Íþróttablaðið - 01.08.1977, Síða 29

Heimsbikarkeppnin í Dússeldorf
Mesti frjálsíþróttaviðburður
nýliðins keppnistímabils var
sennilega hin svonefnda
„heimsbikarkeppni" sem
fram fór í Diisseldorf í Vestur-Þýzka-
landi fyrir nokkru. Flest bezta frjáls-
íþróttafólk heimsins safnaðist þarna
saman til keppni, en fyrirkomulag
heimsbikarkeppninnar var með þeim
hætti að átta lið kepptu í karla- og
kvennaflokki. I karlaflokki voru það lið
Bandaríkjanna, Vestur-Þýzkalands,
Austur-Þýzkalands, og síðan úrvalslið
frá Evrópu, Ameríku, Afriku, Asíu og
Ástralíu. í kvennaflokki kepptu sömu
lið, að öðru leyti en því að Sovétríkin
komu í stað Vestur-Þýzkalands.
Stigabaráttan var geysilega hörð, sér-
staklega þó í karlaflokknum, en þar skar
síðasta keppnisgreinin, 4X400 metra
hlaupið, úr um hvort það yrðu Banda-
ríkin eða Austur-Þýzkaland sem
hrepptu sigur í keppninni. Bandaríkja-
menn hafa löngum átt mjög góða boð-
hlaupssveit, og mátti telja þá örugga um
sigur í hlaupinu. En margt fer öðru vísi
en ætlað er. Einn hlauparanna í banda-
rísku sveitinni, Maxie Parks, meiddist í
hlaupinu og varð að hætta og þar með
varð bandaríska sveitin af 9 stigum og
sigri í keppninni. Hlutu Þjóðverjarnir
alls 127 stig, Bandaríkin 120 stig og
V-Þjóðverjar urðu í þriðja sæti með 112
stig. f kvennaflokki varð úrvalslið
Evrópu sigurvegari, hlaut 107 stig, en
a-þýzku stúlkurnar urðu að gera sér
annað sætið að góðu, hlutu 102 stig.
Eitt heimsmet var sett í þessari
keppni. Bandaríska boðhlaupssvietin í
4X100 metra boðhlaupi hljóp á 38,03
sek. — sem svarar til þess að hver hlaup-
ari hafi hlaupið á 9,51 sek.!
Bandarísku hlaupararnir sem
settu heimsmet í 4X100 metra
hlaupi í Dusseldorf. Bill Collins,
Cliff Wiley, Steve Williams og
Steve Riddick.
„Legg ikke
opp naa,
Grethe . . ."
Einn óvæntasti sigurvegarinn í
heimsbikarkeppninni í Dússel-
dorf var norska stúlkan Grete
Waitz. Waitz hefur reyndar
verið í fremstu röð hlaupakvenna í
heimalandi sínu um alllangt skeið og átti
um tíma heimsmetið í 3000 metra
hlaupi. Eftir Ólympíuleikana í Montre-
al, þar sem henni gekk ekki sérstaklega
vel ákvað hún að draga úr æfingum sín-
um og vera meira með sér til gamans,
heldur en að keppa að árangri. Æfði
Grete því fremur lítið í fyrravetur, en
þegar dró að keppnistímabilinu jókst
áhuginn á ný. Tíminn til æfinga var þó
takmarkaður þar sem Grete var í fullu
starfi sem kennslukona í Bjölsenskólan-
um og að auki var hún að koma sér upp
heimili með manni sínum, Jack, en hann
er jafnframt þjálfari hennar.
Þegar keppnistímabilið hófst kom
fljótlega í ljós að Grete var lítið slakari
en hún hafði verið áður og árangur sem
hún náði í 3000 metra hlaupi á móti í
Englandi skömmu fyrir heimsbikar-
keppnina varð til þess að hún var valin í
Evrópuliðið. f keppnisgrein Gretu, 3000
metra hlaupinu, var sigurvegarinn bók-
aður fyrirfram, sovézka stúlkan Ludmila
Bragina, sú er hlaut gullveðrlaun í 1500
metra hlaupi í Montreal og á heimsmet-
ið í 3000 metra hlaupi 8:27,1 mín. —
tími sem margur karlmaður gæti verið
stoltur af að ná. Auk Braginu mættu líka
þarna til leiks austur-þýzka stúlkan Ul-
rike Bruns og bandaríska stúlkan Jan
Merrill. en sú síðarnefnda á heimsmetið
í 5000 metra hlaupi kvenna. Þessar þrjár
voru taldar öruggar að hreppa verð-
launasætin í hlaupinu, en Norðmenn
gerðu sér miklar vonir um að Grete
þeirra myndi ná fjórða sætinu.
Þegar hlaupið í Dússeldorf hófst tók
bandaríska stúlkan strax forystuna og
fór geyst. Var auðséð að hún gerði sér
grein fyrir því að hennar eina von í
hlaupinu var að freista þess að hlaupa
keppinauta sína af sér nægjanlega
snemma — hún hafði ekki snerpu á við
þær, ef gert yrði út um hlaupið á enda-
sprettinum. Hinar voru ekki á því að
sleppa henni frá sér og fylgdu eftir í
þéttum hnapp. Var það ekki fyrr en um
mitt hlaupið að togna tók úr keppenda-
Framhald á bls. 66
Grethe Waitz kemur að marki sem
sigurvegari í 3000 metra hlaupinu
í Dusseldorf.
29