Fréttablaðið - 27.05.2020, Blaðsíða 10

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jóhanna Helga Viðarsdóttir RITSTJÓRI: Jón Þórisson jon@frettabladid.is, FRÉTTASTJÓRAR: Ari Brynjólfsson arib@frettabladid.is,
Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is FRÉTTABLAÐIÐ.IS: Kristjón Kormákur Guðjónsson kristjon@frettabladid.is.
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is

Allir vita að
það á aldrei
að láta
alvarlegar
krísur fara til
spillis.

Þúsundir
finna sig nú í
óvæntri stöðu
og hugsa
eflaust hvað
sé best til
bragðs að
taka.
ALLT
fyrir listamanninn
Smáratorgi 1, 201 Kópavogi, sími 588 6090, vl@verkfaeralagerinn.is
Mán.-fim. kl. 9-18, fös. kl. 9-18:30, lau. kl. 10-18, sun. kl. 12-17
Verkfæralagerinn
Erfiðum aðstæðum fylgja oft ný og óvænt tæki-færi. Þetta höfum við í Háskóla Íslands haft í huga undanfarnar vikur eftir að við svöruðum
metnaðarfullu kalli Lilju Alfreðsdóttur mennta- og
menningarmálaráðherra um að stórauka framboð á
sumarnámi í kjölfar þeirra efnahagslegu áfalla sem
við glímum nú við.
Þúsundir finna sig nú í óvæntri stöðu og hugsa
eflaust hvað sé best til bragðs að taka. Margir sjá
mögulega tækifæri í háskólanámi. Hvort sem það
er að klára það sem út af stendur í háskólanáminu,
búa sig undir háskólanám, bæta við sig menntun eða
færni, eða jafnvel að fara að læra eitthvað alveg nýtt.
Tækifærin eru svo sannarlega til staðar og þess vegna
höfum við lagt nótt við dag undanfarnar vikur við
að undirbúa fjölbreytt og spennandi námsframboð
í sumarskóla Háskóla Íslands þar sem flestir geta
fundið eitthvað við sitt hæfi.
Yfir þúsund manns hafa nú þegar gripið tæki-
færið sem skapaðist með nýju sumarnámi í Háskóla
Íslands og lítur út fyrir að yfir 100 námskeið verði
haldin í sumar á vegum skólans. Námskeiðin eru af
ýmsum toga og af öllum fræðasviðum skólans, s.s. í
viðskiptafræði, tölvunarfræði, kennslufræði, nær-
ingarfræði, tungumálum, líffærafræði o.fl. Einnig
eru í boði námskeið sem tengjast beint núverandi
aðstæðum og má þar nefna námskeið um tölfræði,
vísindi og COVID-19 og námskeið um heilsu á tímum
COVID-19.
Í sumarskólanum er boðið upp á um eitt hundrað
einingabær háskólanámskeið, auk undirbúnings-
námskeiða HÍ, Endurmenntunar HÍ, Tæknifræði-
seturs HÍ og Háskólabrúar Keilis. Skráning mun
almennt standa yfir til 2. júní en umsóknarfrestur í
einstök námskeið er þó lengri. Allar upplýsingar um
sumarskólann má finna á hi.is/sumarnam.
Ég er þess handviss að skráning í sumarskóla
Háskóla Íslands muni reynast gæfuspor fyrir marga
og sýna aftur að í kjölfar óvissu komi tækifæri sem
vel eru þess virði að grípa.
Gríptu tækifærið í sumar
Jón Atli
Benediktsson
rektor Háskóla
Íslands
Sameiningarafl
Margir telja að hlutverk forseta
Íslands sé að vera sameiningaraf l,
sem Guðmundur Franklín Jóns-
son geti ekki verið vegna skoðana
sinna. Það er alrangt. Guðmundi
hefur nefnilega tekist að sameina
tvær fylkingar sem hart hafa
barist um sama fylgið undanfarin
ár, Íslensku þjóðfylkinguna og
Frelsisf lokkinn. Hægri grænir,
f lokkur Guðmundar, rann á
sínum tíma inn í Þjóðfylkinguna
en Frelsisf lokkurinn klofnaði úr
henni eftir hatrömm átök. Í kosn-
ingunum 2018 kepptust þeir um
að vera sem mest á móti hælisleit-
endum og moskubyggingum. Nú
keppast formennirnir um hylli
Guðmundar og annar þeirra er
virkur í framboðinu. Með þessari
sameiningu hefur Guðmundur
tryggt sér að minnsta kosti 267
atkvæði í Reykjavík.
Rútuáklæðið
Rútuáklæði var mörgum efst í
huga þegar litið var á nýja lands-
liðsbúninginn í fótbolta sem var
„óvart lekið“ á netið í gær. Á fólki
að vera talin trú um að hinn ísra-
