Fréttablaðið - 09.09.2020, Blaðsíða 6

Það fer enginn inn á
hjúkrunarheimili
tilneyddur og öllum er
frjálst að fara þaðan.
Haraldur Sverris-
son, bæjarstjóri
Mosfellsbæjar
Það er allra síst
hægt að ætla að
fólk, sem er komið í þá stöðu
að það þurfi hjúkrunar-
rými, hætti allri neyslu áður
en það fær þjónustu.
Heiða Björg Hilmis-
dóttir, formaður
velferðarráðs
Landlæknir telur ekkert
í nýfundnu vinnuskjali
kalla á viðbrögð heilbrigðis-
yfirvalda, umfram þá
skoðun sem þegar er hafin.
VE LFE RÐARMÁL Viðræður vel-
ferðarsviðs Reykjavíkurborgar við
heilbrigðis- og félagsmálaráðu-
neytin um rekstur skaðaminnkandi
hjúkrunarúrræða fyrir aldraða, eru
nú á lokastigi. Ef svo fer sem horfir
verða opnuð tólf hjúkrunarrými
sem verða mögulega í gistiskýlinu
við Lindargötu. Stefnt er að því að
Reykjavíkurborg sjái um reksturinn
til að byrja með, en svo verði rýmin
í höndum ríkisins.
Heiða Björg Hilmisdóttir, formað-
ur velferðarráðs, segir ánægjulegt að
málið sé komið svona langt. „Það er
okkar stefna að vera með skaða-
minnkandi nálgun fyrir alla. Það er
allra síst hægt að ætla að fólk, sem er
komið í þá stöðu að það þurfi hjúkr-
unarrými, hætti allri neyslu áður en
það fær þjónustu,“ segir Heiða Björg.
„Ég held að við getum öll verið sam-
mála um að ef skaðaminnkun á ein-
hvers staðar við, þá er það þarna.“
Forsagan er löng en hjúkrunar-
heimili hafa engan áhuga haft á að
taka við heimilislausum. Viðræður
milli ríkisins og borgarinnar hófust
í kjölfar niðurstöðu Umboðsmanns
Alþingis frá árinu 2018. Í kjölfarið
tók til starfa stýrihópur sem lagði
mat á vandann. Viðræðurnar hafa
svo staðið yfir síðan í mars. Þegar
þeim lýkur fer málið á borð borgar-
stjóra og heilbrigðisráðherra. Í kjöl-
farið yrði svo gerður þjónustusamn-
ingur við Sjúkratryggingar.
Í minnisblaði sem lagt var fyrir
velferðarráð borgarinnar nýverið
kemur fram að reiknað sé með
þrettán stöðugildum og kostnaði
upp á 183 milljónir króna á ári, þar
af myndi ríkið greiða tæpar 130
milljónir.
Berglind Magnúsdóttir, skrif-
stofustjóri á skrifstofu öldrunar- og
húsnæðismála hjá Reykjavíkurborg,
segir að stefnan sé að bæta upp það
pláss sem færi undir hjúkrunar-
rýmin í gistiskýlinu. „Við höfum
opnað annað neyðarskýli úti á
Granda, síðan er stefnan að koma
sem f lestum í varanlegt húsnæði,
þeim hefur fækkað sem þurfa að
leita í gistiskýlið,“ segir Berglind.
Hjúkrunarrýmin sem um ræðir
yrðu frábrugðin öðrum að því
leyti að þar myndi starfa fólk með
reynslu af skaðaminnkandi úrræð-
um fyrir fólk í neysluvanda. „Þegar
horft er til annarra landa, þá vinna
slíkar hjúkrunardeildir út frá skaða-
minnkandi hugmyndafræði. Við-
komandi fær einn bjór í hádeginu
og annan á kvöldin.“ Það yrði útfært
betur þegar rýmið verður opnað.
