Fréttablaðið - 27.05.2020, Blaðsíða 16

Fólk er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Hjördís Erna
Þorgeirsdóttir | hjordiserna@frettabladid.is s. 550 5767 | Oddur Freyr Þorsteinsson, oddurfreyr@
frettabladid.is s. 550 57686 | Sandra Guðrún Guðmundsdóttir, sandragudrun@frettabladid.is, s.
550 5762 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jóhanna Helga
Viðarsdóttir
Sölumenn: Arnar Magnússon, arnarm@frettabladid.is, s. 550 5652, Atli Bergmann, atli@frettabladid.is, s. 550 5657,
Jón Ívar Vilhelmsson, jonivar@frettabladid.is, s. 550 5654, Jóhann Waage, johannwaage@frettabladid.is, s. 550 5656,
Ruth Bergsdóttir, ruth@frettabladid.is, s. 694 4103,
Auður, sem er fædd og upp­alin í Hveragerði, hefur verið búsett á Selfossi um árabil.
Hún er menntuð bæði sem garð­
yrkjufræðingur og smiður, eins og
glöggt má sjá á heimili hennar og
litskrúðugum garði.
Ólst upp í Frumskógum
Það virðist sem Auður hafi verið
umvafin gróðri alla sína ævi. „Ég
ólst upp í garðyrkjubænum Hvera­
gerði í Frumskógum 3, götunni þar
sem skáldin bjuggu. Mitt fyrsta
starf, er ég var tólf ára, var umsjón
með tómataræktun hálfan daginn.
Ég vann 13 til 15 ára í garðyrkju­
stöð í heimabænum sem fram­
leiddi afskorin blóm og potta­
plöntur. Með þeirri vinnu vann
ég um helgar í Gróðrarstöðinni
Grímsstöðum þar sem ég seldi
garðplöntur og sumarið þegar ég
var 16 ára. Ég fór svo í lýðháskóla
til Noregs sautjánda aldursárið og
spriklaði þar á íþróttabraut heilan
vetur og varð stælt fyrir lífstíð,“
segir Auður létt í bragði.
Handlagni Auðar virðist ekki
eiga sér nein takmörk en auk
garðyrkjunnar hefur hún einnig
lagt stund á og starfað við smíðar.
„Áður en ég fór í Garðyrkjuskólann
fyrir 30 árum hafði ég lært smíðar
og vann við fagið þar til ég rataði
í garðyrkjuna aftur. Ég var nemi í
skipasmíði í Iðnskólanum á Akur­
eyri og á námssamningi í Slipp­
stöðinni í tvö ár.“
Hún býr yfir víðtækri náms­ og
starfsreynslu. „Ég flutti að norðan
til Reykjavíkur 1980 og kláraði
bóklegt og verklegan tíma í hús­
gagna­ og húsasmíði og útskrifað­
ist með sveinspróf í húsgagnasmíði
1984 í Iðnskólanum í Reykjavík.
Ég flutti síðan á æskustöðvarnar
þegar sonur minn var sex ára og
vann þá aftur á gamla góða vinnu­
staðnum – Grímsstöðum – hjá
honum Hallgrími mínum Egils­
syni,“ skýrir Auður frá.
„Ég fór svo í Garðyrkjuskólann
frá 1988 til 1990 og vann eftir
skólann í gróðurrækt í Hveragerði
og síðar í ræktun skógarplantna
hjá Skógræktarfélagi Reykjavíkur
og varð ræktunarstjóri hjá Rann­
sóknarstöð Skógræktarinnar á
Mógilsá þar til ég sneri mér alfarið
að útgáfunni,“ segir Auður, en hún
hefur um árabil ritstýrt tímaritinu
Sumarhúsið og garðurinn.
Afkastamikið tvíeyki
„Sagan á bak við tímaritið og
garðinn hófst þegar Skaftfellingur­
inn Páll Jökull Pétursson keypti
Sumarhúsið, dreifiblað til sumar­
húsaeigenda árið 1992, við annan
mann.“ Örlögin tóku í taumana.
„Ég kynntist Páli, sem bjó þá í Vík
í Mýrdal, 1994 og giftist karlinum
1998.“
Hjónin sátu ekki auðum
höndum. „Blaðið varð að áskrifta­
riti árið 2000 en þá tók ég við
ritstjórn þess. Við gáfum út
metnaðarfullt garðyrkjurit, Við
ræktum, samhliða útgáfu Sumar­
hússins, í þrjú ár, frá 1997 til 1999,
og sameinuðum það Sumarhúsinu
2002 og þaðan kemur garðanafnið.
