Dagblaðið Vísir - DV - 01.05.2020, Blaðsíða 8

1. MAÍ 2020 DV8 FRÉTTIR
M ikla athygli hefur vakið að þjóðkirkjan hefur nýverið lagt
metnað í að auglýsa þjónustu
sína með ýmsum hætti, svo
sem með bolasendingum til
barna og auglýsingu í Morgun­
blaðinu. Ekki er þó um aukin
peningaútlát að ræða heldur
nútímalegri nálgun á kostnað
bæklinga.
„Kirkjan er á ákveðnum
tímamótum gagnvart þjóðinni
núna. Við erum að skoða leiðir
til að mæta þjóðinni á ólíkan
hátt og það gefur augaleið
að sumar leiðir munu virka,
aðrar ekki,“ segir Pétur G.
Markan, samskiptastjóri Bisk­
upsstofu.
Bolagjafir Biskupsstofu
til verðandi fermingarbarna
vöktu töluverða athygli í sein­
ustu viku og svo virðist sem
sitt sýnist hverjum. Þá vakti
það ekki síður athygli þegar
þjóðkirkjan keypti fjögurra
blaðsíðna auglýsingakápu
í Morgunblaðinu á sumar­
daginn fyrsta þar sem lands­
mönnum var óskað gleðilegs
sumars.
Gagnrýnisraddir hafa bent á
að verið sé að eyða almannafé
í ímyndarherferð á sama tíma
og skráningum í þjóðkirkjuna
fer hríðfækkandi. Slík kápu­
auglýsing í Morgunblaðinu
kostar að jafnaði 1,5 millj­
ónir, samkvæmt heimildum
DV, en verðið fer þó oft eftir
viðskiptavild þess sem kaupir.
Pétur segist bundinn trúnaði
hvað varðar kostnað við aug­
lýsinguna í Morgunblaðinu. Þá
segist hann ekki vita nákvæm­
lega hversu mikill kostnaður
hafi fylgt framleiðslu og dreif­
ingu á bolunum.
Ekki meiru eytt í
markaðsmál en áður
Sigurbjörg Níelsdóttir Han­
sen, fjármálastjóri kirkjunn­
ar, segist heldur ekki geta
svarað um kostnaðinn við aug­
lýsingarnar. „Ég hef því miður
ekki fengið alla reikninga
varðandi bolina svo ég get
ekki gefið þér upplýsingar um
heildarkostnað vegna þeirra.“
Aðspurð hvaða fjárhæð sé
áætluð í markaðsmál á árinu
svarar hún: „Hvað varðar
fjárhags áætlun fyrir árið 2020
er ekki búið að leggja áætl­
unina fyrir Kirkjuþing sem
átti að vera haldið í mars en
þurfti að fresta vegna Covid,
fjárhagsáætlunin hefur því
ekki fengið umfjöllun og ekki
verið samþykkt af þinginu. Ég
tel ekki rétt að gefa upp ein­
staka liði fyrr en búið er að
EKKI FÆST UPPGEFIÐ HVE MIKLU
KIRKJAN EYÐIR Í AUGLÝSINGAR
Auður Ösp
Guðmundsdóttir
audur@dv.is
Bolaútspil þjóðkirkjunnar vakti mikla athygli, en öll börn á fermingaraldri fengu sendan bol fyrir skemmstu. MYND/AÐSEND
Þó svo veiru­
innrás hafi sett
fermingar vorsins
í kransaköku þá
sjáum við glitta í
fermingarlandið.
Ekki fæst
uppgefið hvað
þjóðkirkjan
eyðir miklu í
auglýsingar en
rauntölur um
peningaútlát
munu brátt
tikka á
kirkjan.is.