Íþróttablaðið - 01.08.1977, Síða 11
Sagt frá störfum og spjallað
við Guðmund Þórarinsson,
frjálsíþróttaþjálfara
Frjálsar
ístað
frúar• • •
Hann er þéttur á velli og þéttur í
lund og hefur unnið ótrúlegt starf
við uppbyggingu frjálsra íþrótta.
Þótt hann sé mikill og stór á
marga kanta þá virðist mörgum sem hann
láti lítið á sér kræla opinberlega. 1 staðinn
einbeitir hann kröftum sínum að félögum
sínum og vinum, innan þess félagsskapar
sem hann hefur tekið annáluðu ástfóstri við.
Hann hefur eflt dáð og þroska margs ein-
staklingsins, virkjað eiginleika hjá æsku-
fólki sem flotið hefur hálf stjórnlaust með
straumnum. Hann hefur átt drjúgan þátt í
að efla mönnum traust á mikilvægustu
þáttum hverrar persónu, eigið sjálfstæði og
frumkvæði. Þannig hefur hann skapað
þjóðfélaginu verðmætari einstaklinga, ein-
staklinga sem honum sjálfum þykir vænt
um og þykja vænt um hann.
Um hvern er verið að tala hér? Jú, þessi
lýsing á við einn þeirra manna, sem unnið
hafa mikið starf á sviði íslenzkra íþrótta,
þann einstakling sem mest hefur lagt að
mörkum til þeirra framfara sem orðið hafa í
íslenzkum frjálsíþróttum síðustu 10 árin.
Þessi lýsing á við Guðmund Þórarinsson
frjálsíþróttaþjálfara ÍR, hvort sem mönnum
líkar betur eða verr.
Guðmund Þórarinsson þarf ekki að
kynna fyrir vinum hans og þeim sem þekk-
ingu hafa til að meta starf hans og persónu
að verðleikum. En fyrir hina, þá er rétt að
taka fram að síðustu 10 árin, eða frá því
hann kom heim eftir vel heppnað tímabil
við þjálfun í Svíþjóð, þá hefur Guðmundur
verið þjálfari og hugsuður frjálsiþrótta-
deildar íþróttafélags Reykjavíkur, en á
þessum árum hefur hann alið upp marga
einstaklinga sem sett hafa, og setja enn, svip
á íslenzkar frjálsíþróttir.
Þeir einstaklingar sem virina að þjálfun í
íþróttum eru að jafnaði umdeildir menn,
bæði á íþróttavöllunum og í þjóðfélaginu. 1
þessu efni er Guðmundur engin undan-
tekning. Hann hefur átt sína gagnrýnendur,
rétt eins og aðrir. Þeir eru og margir sem
ekki hafa þolað þá velgengni sem fylgt hef-
ur Guðmundi í hverju því er hann hefur
tekið sér fyrir hendur. Þeir hafa reynt að
rægja hann í orði, þótt á borði séu það
verkin sem tala og varðveitast sem minnis-
varði um mikla menn. En eins og gildir um
alla kletta úthafsins, þá brotnar allt pus á
Guðmundi, og eftir stendur maður sem
með hverju árinu eykur á virðing sína. Sú
virðing er áunnin vegna mikillar fórnfýsi og
ósérhlífni við mikilvæg æskulýðsstörf.
Þann tíma sem Guðmundur hefur starfað
að frjálsíþróttamálefnum, síðan hann kom
heim frá Svíþjóð, hafa frjálsíþróttir á ís-
landi átt mikilli velgengni að fagna, en
Guðmundur hefur þjálfað upp og alið flesta
þeirra einstaklinga sem nú eru einna at-
kvæðamestir í keppnum. Þá hefur
11