Morgunblaðið - 25.03.2020, Blaðsíða 12

12
MORGUNBLAÐIÐ MIÐVIKUDAGUR 25. MARS 2020
Gæðavörur
í umhverfisvænum
umbúðum
Kaja organic, Kalmansvellir 3, kajaorganic.com,
kajaorganic@gmail.com
Hollt, bragðgott og þægilegt
Vegan - Keto - Pascaterian - Glutenlaust
Sölustaðir: Hagkaup, Nettó, Heilsuhúsin, Fjarðarkaup, Melabúðin,
Fiskkompaní, Frú Lauga, Brauðhúsið og Matarbúr Kaju á Akranesi
Ljósið, endurhæfingarmiðstöð fyr-
ir krabbameinsgreinda, hefur tek-
ið nýja stafræna heilsulausn í
gagnið sem þróuð var af íslenska
sprotafyrirtækinu Proency. Ákveð-
ið var að flýta innleiðingu kerf-
isins, sem metur andlega heilsu
þjónustuþega með viðurkenndum
aðferðum, til að gefa þeim tæki-
færi á að fylgjast betur með eigin
líðan á meðan Ljósið er lokað
vegna kórónuveirufaraldursins.
„Þjónustuþegar Ljóssins hafa nú
fengið póst þar sem þeir geta
skráð sig inn í kerfið með
ákveðnum kóða. Því næst svara
þeir spurningalistum sem leggur
grunninn að þeirra vegferð ásamt
því að móta sjónrænt mælaborð að
eigin líðan.
Nánustu aðstandendum Ljósbera
stendur einnig til boða aðgangur
að kerfinu en frekari upplýsingar
um það er einnig að finna í pósti til
notenda,“ segir m.a. í tilkynningu
frá Ljósinu.
Erna Magnúsdóttir, forstöðu-
kona Ljóssins, segir að byrjað hafi
verið á að innleiða kerfið fyrir
starfsmannahópinn, til að fá til-
finningu fyrir því hvernig það
virkaði, hversu mikil vinna þetta
væri fyrir notendur og hvort upp-
lýsingarnar nýttust þeim. „Það er
óhætt að segja að allir hafi verið
ánægðir,“ segir Erna enn fremur.
Á meðan núverandi ástand
gengur yfir í samfélaginu stendur
fyrirtækjum og stofnunum til boða
að þiggja þjónustu Proency ókeyp-
is. Hægt er að hafa samband við
Sigrúnu Þóru Sveinsdóttur í gegn-
um netfangið sigrun@proency-
.com.
Geta fylgst með
andlegri heilsu
 Ljósið í samstarf við sprotafyrirtæki
 Innleiðingu flýtt vegna veirunnar
Samstarf Erna Magnúsdóttir, forstöðukona Ljóssins, ásamt Sigrúnu Þóru
Sveinsdóttur og Stefni Kristjánsyni frá sprotafyrirtækinu Proency.
Hjúkrunarheimilið Uppsalir á Fá-
skrúðsfirði hefur fengið 600 þús-
und króna styrk til tækjakaupa frá
félagsskap í spinning og stöðva-
þjálfun á Fáskrúðsfirði. Styrkurinn
er afrakstur söfnunar sem félags-
skapurinn hrinti af stað. Styrkveit-
ingin nýtist til nauðsynlegra tækja-
kaupa á heimilið en á dögunum
sendi hjúkrunarheimilið ákall til
samfélagsins vegna nauðsynlegra
tækjakaupa í kjölfar kórónuveiru-
faraldursins.
„Ástandið í þjóðfélaginu er
óvenjulegt í ljósi þeirra aðstæðna
sem hafa skapast. Við finnum hins
vegar fyrir mikilli samstöðu um allt
land og þegar okkur bárust þær
fregnir að skortur væri á súrefnis-
vélum á Dvalar- og hjúkrunar-
heimilinu Uppsölum tókum við
strax ákvörðun um að fara í söfnun
fyrir einni,“ segir Arnfríður Eide,
ein forsvarskvenna Spinning.
Morgunblaðið/Albert Kemp
Fáskrúðsfjörður Hjúkrunarheimilið Upp-
salir fékk góða gjöf frá Spinning.
