Morgunblaðið - 25.03.2020, Blaðsíða 29
MENNING 29
MORGUNBLAÐIÐ MIÐVIKUDAGUR 25. MARS 2020
Traust almennings á hefðbundnum
fjölmiðlum hefur aukist í Danmörku
í kjölfar útbreiðslu kórónuveirunnar
þar í landi. Þetta kemur fram í nýrri
könnun sem fjallað er um í Politiken.
Danskir fjölmiðlar fá einkunnina
8,27 á kvarðanum einn til tíu yfir
trúverðugleika á sama tíma og svar-
endur könnunarinnar gáfu sam-
félagsmiðlum einkunnina 5,48.
Þegar þátttakendur könnunarinnar
voru spurðir hvar þeir hefðu leitað
upplýsinga síðustu daga sögðust
54% svarenda hafa leitað í danska
fjölmiðla, 45% í vefi hins opinbera og
22% í samfélagsmiðla. Spurðir hvað-
an mikilvægast væri að fá upplýs-
ingar nefndu 59% svarenda danska
fjölmiðla, 54% upplýsingavefi hins
opinbera og aðeins 5% samfélags-
miðla á borð við Facebook og
Twitter.
„Könnunin leiðir í ljós að á krísu-
tímum reiðir fólk sig aðallega á upp-
lýsingar frá klassískum fjölmiðlum,“
segir Søren Schultz Jørgensen, pró-
fessor við Álaborgarháskóla. Bendir
hann á að það komi óneitanlega á
óvart að samfélagsmiðlar njóti jafn-
lítils traust og raun ber vitni í ljósi
þess hversu mikið við notum þá. „Al-
menningur er óttasleginn og
áhyggjufullur vegna faraldursins
sem hefur áhrif á okkur öll. Á slík-
um tímum viljum við fá réttar upp-
lýsingar. Ástæða þess að fólk sækir í
hefðbundna fjölmiðla er að þar er
fljótt hægt að fá trúverðugar upp-
lýsingar sem sífellt eru uppfærðar.
Auk þess sem þar er rýnt í allar upp-
lýsingar með gagnrýnum augum,“
segir Jørgensen.
Ljósmynd/Politiken
Blöð Á tímum kórónuveirunnar leitar al-
menningur frekar í hefðbundna fjölmiðla.
Traust á dönskum
fjölmiðlum eykst
Margar bjöllur klingjaeftir að 18 ára stúlkafinnst látin í sundlaugheima hjá sér í New
Jersey í Bandaríkjunum. Mary
Higgins Clark leysir gátuna í
spennusögunni Það er fylgst með
þér og heldur athygli lesanda þar
til yfir lýkur.
Almennt má
segja að enginn
kemst upp með
morð. Lögreglan
í Bergen-sýslu
vinnur sam-
kvæmt þeirri
kenningu og þó
böndin beinist
frekar að einum
en öðrum í fyrstu er öllum mögu-
leikum haldið opnum. Þar til kær-
astinn er handtekinn. Rann-
sóknarlögreglufulltrúinn er samt
ekki sannfærður og er ekki einn
um það.
Enginn veit fyrr en reynt hefur
hvernig það er að missa fótanna
og sjá bjarta framtíð verða að
engu á svipstundu. Mary Higgins
Clark lýsir þessu vel og ekki síður
viðbrögðum þeirra sem hlut eiga
að máli. Sú lýsing hlýtur að fá les-
endur til að líta í eigin barm og
halda áfram lestrinum.
Annað mikilvægt atriði, sem
höfundur veltir upp, eru samskipti
fullorðinna og ungmenna, foreldra
og barna þeirra. Í sumum til-
fellum eru gerðar miklar kröfur til
unglinganna, í öðrum er haldið
verndarhendi yfir börnunum og
svo eru dæmi um nær algjört af-
skiptaleysi. Samskiptaleysi á báða
bóga. Burtséð frá réttu eða röngu.
Áhrifin leyna sér ekki, þó ekki sé
allt sem sýnist, og vissulega má
ýmislegt af þessu læra. Rétt eins
og af dómstóli götunnar, sem oftar
en ekki svífst einskis, gjarnan með
skelfilegum afleiðingum. Sparkar
án umhugsunar í þann sem enga
vörn sér getur veitt.
