Fréttabréf Öryrkjabandalags Íslands - 01.03.1989, Blaðsíða 5

Sigrún Friðfinnsdóttir framkvæmdastjóri:
DAGUR HJA GEÐHJÁLP
Geðhjálp er félag fólks með geðræn
vandamál aðstandenda þeirra svo og
áhugafólks um geðræn vandamál.
Félagið er með skrifstofu og
félagsmiðstöð að Veltusundi 3b (við
,,Hallærisplanið“). Skrifstofan er opin
á virkum dögum frá kl. 13-17 nema
þriðjudaga.
Þama ræð ég ríkjum á daginn, og
þeytist út um borg og bí í erinda-
gjörðum fyrir félagið.
Nafn mitt er Sigrún Bára Friðfinns-
dóttir og ég er eini launaði starfskraftur
félagsins. Hef ég starfað hér síðan
haustið 1988 og líkar bara vel. Endaer
starfið margbreytilegt og fólkið sem
kemur hér er bæði elskulegt og
skemmtilegt.
ÚR DAGBÓKINNI
Idagerfimmtudagurinn 19.janúar.
Ekki er hægt að segja að veðurguðimir
séu okkur mannskepnunum hliðhollir í
dag. Úti er strekkingur og annað slagið
hríðarmugga.
Um leið og ég mætti kl 13, opnaði
húsið, kveikti ljósin, tók símsvarann úr
sambandi, hófst dagurinn á Geðhjálp.
Símtölin yfir daginn eru býsna
mörg. Fólk hringir og leit ar aðstoðar og
upplýsinga um margs konar mál er
varða geðræn og félagsleg vandamál,
Kona hringir fyrir systur sína og biður
um upplýsingar um sjálfshjálparhópa
og samtalið endar á að ég innrita þær
systur báðar í einn slíkan hóp.
Ungur maður hringir og biður um
síðasta tölublað Geðhjálpar, því hann
hafi áhuga á grein um misþroska börn
sem sé í blaðinu og hvort ég viti hvar sé
að finna lesefni um sama efni.
Mörg af símtölunum í dag fjölluðu
um minniháttar vandamál sem leysa
mátti á meðan samtalið smö yfir.
A skrifstofunakemurfólkmeð marg-
vísleg erindi. Allt frá því að leita upp-
lýsinga um hvar sé að finna félagsskap
við hæfi eldri konu og til að biðja um
aðstoð við útfyllingu umsóknar um
húsnæði, til þess að ræða, hvort ástæða
sé að leita aðstoðar vegna geðrænna
vandamála og hvar hana sé að finna.
Það er hlýtt og notalegt í fé-
lagsmiðstöðinni okkar í Geðhjálp í dag
á meðan vindurinn og snjókoman leika
Sigrún Bára Friðfinnsdóttir
sér fyrir utan gluggann.
Fólk kemur og fer. Kemur hingað,
hvílir lúin bein, fær sér kaffisopa,
spjallar við aðra, leysir jafnvel hluta af
lífsgátunni og fer svo. Þannig að hópur-
inn er breytilegur.
Einn af félagsmönnum kemur fær-
andihendimeðkökurmeðkaffinu.við-
stöddum til almennrar ánægju.
Svona líður dagurinn hjá okkur á
Geðhjálp, þar sem leitast er við að sinna
sem flestum sem þangað leita í þeirri
von að einhverjum verði liðsstyrkur-
inn að góðu.
Hið notalega andrúmsloft innan-
dyra stafar fyrst og fremst af því að hér
reyna allir að styðja hvem annan, upp-
örva og hvetja til frekari dáða og betra
lífs.
Um leið og ég er að taka saman og
hyggja til heimferðar, hringir sonur
minn og bendir mér á að ég eigi við
vandamál að etja sem sé mjólkur-
skortur á heimili okkar og bendir mér
ljúflega á að ég þurfi að koma við í búð
á heimleiðinni.
I kvöld er svo opið hús í félags-
miðstöðinni og fyrirlestur á vegum
Geðhjálpar uppi á Landsspítala.
Með kveðju frá skrifstofu Geð-
hjálpar,
Sigrún Bára Friðfinnsdóttir.
Almennar upplýsingar um Geðhjálp
Geðhjálp er félag fólks með geðræn vandamál, aðstandenda þeirra, svo og
áhugafólks um geðheilbrigðismál.
Félagið rekur skrifstofu og félagsmiðstöð að Veltusundi 3b Reykjavík.
Skrifstofan er opin:
Mánudaga kl. 13.00-17.00.
Miðvikudaga kl. 13.00-17.00.
Fimmtudaga kl. 13.00-17.00.
Föstudaga kl. 13.00-17.00.
Skrifstofan sér um aðstoð og upplýsingar til þeirra sem þess óska og er öllum
velkomið að nýta sér þá þjónustu. Geðhjálp gefur út tímaritið GEÐHJÁLP,
kemur það út tvisvar á ári.
Fyrirlestrar eru haldnir einu sinni í mánuði yfir vetrartímann. Þessir fyrirlestrar
eru til vors nú:
30. mars Högni Óskarsson geðlæknir: Kynlífsvandamál og meðferð við þeim.
17. apríl Gunnar Gunnarsson sálfræðingur: Lífefli. Tengsl sálarog líkama. Leið
til sjálfþekkingar. Þeir eru öllum opnir. Félagsmiðstöðin er með opið hús
fimmtudaga kl. 20.00-22.30, laugardaga kl. 14.00-17.00.
Félagsmiðstöðin hefur sannað tilgang sinn. Eitt af meginmarkmiðum hennar er
að brjóta niður einangrun fólks með geðræn vandamál. Hún er öllum opin. Þama
kynnist fólk úr ýmsum áttum og á öllum aldri. Einangrun fólks minnkar og það
öðlast aukna ábyrgðartilfinningu. Á opnu húsi og í klúbbstarfinu hittist fólk,
rabbar saman, spilar á spil, hlustar á músík og margt fleira. Innan
félagsmiðstöðvarinnar eru nokkrir tómstundaklúbbar. Sjálfshjálparhópar hafa
verið í gangi og verða áfram sé áhugi fólks fyrir hendi.
Þessi félagsstarfsemi er bæði á daginn og á kvöldin.
FRÉTTABRÉF ÖRYRKJABANDALAGSINS
5