Tímarit Öryrkjabandalags Íslands - 01.09.2002, Qupperneq 18

Útivist
að vinna hjá fyrirtæki í Skeifunni
3, pakka vörum og sendast fyrir
þá. Ég vinn líka hjá Styrktarfélagi
vangefinna. Þar hita ég kaffi handa
starfsfólkinu, fer í póst, banka og
fleira.
Hver er nú lengsta sendiferðin
sem þú hefur farið?
Ég hef farið út á
Reykjavíkurflugvöll með stóran
pakka. Þegar ég fer í sendiferðir
fer ég með ávísun eða peninga og
tek nótu. Fólk hringir bara í mig
og spyr hvort ég sé laus og ég
mæti svo á staðinn og fer í
sendiferðina.
Stefán segist ekki fara í mjög
langar sendiferðir. Rafmagnið
dugi heldur stutt. Mér lék forvitni
á að vita hvort hann væri alveg
hættur að hjóla á venjulegu
reiðhjóli.
Ég á tvö hjól. Ég hef annað í
vinnuna og nota hitt á sunnu-
dögum. Það er þriggja gíra
reiðhjól. Þá fer ég stundum út á
Nes að hitta Unni og Palla en þau
eru góðir vinir mínir. Unnur
hjálpar mér með leiði móður
minnar og ég fæ oft eitthvað gott
með kaffínu hjá þeim. Þau eru
mjög góðar manneskjur.
Frægasti maðurinn í Reykjavík.
Hvemig finnst þér að hjóla á
hjólreiðastígunum sem lagðir hafa
verið?
- Mér finnst það ekki nógu gott.
Það er svo mikið af flöskubrotum
á göngustígunum að það er hættu-
legt. Það er líka mikill sóðaskapur
á götunum í Reykjavík. Fólk
hendir sígarettustubbum út úr
bílunum og það er allt útvaðandi í
sóðaskap.
Hjólarðu frekar á gangstéttum
en á götunum?
- Nei, ég hjóla á götunum. Ég
reyni að halda mig úti í kantinum.
Bílstjórar taka tillit til mín því að
ég er frægasti maðurinn í borginni.
Það hefur aðeins einu sinni verið
keyrt á mig. Það var stelpa sem var
að læra á bíl. Ég meiddi mig örlítið
í fætinum. Ég fór upp á Borgar-
spítala og hún borgaði allan
skaðann. Ég var orðinn góður
daginn eftir. Ég fór á Örkina með
konunni og þar batnaði mér alveg.
Já, hver er konan þín?
- Hún heitir Aldís Agústsdóttir.
Við búum á Kirkjusandi 1 í ágætri
íbúð sem Hússjóður Öryrkja-
bandalagsins á. Við höfum verið
gift í 9 ár en vorum trúlofuð áður í
mörg ár. Konan mín vinnur í
Iðjubergi og er mjög dugleg. Við
lifum hamingjusömu lífí. Það eru
ýmsir sem hjálpa okkur. Ég á til
dæmis mjög góða svilkonu sem
heitir Asgerður Ingimarsdóttir.
Hún hjálpar okkur heilmikið. Svo
er mjög góð þjónusta hjá
Styrktarfélagi vangefínna. Við
fáum fólk til okkar sem aðstoðar
okkur við heimilisstörfin.
Það er greinilegt, Stefán að þú
hefur meira en nóg að gera.
- Já. Ég vaska upp á morgnana
hjá styrktarfélaginu og sendist
fyrir þá. Við Tómas Sturlaugsson
unnum mikið saman og fórum í
bíltúra saman. Ég sakna hans
mikið. En nú er Þóra komin og
hún er stórgóð. Ég hef þekkt hana
lengi og manninn hennar. En svo
vinn ég líka hjá Þroskahjálp, vaska
upp og fer í sendiferðir fyrir
Amheiði. við Friðrik vinnum líka
saman, fömm í bíltúra og fleira.
Ég er líka á námskeiðum á
kvöldin. í vetur hef ég verið á
tölvunámskeiði að læra alls konar
leiki og að teikna myndir. Það er
ótrúlega skemmtilegt.
Fólk á að velja heiðarlega
sendla
Nú vilja vafalítið margir notfæra
sér þjónustuna hjá þér. Hvert geta
þeir hringt?
- Það er mjög mikilvægt að fólk
átti sig á því að það borgar sig að
skipta við heiðarlegan sendil og
mann sem kann að vinna. Ég er
mjög heiðarlegur og fólk getur
treyst því að ég geri það vel sem
ég tek að mér. Sendiferðin kostar
1500 kr hjá mér og þá skiptir engu
máli hvað hún er löng eða hvort ég
þurfi að bíða í biðröð. Þetta er
ódýr og góð þjónusta. Ég er með
gemsanúmer 897-4952. Ég er
stundum á fúndum og þá svarar
símsvari og ég hringi síðan til
baka. Stefán er núna á Nýju sendi-
bílastöðinni og hefur númerið 201
A.H.
Hlerað í hornum
Eiginmaðurinn var ekki alltof
hrifinn af sönglist eigin-
konunnar og var því undrandi
þegar vinur hans, mikill
tónlistarunnandi, sagði eigin-
konuna syngja eins og fugl.
Hann spurði þann tónelska
hvaða söngfugli hún líktist og
hinn svaraði: „Hún syngur
eins og gömul kráka”.
Fimm íslendingar voru á ferð
á Ítalíu og óku á Quadro bíl,
þegar lögregluþjónn stöðvaði
þá og sagði að þeir væru of
margir í bílnum. íslendingarnir
sögðust hafa vottorð upp á
það að bíllinn væri fyrir fimm.
Lögregluþjónninn sagði að sig
varðaði ekkert um það, því
quadro þýddi fjóra. Þá spurðu
íslendingarnir að því hvort þeir
gætu ekki fengið að tala við
einhvern gáfaðri lögregluþjón,
en þá svaraði lögreglu-
þjónninn:
„Hann er upptekinn, hann er
að tala við tvo Þjóðverja sem
eru á Uno”.
18
www.obi.is