elselskandi þýski risi hafi fyrir
slysni birt mynd af búningnum á
samfélagsmiðlum. Um er að ræða
þekkta takta úr treyjuheiminum,
að leka mynstrum til að skanna
viðbrögð tístverja og geta þá gert
smá breytingar. Miðað við við-
brögðin má ætla að landvættirnir
stílíseruðu verði óbreyttir og
mögulega áklæðið frá Guðmundi
Tyrfingssyni líka.
kristinnhaukur@frettabladid.is
2 7 . M A Í 2 0 2 0 M I Ð V I K U D A G U R10 S K O Ð U N ∙ F R É T T A B L A Ð I Ð
SKOÐUN
Aðalheiður
Ámundadóttir
adalheidur @frettabladid.is
Seint á föstudaginn birti Vinnumálastofnun lista yfir fyrirtæki sem nýtt hafa hlutabóta-leiðina. Það var blíða í borginni og helgarspáin glimrandi góð. Pólitískir refir kalla þetta að „fara út með ruslið“, eins og frægt varð í banda-rísku sjónvarpsþáttaröðinni West Wing.
Hlutabótaleiðin flaug á ofsahraða gegnum þingið fyrr
í vor, í viðleitni til að draga úr fyrirsjáanlegum fjölda
hópuppsagna. Þingmenn stóðu ekki aðeins frammi fyrir
kröfu um flýtimeðferð, heldur hafði stjórnarandstaðan
þá þegar verið vængstýfð með fjöldatakmörkunum í
þingsal, undir yfirskini sóttvarna.
Blessunarlega sá einhver fyrir að hlutabótaleiðin væri
vel fallin til sviksemi og var ákvæði bætt inn í lögin á
lokametrunum um heimildir Vinnumálastofnunar til
samtímaeftirlits um raunverulega þörf fyrir aðstoð. Þess
reyndist þó ekki þurfa. „Þetta verður skoðað í haust,“
sagði forstjóri stofnunarinnar í viðtali á RÚV. Ekki hafði
unnist tími til að óska skýringa á þörfum stórs hluta
fyrirtækja landsins fyrir neyðaraðstoð heldur var þeim
sjálfum treyst til þess að leggja mat á eigin vanda. Mörg
þeirra eflaust í svipaðri stöðu og Hallgrímskirkja, sem
virðist ramba á barmi gjaldþrots eftir messufall fjóra
sunnudaga í röð.
Stjórnin hafnaði hugmyndum stjórnarandstöðunnar
um takmarkanir á aðstoð til fyrirtækja sem greiða út
arð til eigenda. Helstu gróðafyrirtæki landsins biðu ekki
boðanna og skelltu sér í áskrift að ríkisaðstoð. Nokkur
þeirra bökkuðu þó út eftir óþægilega umfjöllun í fjöl-
miðlum, sem sjá um eina rauntímaeftirlitið með hluta-
bótaleiðinni, eftir að heimildir Vinnumálastofnunar
reyndust stofnuninni ofviða. Því veldur þjónusta Vinnu-
málastofnunar við fjölmiðla sérstökum vonbrigðum.
Þótt eðlilegt sé að staldra við áður en viðkvæmar
upplýsingar eru birtar, hefur íslenskum stjórnvöldum
ítrekað verið bent á að almenn tregða til að veita upp-
lýsingar vekur tortryggni fjölmiðla og hamlar þeim frá
því að sinna sínu mikilvægasta hlutverki.
Í stað þess að slá á tortryggni og sinna sjálfsögðum
skyldum sínum, kaus stofnunin að birta margumbeðnar
upplýsingar síðdegis á sólríkum föstudegi, nægilega
seint til að fréttastofur ljósvakamiðlanna næðu ekki að
vinna frétt fyrir kvöldfréttatíma og án þess að senda
út tilkynningu eða gera fjölmiðlum með öðrum hætti
viðvart um birtinguna. Fámennar kvöldvaktir vefmiðl-
anna birtu fyrstu fréttir um efnið, á meðan landsmenn
grilluðu út í garði í fegurstu kvöldsól sem skinið hefur
á borgarbúa þetta vorið. Vinnumálastofnun fór út með
ruslið.
Allir vita að það á aldrei að láta alvarlegar krísur fara
til spillis. Siðað fólk nýtir þær til jákvæðra breytinga og
framfara, en þeir siðlausu sjá tækifæri í gallaðri laga-
setningu og veikari eftirlitskerfum; tækifæri til að stúta
samkeppnisaðilanum, sjúga fé úr opinberum neyðar-
sjóðum, þrýsta niður launum og níðast á réttindum
láglaunafólks.
Af þessum ástæðum gegna fjölmiðlar venju fremur
mikilvægu hlutverki í krísum. Stjórnvöld ættu ekki að
bregða fyrir þá fæti heldur sýna þeim virðingu og skilja
mikilvægt hlutverk þeirra.
Út með ruslið