Morgunblaðið - Sunnudagur - 26.04.2020, Blaðsíða 2

Í FÓKUS
2 MORGUNBLAÐIÐ SUNNUDAGUR 26.4. 2020
Hvað ertu að bardúsa?
Okkur Sigurð Ými Kristjánsson, sem er bekkjar-
bróðir minn úr Listaháskólanum og Myndlistaskól-
anum, langaði alltaf að gera eitthvað saman. Ég
hafði góða þekkingu á fatnaði en hann er meira graf-
íkmiðaður þannig að úr varð að stilla strengi okkar
saman og búa til fatnað. Við vildum gera það sem
kallast „streetwear“; hettupeysur, jakka og stutt-
ermaboli og stofnuðum fyrirtækið Child Reykjavík, en
við erum báðir í öðru líka. Svo nýlega ákváðum við að
búa til bol til styrktar Kvennaathvarfinu.
Hvernig kviknaði sú hugmynd?
Frænka mín er mikið að vinna í þessum málum og hefur ver-
ið að pósta ýmsum upplýsingum á Facebook. Nýlega póstaði
hún skýrslu frá lögreglunni á höfuðborgarsvæðinu þar sem
sást töluverð fjölgun á tilkynningum um heimilisofbeldi nú í
mars. Mér fannst við þurfa að styðja við þetta málefni og sá
þarna tækifæri að við gætum hugsanlega safnað saman því
fólki sem vildi styrkja Kvennaathvarfið með því að selja því
bol. Allur ágóði rennur óskiptur til Kvennaathvarfsins og við
gefum líka okkar vinnu.
Segðu mér frá þessum bol?
Hann heitir Samstöðubolurinn. Við látum framleiða bolina á
Indlandi og eru þeir úr 100% lífrænni bómull og vottaðir af
Fairtrade, sem þýðir að allir sem að honum koma fá greitt
fyrir sína vinnu og allt löglegt. Bolurinn kostar 6.499 krónur
og fæst á netinu. Hugmyndin var að myndin á bolnum
myndi tákna þá orku sem verður til þegar fólk stendur
saman.
Morgunblaðið/Eggert
BENEDIKT ANDRASON
SITUR FYRIR SVÖRUM
Orkan í
samstöðuO
kkar bestu menn, veðurfræðingar, eru smám saman að ná vopnum
sínum á ný eftir að kórónuveiran sópaði þeim um tíma út af borðinu
í þjóðfélagsumræðunni. Það er gamall og góður siður að ræða við
veðurfræðinga í fjölmiðlum á sumardaginn fyrsta og Magnús Geir Eyjólfs-
son fréttamaður lék stífan sóknarleik gegn Theódóri Frey Hervarssyni á
svölunum í Efstaleitinu í kvöldfréttum Ríkissjónvarpsins – eins og Borgnes-
ingar gera gjarnan gegn Skagamönnum. Vildi fá veðurfræðinginn til að stað-
festa í þráðbeinni útsendingu að þessi „andstyggilegi vetur“ sem var að líða
færi í sögubækurnar sem sá versti
sem yfir þessa guðsvoluðu þjóð hef-
ur gengið frá því öndvegissúlunum
skolaði á land. Ekki treysti Theódór
sér til að ganga svo langt, enda fag-
maður, en viðurkenndi þó að hann
hefði að sönnu verið erfiður. „Hann
hlýtur að teljast með þeim leið-
inlegri,“ sagði þá Magnús og hélt
upp kloppískri hápressu á aumingja
Theódór. „Já, það er ekki spurning
en hvort hann sé á toppnum, ég get
ekki svarað því núna,“ sagði Theó-
dór og gat ekki varist brosi. Sé
Magnús fyrir mér brosa á móti.
Var veturinn virkilega svona of-
boðslega vondur? Auðvitað komu einhverjar hamfaralægðir með rauðum við-
vörunum og almennum viðbjóði; minnstu munaði að ég fengi eina slíka inn á
rúmgafl til mín í febrúar en sveitasetrið stóð hana af sér. Mögulega bara
vegna þess að ég hélt því niðri, eins og Churchill bifreiðinni í sprengjuregn-
inu forðum. Þess utan fannst mér veturinn hins vegar ekkert svo ofboðslega
leiðinlegur. Kannski er það bara gullfiskaminnið.
Næst sneru þeir svalafélagar sér að sumrinu sem er framundan og um leið
og Theódór leyfði sér að vera hóflega bjartsýnn ráðlagði hann Magnúsi að
bíða með að kaupa sér hlutabréf í sólarvarnarframleiðanda.
Einhver miðillinn dustaði rykið af Sigga stormi, langt síðan maður hefur
séð hann, og hann spáir því að veðrið verði með fínasta móti í sumar og jafn-
vel ekki verra en í fyrrasumar, þegar það mun hafa verið mjög gott. Meira að
segja menn með gullfiskaminni geta tekið undir það.
Annars hefur enga þýðingu að hrósa sigri fyrr en okkar allra besti maður,
Haraldur Ólafsson, verður búinn að kveða upp sinn dóm. Hann er vís með að
finna stinningskalda og slagveðursrigningu í hanskahólfum og kústaskápum
landsmanna, ef á þarf að halda. Okkar beinasti fréttamaður, Jóhann K., þarf
að taka á sig rögg og draga Harald út á galeiðuna.
Versti vetur
sögunnar?
Pistill
Orri Páll
Ormarsson
orri@mbl.s
’Auðvitað komu ein-hverjar hamfaralægð-ir með rauðum viðvör-unum og viðbjóði;
minnstu munaði að ég
fengi eina slíka inn á
rúmgafl til mín í febrúar.
Tinna Gunnarsdóttir
Ég er spennt fyrir því; við erum bú-
in að plana ferð um landið.
SPURNING
DAGSINS
Hvernig
leggst
sumarið í
þig?
Sigurður Friðriksson
Ágætlega. Það verður ferðast
innanlands í sumar.
Elsa Valgarðsdóttir
Mjög vel, ég er að fara að vinna aft-
ur og drengurinn verður eins árs.
Þetta verður gott sumar.
Kolbeinn Steinþórsson
Það er mikil óvissa framundan
þannig að ég veit ekki hvernig sum-
arið kemur út.
Child Reykjavík selur nú stuttermaboli til styrktar Kvenna-
athvarfinu. Allar upplýsingar má finna á childrvk.is, á Facebook
undir childreykjavik og á instagram á child.rvk. Fyrirtækið reka
þeir Benedikt Andrason og Sigurður Ýmir Kristjánsson.
www.alver.is S: 896 4040 LauraStar á Íslandi
TÆKNI ATVINNUMANNSINS
FYRIR HEIMILI
Þrýstingurinn í þurrgufunni
fer í gegnum efnið og sléttir
úr efnisþráðunum án þess að
þú þurfir að beita nokkrum
kröftum. LauraStar er létt
og meðfærilegt og með
LauraStar ertu fljótari að
strauja en nokkru sinni fyrr.
Nú finnur þú
það sem þú
leitar að á
FINNA.is
Ritstjóri
Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri
og umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Íris Dögg Einarsdóttir