Fréttablaðið - 16.05.2020, Page 12

Innan við 150 hafa látist
í Eystrasaltslöndunum af
völdum COVID-19 til þessa.
Með stækkuninni er
hægt að koma fyrir 2,5
milljónum manna í mosk-
unni, miðað við tæplega 800
þúsund áður.

Landsvirkjun hefur um áratugaskeið
starfrækt sumarvinnuflokka ungs fólks.
Hóparnir sinna uppbyggingu og fegrun
starfsstöðva Landsvirkjunar og vinna
jafnframt að ýmsum samstarfsverkefnum
víða um land. Samvinna sumarvinnu-
flokka Landsvirkjunar og félagasamtaka,
sveitarfélaga og stofnana hefur skilað
sér í auknum umhverfisgæðum og betri
aðstöðu til útivistar og ferðamennsku.
Í boði er vinnuframlag sumarvinnu-
flokka og flokksstjórn yfir þeim. Verkefnin
lúta að ræktun, hreinsun, viðhaldi og
öðrum umhverfisbótum ásamt ýmsum
samfélagsverkefnum.
Óskað er eftir að samstarfsaðilar leggi fram
vel skilgreind verkefni. Umsóknarform
með nánari upplýsingum er að finna á vef
Landsvirkjunar, www.landsvirkjun.is.
Fyrirspurnir sendist á netfangið
lettverk@landsvirkjun.is.
Umsóknarfrestur er til og með
28. maí 2020. Umsóknarform er að finna
á landsvirkjun.is.
Landsvirkjun auglýsir eftir
samstarfsaðilum að verkefninu
Margar hendur vinna létt verk
sumarið 2020.
SÁDI-ARABÍA Þriðja stækkun Stór-
moskunnar í Mekka, hinni helgu
borg múslima, hefur hafist að nýju.
Fækkun pílagríma hefur valdið því
að framkvæmdir eru auðveldari
á svæðinu. Meðal þess sem gert
verður er að koma upp steinloftum,
steinbogum við garða og breyta
aðalhliðum moskunnar.
Stækkunin var ákveðin árið 2008
og er sú langstærsta í sögu mosk-
unnar. Um 300 þúsund fermetra
svæði norðvestan við moskuna var
þjóðnýtt og verður því heildarstærð
svæðisins tvöfaldað. Áætlaður
kostnaður við framkvæmdina var
10 billjónir Bandaríkjadala, eða um
1.500 milljarðar króna.
Stórmoskan er sú stærsta í ver-
öldinni og umkringir Kaaba, helg-
ustu byggingu múslima. Múslimar
verða að fara einu sinni á ævinni til
Mekka og ganga sjö hringi í kring-
um Kaaba, innan í Stórmoskunni.
Þetta hefur gert Mekka að einum
mesta ferðamannastað veraldar,
jafnvel þó aðeins múslimar megi
heimsækja hana.
Vegna fjölgunar mannkynsins
á 20. og 21. öldunum, úr 1,6 millj-
örðum árið 1900 í 7,8 árið 2020, er
Stórmoskan löngu sprungin. Áætla
Sádi-Arabar að 30 milljónir píla-
gríma muni heimsækja moskuna
árlega og eftir stækkunina geta 2,5
milljónir komið þar saman í einu,
miðað við tæplega 800 þúsund áður.
Moskan var upprunalega reist við
upphaf íslams á sjöttu öld, en hefur
tekið margvíslegum breytingum í
gegnum aldirnar. Fyrsta nútíma-
stækkunin var gerð milli 1955 og
1973 og önnur á milli 1982 og 1988.
Þriðja stækkunin var fyrirskipuð
af Abdullah konungi, sem lést árið
2015.
