Dagblaðið Vísir - DV - 01.05.2020, Blaðsíða 35

ÞYRLUFLUGMAÐUR
Ásdís Rán byrjaði að læra
þyrluflug í Rúmeníu árið 2013.
Fyrir fjórum árum fékk hún
As350/h125 þyrluleyfi sitt í
Svíþjóð og sagði upplifunina
magnaða í færslu á Instagram.
Árið 2017 var breski slúður-
miðillinn Daily Mail með
ítarlega umfjöllun um glæsi-
legustu kvenkyns þyrluflug-
mennina og var Ísdrottningin
þar ofarlega á lista.
ICEQUEEN
Ásdís Rán stofnaði fyrirtækið IceQueen og seldi undirföt,
kjóla, snyrtivörur og húðvörur. Hún opnaði verslun í Búlgaríu
en undirfötin voru einnig til sölu í Hagkaupum.
Árið 2019 fékk hún einkaleyfi á vörumerkinu IceQueen og er
því sú eina sem má með réttu kalla sig það.
STJÖRNUFRÉTTIR 35DV 1. MAÍ 2020
ÞJÓNUSTUSTÖRF
Ásdís Rán byrjaði að vinna á
hárgreiðslustofu þegar hún
var sextán ára og vann þar í
nokkur ár. Hún vann einnig
á börum og skemmtistöðum
um alla miðborgina á þeim
tíma.
FOOTBALLERS‘ WIVES
raunveruleikaþáttur
Árið 2009 kom hún fram í búlgarska raunveru-
leikaþættinum Footballers’ Wives. Hún sagði
þættina vera eins konar „raunveruleika-heim-
ildaþætti“ sem yrðu sýndir á sjónvarpsstöð-
inni Nova TV.
FJÁRSVIKAMÁL
Ásdís Rán var flækt í eitt
stærsta fjársvikamál síðari
ára sem teygði sig til 175
landa. Samkvæmt bandarísku
alríkislögreglunni, FBI, náði
besta vinkona Ásdísar Ránar,
búlgarska athafnakonan Ruja
Ignatova, að svíkja út tæpa
þúsund milljarða íslenskra
króna á heimsvísu áður en
hún hvarf sporlaust í október
árið 2017. Ekkert hefur spurst
til hennar síðan þá og hafa
lögregluyfirvöld víðs vegar í
heiminum reynt að hafa uppi
á henni. Ásdís Rán er andlit
fyrirtækisins sem talið er að
standi að baki svikamyllunni.
GLAMÚRFYRIRSÆTA
Það mætti nánast segja að
Ásdís Rán hafi verið fyrir-
sæta allt sitt líf. Hún var
sautján ára þegar hún sat
fyrst fyrir og vakti fljótt
athygli fyrir fegurð sína
og þokka.
GRÍMUR
Í síðustu viku greindi Ásdís
Rán frá því að hún væri
byrjuð að hanna og selja
andlitsgrímur. Hún segir að
sér hafi blöskrað að sjá allar
ljótu grímurnar og ákveðið
að fara að hanna lúxusand-
litsgrímur sjálf.
Grímurnar kosta um tvö til
fjögur þúsund krónur. Það er
einnig hægt að kaupa þrjár
grímur saman á 4.700 krónur.
Ásdís Rán stofnaði Insta-
gram-síðu fyrir grímurnar,
Boutiqe Masque.
SÉÐ OG HEYRT
Ásdís Rán var Séð og
heyrt-stúlkan fyrir tuttugu
árum. Hún vann keppnina
Babes on the Beach árið
áður og tók þátt í Miss
Fitness.
„Það er mikið að gera
hjá mér því ég er í
fyrirtækjarekstrarnámi.
Ég ætla að stofna fyrirtæki
á næsta ári sem er enn þá
leyndarmál. Fyrirtækið mun
tengjast líkamsrækt en það
mun koma betur í ljós í byrjun
næsta árs,“
sagði Ásdís Rán við Séð og
heyrt á sínum tíma.
PLAYBOY
Fyrirsætuferill Ásdísar blómstraði eftir að hún
flutti til Búlgaríu. Hún hefur prýtt þar ófáar for-
síður tímarita eins og Max og Playboy.
Ásdís Rán var á forsíðu Playboy í Búlgaríu í júlí
2010. Eitt vinsælasta fréttablað Grikklands tók
viðtal við hana og fékk að nota myndirnar úr
Playboy-myndatökunni. Playboy í Þýskalandi
birti einnig myndaþáttinn.
GAF ÚT BÓK
Ásdís Rán gaf út sjálfshjálparbókina Valkyrju
fyrir jólin 2018. Bókin er lífsstílsleiðarvísir og
vinnubók fyrir konur á öllum aldri.
MÓDEL.IS
Ásdís Rán var framkvæmdastjóri IceModels
Management, model.is. Hún auglýsti fyrir-
tækið til sölu árið 2008 og sagði um það:
„Sérsmíðað vefkerfi sem ég hannaði fyrir
þarfir skrifstofunnar og heldur utan um allar
upplýsingar um fyrirsæturnar og aðra sem eru
á skrá hjá fyrirtækinu. Að minnsta kosti 500
manns.“
Fyrirtækið var einnig með umboð fyrir Miss
Hawaiian Tropic, Queen of The World, Face of
The Universe og margar aðrar fegurðarsam-
keppnir.
EINKAÞJÁLFARI
Í gegnum árin hefur Ásdís
Rán alltaf verið í fantaformi.
Það ætti því ekki að koma á
óvart að hún útskrifaðist sem
einkaþjálfari í mars í fyrra.
Hún hóf störf við einkaþjálfun
hjá World Class og auglýsti
þjónustu sína á Instagram.
SVARTAR RÓSIR
Ásdís Rán heillaðist svo af svörtum Metanoa-
rósum í Búlgaríu að hún byrjaði að flytja þær
inn til Íslands árið 2018. Hún var einnig einka-
fulltrúi fyrir Metanoa de la Rose á Íslandi.
M
Y
N
D
/I
N
S
T
A
G
R
A
M
@
A
S
D
IS
R
A
N
MYND/INSTAGRAM
MYND/AÐSEND
MYND/BRYNJA
MYND/SKJÁSKOT ICEQUEEN