Dagblaðið Vísir - DV - 01.05.2020, Blaðsíða 21

DRÍFA SNÆDAL, FORMAÐUR ASÍ
NAUÐSYNLEGT AÐ TRYGGJA FRAMFÆRSLU
Við höfum áhyggjur af fram-færslu fólks frá mánuði til mánaðar. Fólk er að verða
tekjulaust, hefur miklar áhyggjur
af framtíðinni og við þurfum að
ná öflugri viðspyrnu,” segir Drífa
Snædal, formaður ASÍ. „Fyrsta at-
riðið er að tryggja framfærslu eins
og hægt er. Við höfum bæði sett
pressu á stjórnvöld og verið í sam-
starfi við stjórnvöld um ýmsar leiðir
til þess,” segir hún.
Það er helst tvennt sem veldur
mikilli óvissi um framhaldið. „Eitt
er að við vitum ekki hvað atvinnu-
leysi er mikið. Sumir eru til dæmis á
hlutabótaleiðinni og fara síðan yfir í
fullt starf um leið og hægt er. Síðan
vitum við ekki hvenær næsti ferða-
maður kemur inn í landið. Þetta
er ofboðslega óvissa og við vitum
hvorki hver raunverulega staða er
né hvað bíður okkar.”
Ekki aftur í sama farið
Drífa segir ljóst að miklar breytingar
á samfélaginu séu í vændum. „Þá er
eins gott að við vitum hvert við vilj-
um stefna þegar kemur að atvinnu-
lífi og framtíðarsýn. Við þurfum ekki
endilega að leita aftur í sama farið
heldur sníða agnúa af því samfélagi
sem var fyrir COVID. Að leiðarljósi
þurfum við að hafa byggðasjónar-
mið, jafnrétti, fjölbreytilegan vinnu-
markað, endurmat á verðmætum
starfa og ýmislegt fleira sem er
gjörbreytt eftir COVID,” segir hún.
Flestar þær aðgerðir stjórnvalda
sem hafa verið kynntar eru til bóta
að mati Drífu og töluverðum árangri
hafi verið náð í að verja störf með
því að keyra niður virkni fyrirtækja.
„En ekki öllum störfum verður
bjargað og við höfum lagt áherslu á
enduruppbyggingu starfa með hlið-
sjón af nýsköpun og fjölbreytni og
þær sjálfbæru áherslur sem unnið
hefur verið með í nokkurn tíma. Við
sem samfélag og heimurinn allur
þurfum nú að taka á honum stóra
okkar og ákveða hvernig störf við
viljum að komi út úr þessari stöðu,”
segir hún.
Yfirgripsmikil þekking
á brauðtertum
Drífa hefur haldið ræður á 1. maí
víðs vegar um landið síðan hún tók
við sem framkvæmdastjóri Starfs-
greinasambandsins árið 2012 en
þó aldrei í Reykjavík. „Ég hef því
upplifað 1. maí um land allt og aflað
mér djúprar og yfirgripsmikillar
þekkingar á hlaðborðum og brauð-
tertum í ólíkum landshlutum. Sumir
fara í kröfugöngu á meðan aðrir fara
frekar á fjölskylduhátíðir þar sem
eru haldnar barátturæður.
Öll verkalýðsfélög reyna að gera
eitthvað fyrir sína félagsmenn á
þessum degi og búa til vettvang
þar sem hægt er að ræða verka-
lýðsmál og kjör fólks. Þess verður
sárlega saknað af mörgum að geta
ekki tekið þátt í ár með því að mæta
á slíkar samkomur en verkalýðs-
hreyfingar um allan heim nota nú
netið til að ná til fólks.”
FRÉTTIR 21DV 1. MAÍ 2020
RAGNAR ÞÓR PÉTURSSON, FORMAÐUR KÍ
SKORTUR Á TRAUSTI
Staða okkar er býsna sérstök og minnir á stöðu Eflingar að því leyti að það er ekki
búið að semja við megnið af kenn-
arafélögunum,” segir Ragnar Þór
Pétursson, formaður Kennara-
sambands Íslands. „Það er búið
að semja við félag framhalds-
skólakennara en það var stuttur
samningur. Aðrar viðræður eru
bara í gangi.”
Mætum hölt til leiks
Hann segir að samningamálin
séu á bæði skrýtnum og erfiðum
stað. „Það kemur þó kannski ekki
á óvart þegar skoðað er hvenær
aðrir hafa verið að semja, oft
meira en ári eftir að samningar
runnu út. Það er óþægilegt til þess
að vita að góðæri síðustu ára hafi
ekki nýst til að skapa meiri sátt.
Hvað kjaramálin varðar mætum
við dálítið hölt inn í áfallið sem við
erum að mæta núna.“
Ragnar segir að eftir Hrun hafi
átt sér stað býsna heiðarlegt sam-
tal þar öll verkalýðshreyfingin kom
saman og fylkti sér um ákveðin
grundvallaratriði, svo sem að verja
stöðu þeirra sem standa verst.
„Við ráðfærðum okkur við sér-
fræðinga annars staðar á Norður-
löndunum um hvernig væri hægt að
draga úr fórnarkostnaði og draga
úr átökum.