Þegar hefur ein ný álma verið
opnuð, Masaa. Auk þess að
stækka og lagfæra er einnig verið
að nútímavæða moskuna. Til að
mynda hafa 79 sjálfvirk hlið verið
sett upp, nýr spítali, rafmagnskerfi
og öryggisgæslan uppfærð. Það er
ekki að ósekju, því árið 1979 her-
tóku hryðjuverkamenn moskuna
og héldu þar gíslum í tvær vikur. Þá
er svæðið í kringum Kaaba, þar sem
hringganga pílagrímanna fer fram,
stækkað, til að koma fleirum fyrir.
Stækkun moskunnar hefur þó
ekki gengið áfallalaust fyrir sig.
Stærsta áfallið var þegar bygg-
ingarkrani féll á hliðina, kramdi
111 manns til dauða og særði tæp-
lega 400. Allir hinir látnu voru
útlendingar, f lestir frá Bangladess
og Egyptalandi. Framkvæmdir voru
stöðvaðar um tíma eftir slysið.
Framkvæmdir voru aftur stöðv-
aðar í byrjun mars vegna COVID-19
faraldursins. Þá voru einnig settar
miklar takmarkanir á pílagríma
en þeim fækkaði mjög mikið vegna
ferðatakmarkana víða um heim.
Fækkun pílagríma olli því þó að
mun auðveldara var að vinna að
framkvæmdum við moskuna og því
var ákveðið að byrja á nýjan leik. Þá
hafa einnig verið sett upp sérstök
sótthreinsunarhlið sem allir verða
að ganga í gegnum.
Upprunalega átti að ljúka við
þriðju stækkunina árið 2019 en því
var frestað til ársins 2020. Ekki er
vitað hversu mikil áhrif lokunin
hefur haft, en framkvæmdaleyfis-
hafinn, Saudi Binladin Group, hefur
ekki gefið út breytingu á því.
kristinnhaukur@frettabladid.is
Nýta fámenni til að stækka moskuna
Framkvæmdir eru hafnar við Stórmoskuna í Mekka á nýjan leik og ekki hefur enn verið hvikað frá því að klára verkið á þessu ári.
Stækkunin kostar jafnvirði fimmtán hundruð milljarða króna og þrjú hundruð þúsund fermetrar af landi hafa verið þjóðnýttir.
Stórmoskan í Mekka er sú stærsta í veröldinni en er þó löngu sprungin vegna ört vaxandi aðsóknar. MYND/GETTY
EVRÓPA Í morgun opnuðu Eistland,
Lettland og Litháen landamæri sín
á milli. Þetta er fyrsta afmarkaða
ferðasvæðið sem sett hefur verið á
í Evrópu, síðan þjóðir hófu að loka
landamærum sínum vegna kóróna-
veirunnar.
Samkvæmt nýju reglunum mega
þeir sem ekki hafa ferðast utan
Eystrasaltsríkjanna undanfarnar
tvær vikur, ferðast frjálst á milli
landanna þriggja, að því gefnu að
þeir hafi ekki greinst með smit eða
verið í návígi við smitaðan einstak-
ling. Aðrir þurfa að sæta tveggja
vikna sóttkví við komu til land-
anna.
Einnig hefur verið leitað til Finn-
lands og Póllands um aðild að ferða-
svæðinu.
„Eystrasalts-ferðasvæðið gefur
fyrirtækjum tækifæri til opna á
nýjan leik og fólki vonarglætu um
að lífið sé að komast aftur í eðli-
legt horf,“ sagði Saulius Skvernelis,
forsætisráðherra Litháens, í yfir-
lýsingu.
Eystrasaltslöndin hafa sloppið
betur frá faraldrinum en mörg
önnur lönd Evrópu. Færri en 150
hafa dáið af völdum kórónaveir-
unnar í löndunum þremur miðað
við tölur John Hopkins-háskóla.
Hafa þau nú þegar slakað á aðgerð-
um vegna faraldursins. – atv
Eystrasaltslöndin opna
afmarkað ferðasvæði
Rúmlega fimmtán hundruð hafa greinst með COVID-19 í Litháen. MYND/EPA
1 6 . M A Í 2 0 2 0 L A U G A R D A G U R12 F R É T T I R ∙ F R É T T A B L A Ð I Ð