Sérfræðingar velferðarsviðs hafa
talið á bilinu 12 til 17 einstaklinga
sem í dag uppfylla skilyrðin til að
nota hjúkrunarrýmin, f lestir haf-
ast nú þegar við í gistiskýlinu. „Ein-
hverjir eru undir 67 ára, en vegna
þessa lífernis eru komnar tölu-
verðar öldrunarbreytingar.“
Aðstandandi sem Fréttablaðið
ræddi við segir að úrræði á borð við
þetta sé löngu tímabært. Núverandi
kerfi styðji ekki nógu vel við aldr-
aða einstaklinga í neyslu, þeir geti
verið erfiðir inni á hefðbundnum
hjúkrunarheimilum. Þá geti verið
gerðar óraunsæjar kröfur um edrú-
mennsku. Helst þurfi að gera meira,
til dæmis með því að efla þjónustu-
íbúðir. arib@frettabladid.is
Stefna á tólf skaðaminnkandi
hjúkrunarrými fyrir aldraða
Viðræður Reykjavíkurborgar við heilbrigðisráðuneytið um skaðaminnkandi hjúkrunarrými fyrir eldri
borgara eru á lokastigi. Stefnt verður á að opna tólf hjúkrunarrými sem yrðu mögulega í gistiskýlinu við
Lindargötu, þar sem ekki verður gerð krafa um edrúmennsku. Aðstandandi segir þetta löngu tímabært.
Stefnt er að því að hjúkrunarrýmin verði í húsnæði gistiskýlisins við Lindargötu. FRÉTTABLAÐIÐ/ANTON BRINK
REYKJAVÍK Búið er að klára 43 verk
af 91 sem íbúar Reykjavíkur kusu
um í verkefninu Hverfið mitt. Kosn-
ingarnar fóru fram síðasta haust og
alls bárust meira en þúsund hug-
myndir.
Samkvæmt upplýsingum frá
borginni er staðan á verkefnunum
nokkuð góð. Í mörgum tilvikum á
eftir að klára minni háttar frágang,
þar á meðal gróðursetningu, en
slíkir verkþættir eru gjarnan unnir
á haustin.
Verkefnin eru margvísleg, allt frá
ærslabelg í Gufunesi yfir í innrauða
sánu í Grafarvogi.
Aðeins einu verki af sjö er lokið í
Grafarholti en þeim verður lokið á
næstu vikum. Þá er þremur verkum
af ellefu lokið í Hlíðunum, en mörg
verkefnin eru á Klambratúni og
vegna lengri undirbúningstíma fóru
þau verk í síðar í útboð.
Salerni á útivistarsvæðinu í
Gufunesi eru dýrasta verkefnið,
þær framkvæmdir standa enn yfir.
Hæsta verkið er fimm metra há róla
við Ægisíðu. Eitt verkefni er í bið-
stöðu, en það er minnisvarði um
brostin loforð Reykjavíkurborgar,
sem íbúar á Kjalarnesi vilja reisa.
Framkvæmdalok samkvæmt
útboði á öllum verkum er 15. októ-
ber næstkomandi og hafa verk-
takar þann tíma til að ljúka verkum
sínum. – ab
Minniháttar frágangur eftir í mörgum verkum
Fimm metra há róla hefur verið sett upp við Ægisíðu. FRÉTTABLAÐIÐ/VALLI
FÉLAGSMÁL Haraldur Sverrisson,
bæjarstjóri Mosfellsbæjar, segir
bæinn hafa eitt hæsta hlutfall NPA-
samninga hérlendis og að þessum
hluta málaflokksins sé vel sinnt hjá
bænum.
Greiðsluþátttaka íbúa á hjúkr-
unarheimilum sé ekki á könnu
sveitarfélagsins heldur á ábyrgð
ríkisins.
Undanfarið hefur Fréttablaðið
fjallað um mál Erlings Smith, sem
er lamaður og hefur verið vistaður
á hjúkrunarheimilinu Hömrum
í meira en tvö og hálft ár. NPA-
samningi hans var rift og ekkert
bólar á nýjum.
Erling þarf sólarhringsumönnun
en vill ekki dvelja á Hömrum. Þar
að auki skerðast tekjur hans og
vistunargjöldin eru svo há að hann
getur ekki greitt þau.
