Dagblaðið Vísir - DV - 01.05.2020, Blaðsíða 37

DV 24. APRÍL 2020
S ólveig Anna Jónsdóttir, formaður Efling-ar og aðgerðasinni, er fædd í Tvíbura-merkinu. Lúna Fírenza, spákona og tarot-
meistari DV, lagði spilin fyrir hana.
Manni leiðist sjaldan í kringum fólk sem fætt er í
Tvíburamerkinu. Þu eru opin, gáfuð, forvitin og með
fjölbreyttan karakter. Þau eiga mjög auðvelt með að­
lagast aðstæðum en helsti ókostur þeirra er að þau
eiga það til að vera hvatvís og óákveðin.
Tía í mynt
Lykilorð: Fjárhagslegt öryggi, fjölskylda, langtíma­
árangur, framlag
Fyrsta spil þitt er mikið happaspil. Táknrænt fyrir að
uppskera eftir langa og erfiða vinnu. Spilið stendur
helst fyrir fjárhagslegt öryggi. Leiðin hingað hefur
verið löng og ströng og því er það mikill léttir að þetta
spil birtist þér. Markmið þín hafa tekið langan tíma að
verða að veruleika en nú sérðu loks hreyfingu sem
mun tyggja öryggi hjá mörgum fjölskyldum.
Stafadrottning
Lykilorð: Hugrekki, sjálfstraust, sjálfstæði, ákveðni
Þetta spil helst vel í hendur við fyrsta spilið þitt og
staðfestir þessa uppskeru sem komin er á kortin. Oft
þarf hugrekki til þess að taka erfiðar ákvarðanir og
það er einmitt það sem þú þarft að gera til þess að ná
þínu fram. Spilið hvetur þig til þess að fara meira inn
í auðmýktina. Oft er maður fastur í ákveðnum ham
þegar maður hefur staðið lengi í barningi. En nú mátt
þú leggja spjótin til hliðar, sigurinn er þinn, nú taka
við friðsælli samningaviðræður.
Stafaás
Lykilorð: Innblástur, ný tækifæri, vöxtur, möguleikar
Þetta er nú meiri jákvæðniþrennan hjá þér, það er allt
á uppleið! Ferskur blær umlykur þig og með honum
koma nýja hugmyndir, innblástur og tækifæri. Virki-
lega góður tími til þess að setja sér ný markmið!
Skilaboð frá
spákonunni
Til hamingju með þessa gleðispá, það er allt að
gerast hjá þér. Ég mæli með að þú farir að halda
dagbók það er bæði róandi og hjálpar til við að
halda utan um ný markmið.
STJÖRNU SPÁLESIÐ Í TAROT Sólveig Anna Jónsdóttir
Svona eiga þau saman
Hrútur
21.03. – 19.04.
Þetta er einstaklega hressandi
vika fyrir Hrútinn. Það þarf ekki
mikið meira en smá sól og búbbl ur
í glas til þess að gleðja þig og allt
þetta vonleysi frá síðustu viku
gufar upp! Með þessari nýfundnu
gleðiorku ertu farin/n að huga
að fjárfestingartækifærum. Nú
er góður tími til að kanna það
frekar…
Naut
20.04. – 20.05.
Hrikalega ertu orðheppin/n þessa
dagana! Þú ert virkilega ánægð/ur
með þinn eigin félagsskap sem er
fínt þar sem við erum á lokaspretti
einverunnar. Þú hugsar jafnvel:
„Ég ætti að skrifa bók eða byrja
með podkast? Hrikalega er ég
skemmtileg/ur!“ Njóttu þín í þessu
augnabliki. Sjálfsást er góð!
Tvíburar
21.05. – 21.06.
Má ég giftast vinnunni minni?
Hvað ert þú að gera? Á ég að
hjálpa þér með það? Tvíburanum
leiðist þessa vikuna og finnur fyrir
smá eirðarleysi sem gæti orðið að
einhverju skemmtilegu ævintýri
því hann ætlar að finna sér eitt-
hvað að gera… Hvað sem það nú
verður.
Krabbi
22.06. – 22.07.
Krabbinn er farinn að hafa það
ooof notalegt. Hann er farinn að
venjast jogginggallanum og spyr
sig hvort hann þurfi nokkurn tíma
að klæða sig aftur upp á fyrir
eitthvað! Nú er mælt með því að
segja upp Netflix-áskriftinni og
koma sér út úr húsi! Koma svo, út
með þig!
Ljón
23.07. – 22.08.
Jesss! Þú er komin/n í Jane Fonda
gírinn þessa vikuna og ert búin/n
að finna þér gott æfingasmáforrit
og jafnvel mana vin til þess að
taka þátt í því með þér. Planka-
keppni. Hver er memm? Ef þú átt
vin í Krabbamerkinu, þá gæti hann
haft gott af því að fá smá af þínu
peppi.
Meyja
23.08. – 22.09.
