðarinnar þjáist ein-
hvern tíma á lífsleiðinni af geð-
rænum vandamálum í það
miklum mæli að þeir þurfi að-
stoðar við. Margir eiga við lang-
varandi fötlun af þessum
ástæðum. Reyndar eru geðræn
vandamál oft fylgifiskur ann-
arrar fötlunar.
ÁsamatímaerGeðhjálp, sem
er félag fólks með geðræn
vandamál, aðstandenda þeirra
og annars áhugafólks, lítið og
veikburða. Það er mikið mis-
ræmi á milli stærðar hópsins og
stærðarfélagsins. Þettaþýðirað
stærsti hluti fólks með geðræn
vandamál og aðstandenda
þeirra starfa ekki með öðrum að
sameiginlegum hagsmunum.
Stór hluti hópsins er meira og
minna einangraður. Félagsleg
einangrun er líka oft á tíðum stór
þáttur í geðrænum vanda-
málum. Stór hluti fólks með
geðræn vandamál, lítur ekki á
sig sem fatlaðan, m.a. vegna
þess að í huga margra tengist
orðið fötlun ákveðinni tegund
fötlunar. í sömu sporum er stór
hluti fólks með aðra fötlun t.d.
flogaveikir, gigtsjúkir o.fl. Ég tel
mjög brýnt að við framkvæmd
félagslegu áætlunarinnar, sé
reynt að ná til, þó ekki væri nema
til hluta af þessum stóra hóp.
Þetta er oft fólk sem stendur fýrir
utan félagslegt starf.
í eðli félagslegu áætlunar-
innar er grundvallarþáttur sem
getur skorið á þessa hnúta. Hún
byggist á þvi að við eigum öll
samleið sem manneskjur. Hún
byggir á því hvað við getum gert
saman og um leið að yfirstíga
þær hindranir sem stía okkur í
sundur.
Opnum því augun fýrir hvert
öðru, þvert á allar fatlanir og
finnum samleið hvort sem við
teljum okkur vera fötluð eða
ekki.
Um höfundinn:
Magnús Þorgrímsson er sál-
fræðingur. Hann er formaður
Geðhjálpar og í stjóm Öiyrkja-
bandalagsins. Hann hefur t.d.
starfað að framkvæmd félags-
legu framkvæmdaáætlunar-
innar. Hann starfar sem sál-
fræðingur hjá Svæðisstjórn
Reykjavíkur um málefni fatl-
aðra. Auk þess er hann með sál-
fræðistofu, hefur umsjón með
hópstarfi þroskaheftra og hefur
unnið að ýmsum verkefnum
fýrir fatlaða t.d. fýrir Starfs-
þjálfun fatlaðra.
Hljóðfæri sérútbúin fyrir fatlaða
Okkur hjá Fréttabréfinu er lítt um
auglýsingar gefið eins og sjá má. En
þegar Sjálfsbjörg bað okkur að kynna
frétt um píanó - og búnað með þeim,
sem er aðeins framleiddur af einni
verksmiðju í heiminum, þá lét mús-
íkeyra okkar undan, og við sendum hér
út fréttatilkynningu, sem ísólfur Pálm-
arsson lét Sjálfsbjörg í té, nokkuð
stytta þó.
Hjá Sjálfsbjörg liggja myndalistar
sem skýra málið allt betur.
Steingraeber og Söhne-píanó og
flyglar eru framleiddir í tónlistar-
borginni Bayreuth í V.-Þýskalandi.
Hljóðfærin eru handsmíðuð og er að-
eins notaður besti fáanlegur efniviður.
Astæða sérkynningar á þessurn hljóð-
færunt er sú, að Steingraeber hefur
fundið upp og sett á markað búnað,
sem gerir hreyfihömluðum kleift að að
leika á þessi hljóðfæri svo fremi þeir
hafi mátt í fingrum og baki.
Þessi búnaður er þannig, að
„pedalar“ eru rafsegulstýrðir, þannig
að hægri „pedali“ er tengdur við
sérstakan púða sem komið er fyrir á
stólbaki, en vinstri „pedali“ er tengdur
í fjöður sem komið er fyrir framan við
nótnaborðið. Þannig hallar pínaó-
leikarinn bakinu að púðanum til að
stjóma dempurum, en þrýstir létt með
fingri á fjöðrina framan við nóturnar til
þess að stjóma slaglengd hamraverks.
Þessi búnaður er einstakur og hvergi
annars staðar til. Framleiðslan er lítil
og þarf því að panta hljóðfærin með
nokkrum fyrirvara. Allar nánari
upplýsingar fást hjá ísólfi
Pálmarssyni, Vesturgötu 17 í síma
11980 og hjá Sjálfsbjörg að sjálf-
sögðu.
4