Uppsalir fengu styrk
til tækjakaupa
Veitingastaður-
inn Ölverk í
Hveragerði hef-
ur með nýstár-
legum hætti
brugðist við kór-
ónuveirufaraldr-
inum, þar sem
öllum tilmælum
almannavarna er
fylgt um hámark
20 manns á
staðnum í einu og tveggja metra bil
haft á milli fólks.
Á borðum er nú búið að koma
fyrir kaktusum, sem lítil hætta er á
að nokkur vilji snerta, og þannig
helst fjarlægð á milli viðskiptavina.
Ölverk sérhæfir sig í eldbökuð-
um pizzum og handverksbjór sem
bruggaður er á staðnum.
Ölverk með kaktusa
á borðum hjá sér
Ölverk Kaktusar
settir á borðin.
BaseParking, sem hefur boðið flug-
farþegum upp á bílastæði hjá Kefla-
víkurflugvelli, hefur vegna minnk-
andi eftirspurnar hjá sér ákveðið
að nýta starfskrafta sína til að
styðja við samfélagið á Suður-
nesjum. Hafa starfsmenn Base-
Parking þannig aðstoðað ýmis sam-
tök, eins og við matarúthlutanir.
„Einnig verðum við til taks fyrir
þá sem þurfa á aðstoð að halda og
getum sótt matvörur eða aðrar
nauðsynjar fyrir öryrkja og eldri
borgara,“ segir m.a. í tilkynningu.
BaseParking býður
fram krafta sína
Kristín Heiða Kristinsdóttir
khk@mbl.is
„Ég hef fengið svakalega mikil og
góð viðbrögð við tónleikunum og
mér skilst að það hafi verið rosa-
lega mikið áhorf. Sérfræðingar í
samfélagsmiðlafræðum sögðu að
það hefði nánast allt farið á hliðina
þar. Ég hef þeirra orð fyrir því, ég
er ekki sérfræðingur í þeim
efnum,“ segir Helgi Björnsson
tónlistarmaður um kvöldvökuna
Heima með Helga Björns, sem
sýnd var í Sjónvarpi Símans, á út-
varpsstöðinni K100 og streymt á
Mbl.is síðastliðið laugardagskvöld.
Söngkonan Salka Sól Eyfeld var
sérstakur gestur á kvöldvökunni,
sem Helgi og Reiðmenn vindanna
buðu upp á, ásamt Vilborgu Hall-
dórsdóttur sem las upp ljóð. Helgi
segir það heldur betur vera gefandi
að hafa getað glatt þjóðina á þess-
um erfiðu tímum, þegar fólk þyrsti
í eitthvað jákvætt og uppbyggj-
andi.
„Það er ánægjulegt að geta gefið
tónlistina sem sameinar okkur öll,
að hitta á þennan streng. Alveg
yndislegt að hafa getað framkvæmt
þetta.“
Þegar Helgi er spurður að því
hvernig upplifun það hafi verið fyrir
hann að streyma tónleikum úr stof-
unni heima segir hann það hafa ver-
ið notalegt.
„Að vinna með þennan hljóðheim
með kassagítara og órafmagnað að
mestu var mjög skemmtilegt en
vissulega er skrýtið að hafa enga
áhorfendur og heyrendur fyrir
framan sig og fá ekkert klapp þegar
lagið er búið, sem er venjulega
partur af þessu öllu. Það er sérstakt
að fá enga endurgjöf á staðnum, en
maður er fljótur að venjast því og
ég er með reynslu af því að tala við
upptökuvélina.“
Helgi segist ekki geta neitað því
að borist hafi óskir um að endur-
taka leikinn.
„Þetta hefur verið rætt heilmikið
og verið að pressa aðeins á það. Við
ætlum að endurtaka leikinn næsta
laugardag, í ljósi þess hversu ánægt
fólk var með þetta. Allir vilja meira.
Mér finnst gaman að geta brugðist
við því. Fyrst það fór svona vel ofan
í fólk hvernig við gerðum þetta ætl-
um við að halda þessu á sömu nót-
um, alveg óþarfi að skipta um form-
úlu. Við höfum þetta einfalt og
bjóðum heim í stofu og sýnum í
Sjónvarpi Símans, á útvarpsstöðinni
K100 og streymum á Mbl.is.“
Skjámynd/Síminn
Notalegt Helgi Björns og Salka Sól ásamt Reiðmönnum vindanna heima í stofu síðastliðið laugardagskvöld.
Heldur betur gefandi
að geta glatt þjóðina
 Helgi Björns endurtekur leikinn næsta laugardag