Framblaðið - 01.02.1958, Blaðsíða 28

aði fyrir kaffið og fór. Á leiðinni heim varð
mér hugsað til þess, að fyrir rekstursafgang-
inn frá 1908, er ekki hægt að kaupa mikið í
dag, en ekki verður þó annað sagt, en að sú
upphæð hafi ávaxtað sig. Hannes.
=sss=
Þeir eru hæffir
aö geta
skotið á mark ...
Það er engum vafa undirorpið, að Friðþjóf-
ur Thorsteinsson hefur verið einn snjallasti
knattspyrnumaður Fram. Því var það, að við
báðum Friðþjóf að skýra nokkuð frá starfi
sínu og reynslu.
Hvenær kynntist þú knattspyrnu?
Ég kynntist henni fyrst, þegar ég var á 9.
aldursári, en þá var ég í skóla í Hellerup í
Danmörku. Var ég þar í sjö ár, og lékum við
bræðurnir (Samúel, Gunnar og ég) með í
skólaliðinu, sem var sterkt lið, enda vann það
árið 1907 Sjálandsbikar, sem keppt var um
milli skólaliða. Ég kom svo hingað til Islands
með foreldrum mínum 1910 og gekk þá strax
í Fram og hóf að æfa með þeim.
Hvar æfðuð þið þá, og hver stjórnaði æf-
ingunum?
Æfingasvæðið var á Melunum, þar sem Há-
skólinn er núna. Auk þess hlupum við oft
langar vegalengdir á veturna, t. d. iðulega
upp að Öskjuhlíð. Við æfðum yfirleitt á hverju
kvöldi, já, og það korn fyrir að það teygðist
úr þeim til 2—3 um nóttina. Það kom nokk-
uð í minn hlut að stjórna æfingum, þar sem
ég hafði kynnzt leiknum erlendis. Við lékum
einnig nokkra æfingaleiki, m. a. við skipverja
af Islands Falk, sem við töpuðum fyrir.
Hvenær telur þú skipulagða knattspyrnu
hefjast hér?
Það er árið 1911. Við lékum fyrst æfinga-
leik við K.R., sem lauk með jafntefli. Má
segja, að hinir ungu leikmenn Fram, sem voru
15—18 ára, hafi þá fyrst verið viðurkenndir,
sem verðugir andstæðingar K.R.-inga, sem
voru eldri og þroskaðri. Var því ráðinn fyrsti
opinberi leikurinn á aldarafmæli Jóns Sigurðs-
sonar, 17. júní 1911. Tefldu báðir aðilar fram
sínu sterkasta liði, en eftir harðan og jafnan
leik tókst mér að skora vinningsmarkið á síð-
ustu mínútu. IJnnum við þannig fyrsta leikinn
með 2:1. Dómari var Ólafur Rósinkranz leik-
fimikennari, en hann studdi jafnan og aðstoð-
aði félögin eftir megni.
Hvert var upphaf Islandsbikarins?
Við gengumst upp við þessi úrslit, og kom
brátt, fram tillaga á fundi í Fram, að nauð-
synlegt væri að keppa hér um bikar að erlend-
um sið. Hófum við þá sníkjur til að festa kaup
á bikar frá Þýzkalandi, sem kostaði, að mig
minnir, hvorki meira né minna en 85 krónur.
Gekk allvel að safna þeirri upphæð, nema
hvað síðasti hjallinn reyndist örðugastur. Þeg-
ar allir höfðu lagt af mörkum hvað þeir gátu,
þá vantaði kr. 1,75. Var þá gripið til að safna
handbærri smámynt, allt niður í einseyringa,
svo að við gátum fest kaup á gripnum. Var
samin reglugerð um, að íslandsbikarinn ynn-
ist aldrei til eignar, og ekki mætti brevta
reglunum, nema með samþykki Fram
Stjóm og þjálfari 1921: Gísli Pálsson, Pétur Sigurðsson,
Tryggvi Maggnússon, Friðþjófur Thorsteinsson, þjálfari.
26 FRAMBLAÐIÐ