Uppbygging sögunnar sýnist
vera einföld en er flóknari en hún
virðist vera við fyrstu sín. Rétt
eins og lífið sjálft. Þræðirnir
liggja víða og þó ungt fólk eigi
erfitt með að sanna sakleysi sitt
er enginn sekur fyrr en sekt er
sönnuð. Söguþráðurinn er sérlega
vel spunninn og þó að lausir endar
séu hér og þar er það endahnút-
urinn sem skiptir öllu máli. Rétt-
lætið sigrar að lokum.
Það er fylgst með þér er sann-
færandi og spennandi saga um
morð og afleiðingar þess en líka
innileg saga um samskipti heið-
arlegs fólks, ástarsaga af bestu
gerð. Saga um illsku og sorg en
um leið hugljúf frásögn, sem eyk-
ur trúna á hið góða í fólki.
Bókin kom fyrst út í Bandaríkj-
unum 2017 og er því eitt síðasta
verk Mary Higgins Clark, sem
lést í janúar sem leið.
AFP
Höfundurinn „…sannfærandi og spennandi saga um morð og afleiðingar
þess en líka innileg saga um samskipti heiðarlegs fólks, ástarsaga af bestu
gerð,“ segir rýnir um eina af síðustu bókum Mary Higgins Clark.
Spennusaga
Það er fylgst með þér bbbbn
Eftir Mary Higgins Clark.
Snjólaug Bragadóttir þýddi.
Ugla 2019, 269 bls.
STEINÞÓR
GUÐBJARTSSON
BÆKUR
Spenna í ljósaskiptum góðs og ills
Fyrr í mánuðinum hætti banda-
ríska forlagið Hachette við að gefa
út fyrirhugaðar endurminningar
bandaríska leikstjórans Woody Al-
len, eftir mótmæli frá syni þeirra
Miu Farrow, Ronan Farrow, og út-
göngu starfsmanna forlagsins sem
vildu sýna Farrow samstöðu, en
hann kveðst trúa þeim orðum syst-
ur sinnar að Allen hafi brotið á
henni kynferðislega. Allen hefur
ætíð sagt það vera ósatt.
Allen var ekki lengi að finna nýj-
an útgefanda því án nokkurrar
kynningar sendi forlagið Arcade
Publishing bók Allens, Apropos of
Nothing, á markað á mánudag.
Bókin er um 400 bls. og fjallar á
opinskáan hátt um líf leikstjórans,
með hans eigin orðum, bæði einka-
líf og sýn hans á eigin list í kvik-
myndagerðinni. Til að mynda vek-
ur athygli að Allen segist skilja vel
reiði Miu Farrow, fyrrverandi sam-
býliskonu sinnar, þegar hún komst
að því að dóttir hennar, Soon-Yi
Previn, var tekin saman við Allen,
sem er 35 árum eldri.
Ævisaga Woodys Allen óvænt á markað
AFP
Leikstjórinn Allen segir sögu sína í
bókinni og kveðst ekkert draga undan.
Í heimi djassunnenda var hann
þekktur sem Bill Smith, klarínettu-
leikarinn slyngi sem var lengi ná-
inn samstarfsmaður Dave Brubeck.
En hann var líka þekktur sem Willi-
am O. Smith, tónskáld sem inn-
leiddi óhefðbundin skrif og nálgun
við klarínettið í samtímatónlist. Og
nú er bandaríski blásarinn snjalli
allur, 93 ára að aldri.
Strax á unglingsaldri leiddi
Smith bæði djasshljómsveit og lék
með Sinfóníuhljómsveitinni í Oak-
land. Hann nam síðan tónsmíðar og
höfðu skrif hans og aðferðir áhrif á
önnur tónskáld og meðal þeirra
sem fluttu tónverk hans má nefna
Andre Previn og Marni Nixon.
Sem Bill Smith naut hann mik-
illar hylli fyrir snilli sína á klarín-
ettið. Hann lék með Brubeck lengi á
6. áratugnum og samdi öll lögin á
þremur plötum sveitar hans: Bru-
beck à la Mode, Near Myth og The
Riddle. Smith lék aftur með sveit-
inni lengi vel á 8. og 9. áratugnum
og þá meðal annars á Listahátíð á
Íslandi árið 1986.
Klarínettuleikarinn Bill Smith allur
Snjall Smith lék listavel á klarínett.
ICQC 2020-2022
Nánari upplýsingar um sýningartíma á sambio.is
SÝND MEÐ ÍSLENSKU OG ENSKU TALI
m.a.
ÓSKARSVERÐLAUN3 BESTA KVIKMYNDATAKAN
SÝND MEÐ ÍSLENSKU OG ENSKU TALI
★★★★
San Francisco Chronicle
★★★★
Indiewire
★★★★
Hollywood reporter