Haraldur segir mál einstaklinga í
þjónustu hjá bænum trúnaðarmál
og sér sé óheimilt að tjá sig um þau.
„Hins vegar get ég upplýst að það
fer enginn inn á hjúkrunarheimili
tilneyddur og öllum er frjálst að
fara þaðan. Slíkur einstaklingur
ætti þá rétt á almennri þjónustu
sveitarfélagsins og heilsugæslunn-
ar miðað við þarfir viðkomandi,“
segir hann.
Hvað nýja NPA-samninga varðar
segir hann að staðfesting þeirra og
hluti fjármögnunar sé háð sam-
þykki Jöfnunarsjóðs sveitarfélaga
sem greiði 25 prósent af kostnað-
inum.
„Jöfnunarsjóður hefur ekki sam-
þykkt auknar fjárheimildir á þessu
ári til að greiða fyrir neina nýja
NPA-samninga.
Starfsemi Mosfellsbæjar í þjón-
ustu við fatlað fólk er að öðru leyti í
samræmi við lög, reglur, samþykkt-
ir sveitarfélagsins og fjárheimildir
hvers árs,“ segir Haraldur. – khg
Segir staðfestingu NPA-samninga háða samþykki Jöfnunarsjóðs
G AR ÐABÆ R Garðabæjarlistinn
gagnrýnir fasta styrki bæjarins
til Styrktarsjóðs Garðasóknar. En
samkvæmt samþykktum sjóðsins
hefur bæjarsjóður Garðabæjar
skuldbundið sig til að jafna árlegt
framlag sóknarinnar.
Styrktarsjóðurinn var stofnaður
árið 1995 og er ætlað að veita íbúum
Garðabæjar sem orðið hafa fyrir
áföllum, svo sem slysum eða veik-
indum, fjárhagslega aðstoð. Einn-
ig að styrkja þá til náms sem vilja
sinna líknar- og forvarnamálum og
fleiru.
Bent er á að sjóðurinn standi nú í
20 milljónum króna og hafi ávaxtað
fé sitt um 1,4 milljónir króna milli
ára. Framlag Garðabæjar hafi verið
1,6 milljónir.
„Við teljum þeim peningum betur
varið í að styrkja félagsþjónustu
bæjarins,“ segir bæjarfulltrúinn
Ingvar Arnarsson í bókun. Óeðlilegt
sé að styrktarsjóðurinn hafi fjár-
veitingarvald úr bæjarsjóði. – khg
Fastir styrkir til
Styrktarsjóðs
gagnrýndir
Styrktarsjóðurinn var stofnaður
árið 1995. FRÉTTABLAÐIÐ/STEFÁN
9 . S E P T E M B E R 2 0 2 0 M I Ð V I K U D A G U R6 F R É T T I R ∙ F R É T T A B L A Ð I Ð
HEILBRIGÐISMÁL Landlæknir segir
að engar upplýsingar í vinnuskjali
frá Sjúkratryggingum Íslands kalli
á viðbrögð heilbrigðisyfirvalda um
gæði skimunar hjá Krabbameinsfé-
laginu umfram þá skoðun sem er
þegar hafin. Þetta kemur fram í
fréttatilkynningu frá Embætti land-
læknis, Sjúkratryggingum Íslands
og Krabbameinsfélagi Íslands.
Krabbameinsfélag Íslands hefur
nú farið yfir 2.200 leghálssýni af
þeim sex þúsund sem þarf að end-
urskoða vegna mistaka sem voru
gerð við greiningu. Sigríður Sólan
Guðlaugsdóttir, kynningarstjóri
Krabbameinsfélagsins, greinir frá
þessu í samtali við Vísi.
Alls hafa 52 konur með vægar
frumubreytingar verið kallaðar inn,
en áður hafði verið greint frá því að
um 30 konur hefðu verið kallaðar
inn, þar sem þær hefðu fengið ranga
niðurstöðu. Ein þeirra er nú með
ólæknandi krabbamein. – fbl
Á sjötta tug
fengu rangar
niðurstöður