Morgunblaðið - Sunnudagur - 18.01.2020, Blaðsíða 2

Hefurðu mikla reynslu af
því að stjórna samsöng?
Já, ég er að kenna í Laugarnesskóla og er með söng-
stund þar á hverjum morgni og þá syngja 540 börn
saman. Svo er ég vikulega á Hrafnistu og þar er
sungið fyrir fullu húsi. Mér finnst frábært framtak
hjá Hannesarholti að vera með samsöng sem allir
geta tekið þátt í.
Hvaða fólk heldur þú að mæti?
Það er öll flóran. Það mætir alltaf einhver tónlistarmaður
þannig oft verður þetta líka samtal milli listamannsins og
gesta. Þetta er mjög notaleg stund.
Þarf maður ekki að vera lagviss?
Nei, veistu það að auðvitað er gaman að geta sungið vel en það eiga
allir að geta sungið með sínu nefi. Söngurinn er svo góður. Það var
gömul kona á Hrafnistu sem sagði við mig um daginn að maður
væri aldrei leiður þegar maður væri að syngja. Ég held að margir
séu feimnir en ég held að fólk ætti ekki að taka sjálft sig of hátíðlega.
Hvaða lög verða á dagskrá?
Öll flóran af íslenskum sönglögum. Við eigum svo mikið af flottum lögum.
Hvaða lag slær alltaf í gegn?
Dagný er alltaf vinsælt. Og svo líka lög eins og Ég er kominn heim,
sem er orðið dáldið þreytt. En þegar allir þekkja lögin er gaman og
allir taka undir. Söngurinn sameinar fólk, ef það leyfir sér að slaka á
og njóta.
Hvað er erfiðasta íslenska lagið?
Þjóðsöngurinn og svo er Dagný frekar erfitt. Þegar lög spanna margar
áttundir teygir það hressilega á raddböndunum.
Morgunblaðið/RAX
HARPA ÞORVALDSDÓTTIR
SITUR FYRIR SVÖRUM
Söngur
sameinar fólk
Í FÓKUS
2 MORGUNBLAÐIÐ SUNNUDAGUR 19.1. 2020
TÆKNI A
FYRIR H
TVINNUMANNSIN
E I
www.alver.is S: 896 4040 LauraStar á Íslandi
LauraStar
er létt og
meðfærilegt og
þú ert fljótari
að strauja en
nokkru sinni
fyrr.
SÍGILDIR SUNNUDAGAR
KLASSÍSK TÓNLEIKARÖÐ
Kammermúsík-
klúbburinn
Páll Palomares
Ólöf Sigursveinsdóttir
& Bjarni Frímann
19. jan. kl.16
Nánar á harpa.is/sigildir
Haldiði að mér hafi ekki tekist að móðga stærsta sértrúarsöfnuð þjóð-arinnar fyrir skemmstu – alveg óvart. Við erum auðvitað að tala umáhangendur hins fornfræga enska knattspyrnufélags Liverpool.
Ódæðið var framið á síðum þessa blaðs en ég skrifaði sumsé í sakleysi mínu
grein sem fjallaði um stórbrotið gengi Liverpool á almanaksárinu 2019. Greinin
var samkvæmt öllum stöðlum lofsamleg, eins og tilefnið bauð upp á, enda var
það ekki hún sem slík sem fór fyrir brjóstið á Púlurum, heldur fyrirsögnin,
„Falla nú öll vötn til Lifrarpolls“. Þeir vilja nefnilega ekki sjá nafnið á liðinu
sínu íslenskað með þessum frjálslega
og óábyrga hætti. Ég var spjaldaður í
tölvupósti, samtölum og símtölum en
safaríkastar voru aursletturnar þó á
samfélagsmiðlum, eins og gengur,
þar sem ég var kallaður öllum illum
nöfnum, svo sem „rasshaus“ og
„ábyggilega United-maður“. Sjálfur
er ég utan þjónustusvæðis slíkra
miðla en kunningjar mínir hnipptu í
mig – og höfðu býsna gaman af. Einn
þeirra, eðalkokkurinn Kristófer
hérna í Hádegismóum, brá raunar
skildi fyrir mína aumu persónu í net-
heimum. Takk fyrir það, Kristó! Ber
er hver að baki nema sér kokk eigi!
Svo ég reyni nú að bera blak af mér sjálfur, þá get ég svarið að ég hafði ekki
hugmynd um að ekki mætti kalla Liverpool Lifrarpoll. Mér hefur alltaf þótt
það göfug íþrótt að íslenska erlend örnefni, svo sem að kalla Oxford Uxavað,
Kiev Kænugarð, Leipzig Hlaupsigar og svo framvegis. Dunduðu Fjölnismenn
sér ekki við þetta á sinni tíð? Hvenær ég heyrði fyrst talað um Lifrarpoll man
ég ekki nákvæmlega en eflaust var það í Gaggó Vest, sígildum sönglagatexta
eftir Ólaf Hauk Símonarson, frá áttunni, eins og menn kalla það góða skeið í
mannkynssögunni núorðið. „Frá Lifrarpolli ljót berast org, lýðurinn dansar um
stræti og torg,“ segir í því góða kvæði. Vona að þessi upprifjun verði ekki til
þess að Púlarar brúni af stað nú í bítið til að eggja hús skáldsins!
Ég man ekki eftir því að hafa í annan tíma verið kallaður „rasshaus“ en þeg-
ar ég fletti merkingunni upp í viðtali við höfund orðsins, Egil „Gillz“ Einarsson,
hér í Morgunblaðinu fyrir réttum áratug þá kemur í ljós að það á alls ekki illa
við mig. „Rasshausinn er sá sem kann ekki mannasiði og gerir allt vitlaust,“ út-
skýrði Gillz. Þess utan skilgreini ég mig stoltur sem málmhaus og hef auk-
inheldur óhamið dálæti á hinni goðsagnakenndu pönkhljómsveit Rass.
Þess vegna tek ég „rasshaus“ alls ekki nærri mér. Hitt er alvarlegra mál, að
vera uppnefndur „United-maður“.
Rasshaus og
United-maður!
Pistill
Orri Páll
Ormarsson
orri@mbl.is
’Svo ég reyni nú aðbera blak af mér sjálf-ur, þá get ég svarið að ég hafði ekki hugmynd
um að ekki mætti kalla
Liverpool Lifrarpoll.
Daníel Cramer
Nei, því miður, ég fer ekki langt.
SPURNING
DAGSINS
Ætlar þú í
vetrarfrí?
Anna María Ingibergsdóttir
Nei, ég stefni á að halda áfram með
BA-ritgerðina og klára hana.
Bogdan Vlaicu
Nei, ég fer ekki neitt.
Aníta Víðisdóttir
Nei, ég fer ekki neitt svo ég viti.
Ritstjóri Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri og umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Sunnudaginn 19. janúar klukkan 14 verður fjöldasöngur í Hannesarholti
og mun Harpa Þorvaldsdóttir, söngkona og tónmenntakennari, halda ut-
an um söngstundirnar í vetur. Á Facebook-síðu Hannesarholts verður
viðburðinum streymt beint. Miðar fást á tix.is en frítt er inn fyrir börn.