Árin 1997 til 2000 gáfum við út tvö
tölublöð á ári en þau hafa yfir­
leitt verið fimm á ári. Ég skrifaði
mína fyrstu grein í Sumarhúsið
og garðinn 1997 og varð ritstjóri
blaðsins 2000.“
Tímaritsútgáfan hefur þó ekki
alltaf verið dans á rósum. „2008
vorum við með átta tölublöð, stór­
tæk í sýningarhaldi og með fjóra
menn í vinnu. Svo kom skellurinn
og við komumst smátt og smátt
með blaðið upp úr lægðinni eftir
2008­kreppuna. Tölublöðin hafa
verið fimm síðan 2012 en í ár eru
þau fjögur og blaðið er 100 síður.“
Efnistök eru af ýmsum toga.
„Efni blaðsins er fjölbreytt og
spannar allt sem viðkemur nátt­
úrunni, sumarhúsalífinu og
garðrækt. Við Páll Jökull höfum
komist upp með það að gefa út 107
tölublöð af Sumarhúsinu og garð­
inum á 26 árum og 11 garðyrkju­
bækur, auk þess að hafa haldið
stórsýningar í sjö ár, sú síðasta var
í Fífunni 2008.“
Fjörugar framkvæmdir
Þegar þau fluttu fyrir níu árum
síðan var Auður þegar byrjuð að
leiða hugann að framkvæmdum
áður en flutningar hófust. „Við
fluttum á Selfoss 2011 og tókum
við illa förnu funkis­húsi og garði
sem var í órækt. Ég var búin að
rissa upp hugmynd að garðinum
áður en við fengum lyklana að
húsinu afhenta. Fyrsta verk okkar
eftir að við fengum lyklana var að
gróðursetja kirsuberjatréð okkar.“
Auður segir múrun ekki ósvip­
aða bakstri. „Smiðsmenntunin
kom sér vel er kom að því að endur­
smíða innandyra og í bílskúr þar
sem ég smíðaði lagerherbergi fyrir
útgáfuna. Allar lagnir í húsinu voru
ónýtar og gluggar og sprungur í
múrverkinu. Við fengum pípara og
rafvirkja til liðs við okkur en ég sá
um allt múrverkið og komst að því
að ef maður er lunkinn í að hræra í
köku í höndunum og smyrja kremi
á tertu þá er maður líka góður
múrari,“ segir Auður glettin.
„Garðurinn er enn í mótun
en hann er í senn sýningar­ og
kennslugarður fyrir námskeiðin
sem ég held í garðyrkju þar sem
jafnframt er aðstaða til að gera til­
raunir með mismunandi tegundir
og ræktunaraðferðir. Í bakgarð­
inum eru tvö gróðurhús, annað
er upphitað þar sem ég forrækta
og er með ylrækt á sumrin. Í hinu
eru berjarunnar og ávaxtatré og
aðstaða fyrir nemendur að athafna
sig í verklega hluta námskeiðanna.“
Græn í gegn
Ljóst er að garðyrkjan á allan hug
og hjarta Auðar. „Ég er held ég
barasta græn í gegn, lífið mitt snýst
um garðyrkju, bæði er hún vinnan
mín og áhugamál. Ég er stöðugt
að prófa eitthvað nýtt í garðinum,
sem oftar en ekki ratar í blöðin
okkar. Síðustu ár er ég markvisst
að brjóta reglur, gera öðruvísi en
ég lærði, vera smá óþekk. Ég hef
komist að því að það er ekkert
sjálfgefið í dag, stöðugt verið að
afsanna það sem maður hélt að
væri heilagur sannleikur. Ég verð
vistvænni með hverju árinu og
náttúrunnar vegna aðhyllist ég
lífræna ræktun.“
Áhugasamir hafa tök á að njóta
snilli Auðar á komandi mánuðum.
„Í sumar verð ég að vinna að verk­
efni sem ég kalla „Kíktu í skúrinn
til Auðar“. Ég stefni á að bjóða upp
á verkleg námskeið í bílskúrnum
sem ég er að rífa núna og endur­
smíða, námskeið í garðyrkju, smíði
garðhúsgagna og er fram í sækir
steypuverka. Svo vil ég geta farið
að taka á móti gestum í garðinn.“
Hjördís Erna
Þorgeirsdóttir
hjordiserna@frettabladid.is
Auður ræktar garðinn sinn af mikilli alúð og eins og sjá má iðar hann af lífi. MYND/PÁLL JÖKULL PÉTURSSON
Garðurinn hennar Auðar er ævintýralegur að sjá.
Hér gefur að líta smiðinn Auði að hræra í steypu. MYND/PÁLL JÖKULL PÉTURSSON
Auður veifar hér fána með loðna og
smávaxna hjálparhellu sér við hlið.
Framhald af forsíðu ➛
MÚR- OG STEYPUVIÐGERÐIR
Hafðu samband
info@husavidgerdir.is
Sími 565-7070
Finndu okkur á
ALHLIÐA MÚRVERK
ÞAKVIÐGERÐIR
GLUGGASKIPTI
2 KYNNINGARBLAÐ FÓLK 2 7 . M A Í 2 0 2 0 M I ÐV I KU DAG U R