Þú þráir fátt meira en að komast
í frí og áttir jafnvel að vera þar
núna! Stjörnurnar hvetja þig til að
byrja að læra nýtt tungumál fyrir
fríið á næsta ári eða skipuleggja
ferðina hringinn í kringum landið.
Bara það að plana eitthvert ferða-
lag mun veita þér hugarró.
Vog
23.09. – 22.10.
Þú átt það til að gefa þig alla/n
í hlutina þannig að þú verður
bitur þegar þú færð það ekki til
baka. Passaðu bara að hugsa þig
tvisvar um áður en þú talar svo
þú sjáir ekki eftir neinu á þessu
tímabundna sjálfsvorkunnartíma-
bili. Minntu þig á það sem þú ert
þakklát/ur fyrir.
Sporðdreki
23.10. – 21.11.
Þessa vikuna færðu loks svar við
þessum vangaveltum. Hvert er
þetta samband/samstarf að fara
og hvernig mun það þróast? Loks
kemur þú orðum að því og finnur
gott tækifæri til að ræða þessi
mál. Þungri byrði er af þér létt
sem mun auðvelda þér að plana
næstu skref...
Bogmaður
22.11. – 21.12.
Nú er tími fyrir skipulag. Þú
nennir ekki að sóa tíma þínum því
markmið þín og dugnaður eru of
mikilvæg. Gott skipulagskerfi gæti
hjálpað þér um þessar mundir og
svo muntu skrifa undir samninga
sem mun létta töluvert á álaginu.
Áfram þú, kæri Bogmaður!
Steingeit
22.12. – 19.01.
„Lights, camera, action!” Þú ert
tilbúin/n fyrir kvikmyndakrúið. En
hvar eru þau? Kannski er núna
bara fínn tími til þess að halda
áfram með Instagram-innslögin
eða jafnvel stofna IGTV því þú
finnur fyrir þinni innri Kardashian
og vilt að heimurinn taki eftir því!
Vatnsberi
20.01. – 18.02.
Þú gleymir sjálfri/sjálfum þér í
Pinterest-möppum þessa vikuna
og langar að föndra allan heiminn.
„Nailed it“ kakan gæti jafnvel
vakið hlátrasköll sem bjargað
gætu vikunni. Láttu þinn innri
Picasso taka völdin og endilega
deildu útkomunni með okkur
öllum.
Fiskur
19.02. – 20.03.
Þú ert heldur betur að taka til í
lífi þínu þessa dagana og nýir og
spennandi tímar eru fram undan!
Tiltektar-tilhlökkunin er svo
mikil að þú selur næstum af þér
flíkurnar, en safnarinn sem þú ert
veit líka að með hverri spjör sem
þú losar þig við er tækifæri til að
kaupa eitthvað nýtt í staðinn!
Nú er góður tími til að fjárfesta í
gróðurhúsi.
Vikan 01.05. – 07.05.
Nú taka við friðsælli samningaviðræður
Nýjasta stjörnupar Íslands
MYND/ERNIR
stjörnurnarSPÁÐ Í
Tónlistarmaðurinn Bjarni Lárus Hall og fjölmiðlakonan Sunna Sæmundsdóttir eru nýjasta stjörnupar Íslands. Bjarni,
eða Baddi, er þekktastur fyrir að vera söngv-
ari hljómsveitarinnar Jeff Who?. Sunna er
rísandi stjarna í fjölmiðlaheiminum og ættu
flestir landsmenn að kannast við hana úr
kvöldfréttum Stöðvar 2.
DV lék forvitni á að vita hvernig Baddi og
Sunna eiga saman ef litið er til stjörnumerkj-
anna.
Baddi er Meyja og Sunna er Sporðdreki.
Meyjan og Sporðdrekinn eiga bæði erfitt með
að treysta öðrum og hafa loksins einhvern til
að ræða við um þessi mál. Annað þeirra óttast
svik meira en allt, en hitt ber djúpt hatur til
svikara. Þau vilja aldrei bregðast hinum aðil-
anum. Samskipti eru styrkleiki parsins. Þau ná
mjög vel saman vitsmunalega og halda hvort
öðru á tánum. Meyjan og Sporðdrekinn eru
reiðubúin að ganga alla leið saman og skuld-
binda sig hvort öðru. Þetta er mjög áhugavert
par þegar kemur að kynlífi. Meyjan er feimin
í rúminu meðan Sporðdrekinn gengur nánast
um eins og kynlífið uppmálað. n
Bjarni Lárus Hall
18. september 1979
Meyja
n Tryggur
n Ljúfur
n Vinnusamur
n Hagsýnn
n Feiminn
n Ofurgagnrýninn
Sunna Sæmundsdóttir
3. nóvember 1987
Sporðdreki
n Úrræðagóð
n Hugrökk
n Ástríðufull
n Þrjósk
n Afbrýðisöm
n Dularfull
STJÖRNUFRÉTTIR 37