Morgunblaðið - Sunnudagur - 18.01.2020, Blaðsíða 7

féll árið 1995, þannig að hann hefur ekki samanburðinn.
Þorgils býr niðri á eyrinni og var á leiðinni niður á bryggju til
að slá inn rafmagnið á bátnum þegar snjóflóðið féll en það hafði
slegið út fyrr um kvöldið. „Það var þreifandi bylur og lítið skyggni
og engin leið að átta sig á því hvað var að gerast. Flóðið kom bara
eins og hendi væri veifað. Ég varð ekki var við neitt, þannig lagað.
Maður fékk bara sjokk og trúði þessu ekki,“ segir Þorgils.
Þorgils komst ekki hefðbundna leið niður á bryggju vegna þess
hversu mikill sjór var á Hafnargötunni. „Það var allt á floti. Ég
fór bara uppfyrir á stígvélunum og fór að rýna í aðstæður; þá hef-
ur flóðið verið fallið. Ég gekk áfram og sá að fólk var komið á vett-
vang og allir bátarnir í höfninni farnir. Björgunarsveitin bannaði
okkur að fara alla leið niður á bryggjuna og þá fór ég niður á hina
bryggjuna til að skima eftir bátnum en sá hann hvergi. Höfnin
var bara full af snjó og það sáust engir bátar. Það var ótrúlegt að
horfa upp á þetta.“
Um er að ræða dragnótarbát og var hann nýkominn úr slipp í
Stykkishólmi. „Ég var nýbúinn að skvera hann fyrir margar
milljónir. Tjónið er því mikið. Nú marar hann bara á hvolfi og ég
veit ekki hvenær hægt verður að líta betur á hann. Vonandi á
allra næstu dögum.“
– Heldurðu að hann sé ónýtur?
„Ég reikna fastlega með því. Ég sé ekki hvernig á að vera
hægt að gera við þetta.“
Ekki bjartsýnn á framhaldið
– Hvað tekur nú við?
„Ef ég vissi það. Ég er alveg ráðþrota. Fyrir utan bátinn rek
ég hérna fiskvinnslu og fiskmarkað og báturinn minn hefur séð
vinnslunni fyrir hráefni. Nú eru heldur engir bátar eftir á staðn-
um til að útvega fisk á markaðinn.“
– Hvað ertu með marga í vinnu?
„Við höfum verið fjögur í vinnslunni og þrír á bátnum.“
– Reiknarðu með að þurfa að flytja burt frá Flateyri?
„Ég er ekki bjartsýnn á framhaldið. Það er ekki lengur hægt
að treysta höfninni. Hvað er þá eftir í sjávarplássi?“
– Viltu beina einhverjum orðum til stjórnvalda í þessu landi?
„Það blasir við að koma þarf til aðstoð ef koma á þorpinu á
lappirnar aftur. Þetta er svakalegt tap fyrir okkur. Það hefur
oftast verið bjartara yfir Flateyri. Það er ágætt að búa hér en
þegar maður er ekki öruggur hlýtur maður að hugsa sinn
gang.“
Morgunblaðið/RAX
19.1. 2020 MORGUNBLAÐIÐ SUNNUDAGUR 7