Fréttablaðið - 12.08.2020, Page 38

ÞAÐ FALLEGA VIÐ
TÓNLISTINA ER AÐ
ÞEGAR MAÐUR VARPAR SPEGL-
INUM HEIÐARLEGA AÐ SJÁLFUM
SÉR VIRÐAST AÐRIR GETA
SPEGLAÐ SIG LÍKA.
ATALANTA vs PSG
Í KVÖLD 18:50
Tryggðu þér áskrift í dag á stod2.is
Pl at a n Me ð ö ðr u m orðum er ellefu laga breiðskífa frá tónlistar- og leikkonunni Elínu Hall sem kom út í júlí. Textar laganna eru inn-
blásnir af dagbókarfærslum Elínar
frá því hún var í framhaldsskóla.
„Ég fór að safna hljóðupptökum
af sjálfri mér að tala í stað þess að
skrifa þegar ég var þrettán ára.
Mér finnst dýrmætt að eiga þetta
í dag svona langt aftur. Það hefur
hjálpað mér mikið við lagasmíðar.
Mér finnst ég nánast eiga tímavél á
f lakkara,” segir Elín.
Hún segir það þó misauðvelt að
fara í gegnum færslur og sumt sem
hún vilji heldur muna en annað.
„En það er gott að geta minnt sig á
að lífið er fullt af samblandi af lit og
leiða. Ég held að platan endurspegli
það á náttúrulegan hátt, þar er allt
róf tilfinninga.”
Týnd eins og aðrir
Til þess að ramma inn þetta dag-
bókarform ákvað hún að hefja
plötuna á nokkurs konar formála.
„Þar klippti ég saman gamlar
dagbókarfærslur frá sjálfri mér og
endar formálinn á orðum frá 16
ára mér: „Ég gerði eiginlega ekk-
ert í vetrarfríinu, nema ég ákvað
að ég ætla örugglega að taka þátt
í Söngvakeppni Sjónvarpsins - Ég
veit ekkert hvað ég er að gera við
líf mitt”. Á þeim orðum hefst svo
platan. Mér fannst þau skemmtileg
því að þau lýstu á svo einlægan hátt
sköpunarferlinu fyrir mér. Ég var
bara týnd eins og aðrir á framhalds-
skólaárunum að reyna að finna til-
gang og leið til þess að túlka minn
eigin veruleika,“ segir Elín.
Platan er fyrsta sólóplata Elínar.
„Lögin spruttu upp úr mér í
gegnum unglingsárin en ég hafði
ekki hugsað mér að gefa neitt
þeirra út endilega. Ég áttaði mig
samt fljótlega á því að ég ætti erfitt
með að halda áfram að semja og fá
hugmyndir þegar mér fannst ekk-
ert fullklárað. Loks réðst ég í það
að taka plötuna upp. Við tókum
flesta grunna upp síðasta sumar og
restina tók ég upp smátt og smátt í
vetur. Ég var mjög bjartsýn á að geta
rumpað þessu af á meðan ég byrjaði
fyrsta árið í leiklistarskólanum,“
segir hún.
Það reyndist svo aðeins meira
krefjandi en hún hafði gert ráð fyrir.
„Þegar COVID skall á sá ég sókn-
arfæri og við sem unnum að plöt-
unni settum upp lítið hljóðver inni
í stofu og kláruðum þetta loksins.
Slagverksleikarinn sendi heima-
upptökur úr sóttkví, samskipti voru
að mestu í gegnum fjarfundi og ég
sprittaði gítarinn minn í fyrsta
sinn,“ segir Elín.
Hafði gott af ferlinu
Lög Elínar eru mjög einlæg og per-
sónuleg, finnst henni ekkert erfitt
vera svona opin í lagagerðinni?
„Ég held að fyrir mig þá skipti
höfuðmáli að hafa frá einhverju að
segja, eða að hafa áhrif á hlustand-
ann. Þar er mín köllun í listsköpun
almennt. Ég held að það sé ekki
nauðsynlegt að vera persónulegur
en kannski er það góður staður til
að byrja á. Í hreinskilni þá reyndist
þetta mér mjög erfitt ferli en ég
hafði gott af því,“ segir hún.
Á tímabili þegar platan var nán-
ast tilbúin segist Elín hafa fengið
efasemdir um að aðrir myndu ná
að tengja við hana.
„Ég hafði áhyggjur af því að list-
hneigð mín væri frekar einhvers-
konar geðheilsuröskun og ég væri
kannski bara ein um að upplifa
þetta tilfinningaróf.
Ég er fegin að ég kláraði þetta
samt og ég róaðist f ljótt eftir að
heyra frá fólki sem tengdi við það
sem ég skrifaði. Ég held að þegar þú
heldur á afurð mikillar sjálfsrann-
sóknar sé eðlilegt að vera stress-
aður. En það fallega við tónlistina er
að þegar maður varpar speglinum
heiðarlega að sjálfum sér virðast
aðrir geta speglað sig líka.“
Gerir ábreiðu af lagi Páls Óskars
Elín segist hafa náð að spila
aðeins þann tíma sem leið á milli
samkomu banna.
„Það gaf mér mikla orku til að
halda áfram. Ég spilaði með band-
inu mínu á svona COVID-vænu lif-
andi streymi. Ég íhugaði að halda
gúmmíhönskunum í atriðinu en
engum að óvörum þá virkar það
ekki þegar maður handleikur gítar.“
Til stóð að halda útgáfutónleika á
Kaffi Flóru í ágúst.
„Nú virðist það ekki öruggasta
tímasetningin. Ég verð þess vegna
því miður að fresta þeim um stund.
Kannski væri hægt að reyna að
halda fjarlægðarmörkum og fjölda-
takmörkunum en ég vil frekar
halda tónleikana þegar fólki líður
þægilegar og betur, bæði að mæta
og að spila. Það verður vonandi sem
fyrst.“
Núna vinnur Elín að sinni eigin
útgáfu af poppslagara frá Páli
Óskari.
„Ég hef alltaf verið mikill Palla-
aðdáandi og þykir vænt um tón-
listina hans. Það má því búast við
Palla-ábreiðu frá mér á næstunni.
Ég er líka að vinna í fullt af tónlist
og langar mikið að fá að vinna með
öðrum,“ segir hún.
Plötuna Með öðrum orðum er
hægt að nálgast á öllum helstu
streymisveitum og Spotify.
steingerdur@frettabladid.is
Samdi plötu út frá dagbókarfærslum
Söng- og leikkonan Elín Hall gaf út plötuna Með öðrum orðum í júlí. Textana byggði hún á dagbókarfærslum frá
unglingsárunum. Textar Elínar eru persónulegir en hún óttaðist um stund að fáir næðu að tengja við plötuna.
Elín Hall, sem stundar nám í leiklist við LHÍ, þótti vinna mikinn leiksigur á sínum tíma fyrir hlutverk sitt í kvikmyndinni Lof mér að falla. FRÉTTABLAÐIÐ/VALLI
1 2 . Á G Ú S T 2 0 2 0 M I Ð V I K U D A G U R22 L Í F I Ð ∙ F R É T T A B L A Ð I Ð