Dagblaðið Vísir - DV - 17.07.2020, Blaðsíða 6

6 FRÉTTIR 17. JÚLÍ 2020 DV
HEILT FJÖLBÝLISHÚS GROTNAR
NIÐUR Á BESTA STAÐ Í BORGINNI
Rúmenskir verkamenn búa frítt á Dunhaga 18-20. Á meðan sækjast eigendur eftir
byggingarleyfi til endurbóta en erindi þeirra hefur velkst um í kerfinu í á þriðja ár.
Í einu elsta, grónasta og dýrasta hverfi Reykjavík-urborgar stendur veglegt
fjölbýlishús á þremur hæðum.
Á jarðhæð hússins er um 600
fermetra verslunarrými.
Bakvið húsið eru dyr tveggja
stigaganga sem hvor um sig
geymir fjórar nokkuð vegleg-
ar íbúðir. Eru þær á bilinu 93-
130 fermetrar, þó flestar yfir
100. Húsið hefur talsverða
sögu að geyma. Það var reist
1959 og hefur m.a. hýst vídeó-
leigu, Skóstofuna, mjólkur-
búð Mjólkursamsölunnar,
Jóa byssusmið, fisksölu og nú
síðast Háskólaprent.
Húsið hefur, svo vægt sé
til orða tekið, munað sinn
fífil fegurri. Húsið liggur nú
undir miklum skemmdum,
eins og sjá má á meðfylgjandi
myndum. Eigandi hússins er
D18 ehf. Eigendur D18 ehf.
eru samkvæmt fyrirtækja-
skrá meðal annarra Magn-
ús Magnússon og Guðrún
Helga Lárusdóttir. Magnús
fór fyrir eigendahópi Borg-
unar og var forsvarsmaður
eignarhaldsfélagsins Borg-
unar. Í hópi eigenda eignar-
haldsfélagsins Borgunar er
Stálskip ehf. Stálskip ehf. er
fjárfestingarfélag Guðrúnar
Helgu Lárusdóttur og barna
hennar. Guðrún er jafnframt
eigandi þriðjungshlutar í D18
ehf. Guðrún og eiginmaður
hennar, Ágúst Guðmundur
Sigurðsson, ráku eitt sinn út-
gerðina Stálskip.
Vont hús og verri stjórnsýsla
D18 ehf. keypti húsið sum-
arið 2009 og hefur því lítið
sem ekkert verið haldið við
síðan þá. Segja nágrannar að
ástand hússins hafi versnað
stöðugt síðan, þó mest á ný-
liðnum árum. Á Facebook-
síðu íbúa í hverfinu segir einn
íbúi að húsið hafi „ekki verið
sérlega líflegt síðustu ár“.
Þar kann að spila inn í að eig-
endur hafa um nokkurra ára
skeið sóst eftir því að breyta
húsinu og lóðinni
Aðrir nágrannar segja
húsið lengi ekki hafa verið í
lagi. „Það er löngu tímabært
að gera eitthvað almennilegt
við þennan blett og leiðinlegt
að þetta hafi dregist svona.“
Segir hann jafnframt að hann
sé fúll út í eigendur hússins
fyrir að hafa ekki drifið sig
í að klára þetta, fundið ein-
hvern sameiginlegan flöt með
nágrönnum hússins og hætt
þessu „lögfræðistappi“. „Gera
þetta bara í samráði við sam-
félagið í kring svo hægt sé að
drífa í þessu og klára það.“
„Lögfræðistappið“ sem
íbúinn vísar til er skipulags-
ferli reitsins sem hefur verið
í gangi a.m.k. síðan 2017.
Sóttust þá eigendur Dun-
haga 18 og 20 eftir heimild
til að byggja hæð ofan á nú-
verandi fjölbýlishús og fyrir
aftan húsið, nýtt lyftuhús og
viðbyggingu á einni hæð auk
kjallara. Byggingarleyfið
sem veitt var fyrir þeirri
framkvæmd var kært til
Úrskurðarnefndar um um-
Dunhagi 18-20 er í eigu D18 ehf. sem er í raunverulegri eigu Stálskips og Magnúsar Magnússonar, stjórnarformanns Borgunar. MYND/ERNIR
Ætlun eigenda húsanna er að rífa þessa bílskúra og byggja við
húsið að ofan og aftan. MYND/ERNIRFramhald á síðu 8 ➤
Heimir
Hannesson
heimir@dv.is
Það er löngu
tímabært að gera
eitthvað almenni-
legt við þennan
blett og leiðin-
legt að þetta hafi
dregist svona.
Aðgengi að stigagöngum Dunhaga 18 og 20 eru aftan við húsið.
Segja íbúar í hverfinu að aðkoman hafi aldrei verið í lagi. MYND/ERNIR