Þeir sér fræðingar sem við
ræddum við voru sammála um að
til að þetta gæti gengið upp þyrfti
að vera traust á milli aðila. Það
þyrfti að vera traust innan verka-
lýðshreyfingarinnar, það þyrfti að
ríkja traust í garð vinnuveitenda
og síðan yrði að ríkja traust í garð
stjórnvalda. Ég held því miður að
þetta traust hafi aldrei orðið til.
Stóri vandinn við íslenskan vinnu-
markað og íslenskt samfélag er
skortur á trausti. Ég upplifi nú að
bæði hjá verkalýðshreyfingunni
og hjá stjórnvöldum sé mikið af
góðu og vel meinandi fólki en við
stöndum á óstöðugum grunni því
þetta traust er ekki til staðar.”
Allt samfélagið er undir
Hann er sannfærður um að stjórn-
völd séu að gera sitt allra besta í
þeirri erfiðu stöðu sem uppi er í
samfélaginu. „Forsætisráðherra
kallaði okkur öll frá verkalýðs-
hreyfingunni á fund og bað okkur
að útlista hvað væri mikilvægast
að verja. Ef það er einhverju sinni
sem Alþingi allt þarf að ná saman
um markmið og lausnir þá er það
núna. Allt samfélagið er undir og
við þurfum að vanda okkur.”
Ragnar segir að 1. maí hafi verið
heilagur dagur fyrir honum löngu
áður en hann tók virkan þátt í
kjarabaráttunni. „Ég ber mikla
virðingu fyrir þeirri baráttu sem
dagurinn snýst um og fyrir þeim
sem á undan okkur gengu.”
ÞÓRUNN SVEINBJARNARDÓTTIR, FORMAÐUR BHM
FJÖLBREYTT ATVINNULÍF LYKILLINN
Við erum að ljúka afar erf-iðum samningavetri við ríkið og eigum eftir að semja við
sveitarfélögin í landinu. Hjá þeim
aðildarfélögum sem semja við
Reykjavíkurborg og Samband ís-
lenskra sveitarfélaga hafa kjara-
samningar verið lausir í meira en
eitt ár,” segir Þórunn Sveinbjarnar-
dóttir, formaður BHM. „Þetta er
búinn að vera erfiður og um margt
skrýtinn samningavetur en hingað
erum við komin og viljum minna á
það á baráttudegi verkalýðsins að
lífskjör háskólamenntaðra stétta
eru jafn mikilvæg og annarra
stétta.”
LÍN stendur vel
Hún segir jákvætt að ríkisstjórnin
hafi ákveðið að koma til móts við
kröfur BHM um að létta endur-
greiðslubyrði námslána. „Við
bíðum nú eftir því að heyra ná-
kvæmlega hvernig verði gengið frá
því. Við eigum von á að það verði
á yfirstandandi þingi og að okkar
viðsemjendur klári það sem þeir eru
búnir að segjast ætla að gera. Það
mun skipta miklu máli fyrir marga
innan BHM og marga utan banda-
lagsins líka því það eru tugþúsundir
sem skulda námslán. Þá má rifja
upp að þetta eru einu verðtryggðu
lánin sem ekki hafa fengið neina
leiðréttingu eftir hrun. Lánasjóður
íslenskra námsmanna stendur vel
og getur komið til móts við þá sem
skulda námslán.”
Hún segir að síðustu vikur hafi
öll þjóðin orðið þess mjög vel vör
hversu miklu máli góð heilbrigðis-
þjónusta skiptir. „Við viljum að
sjálfsögðu undirstrika það, eins og
aðrir hafa gert, hversu mikilvægur
þáttur það er, ekki bara til að halda
samfélaginu gangandi heldur stuðl-
ar hún að betri heilsu, lífsgæðum
og jöfnuði i landinu. Það er líka
gaman að fá að benda á að þessi
þjónusta byggist á bestu fáanlegu
þekkingu sem margir hverjir afla
sér með löngu háskólanámi.
Hrikalegt atvinnuleysi
Við höfum verið að sjá hrikalegar
atvinnuleysistölur og erum mjög
vel meðvituð um að þetta er erfið
staða. Á móti kemur að í svona
erfiðu ástandi felast þrátt fyrir allt
alltaf tækifæri. Við í BHM höfum
bent á að við verðum að skjóta
fleiri stoðum undir atvinnulífið hér
á landi. Við erum að lenda í því enn
og aftur að leyfa einni atvinnugrein
sem byggir á auðlindanýtingu að
vaxa mjög hratt, og er ég þá að vísa
í ferðaþjónustuna. Við megum ekki
setja eggin öll í sömu körfu og þurf-
um alvöru fjárfestingu í nýsköpun,
rannsóknir og þróun. Sem betur fer
er nú eitthvað af því í tillögum ríkis-
stjórnarinnar en hljótum að þurfa
að læra af þessari erfiðu reynslu.
Það er betra að hafa hægan og
jafnan vöxt í atvinnulífinu og bjóða
upp á fjölbreyttari atvinnu fyrir
fólkið í landinu.“
Betra að
hafa hægan
og jafnan
vöxt.
Fólk er að
verða tekju-
laust.
Við þurfum
að vanda
okkur.
MYND/AÐSEND
MYND/GVA
MYND/ERNIR