Framblaðið - 01.02.1958, Síða 44

Kveðja til Fram
Á 45 ára afmæli Fram veittist mér sú
ánægja að flytja kveðju frá Danmörku í
afmælisriti félagsins, og í grein minni minntist
ég þeirra atburða og þeirra manna, sem hafa
tengt mig knattspyrnunni á íslandi og eink-
um Fram nánum vináttuböndum.
Við þýðingu og prófarkalestur henti það
leiða atvik, að nafn Jóns Sigurðssonar,
slökkviliðsstjóra, hins gamla leik- og forystu-
manns félagsins, féll niður úr grein minni, og
þótt ég viti, að Jón geri sér ljóst, að honum
var ekki gleymt í handriti mínu, vildi ég
gjarnan nota þetta tækifæri til þess að geta
um hinn drjúga skerf, sem hann hefur lagt
til samvinnu Islands og Danmerkur á sviði
knattspyrnunnar. Það var einkum í formanns-
tíð Jóns í K. S. í., að erfiðar samningsviðræður
fóru fram um áframhald landsleikjanna eftir
fvrsta leikinn árið 1946 í Reykjavík, og með
þessum samningsviðræðum var lagður grund-
völlur að föstu fyrirkomulagi landsleikjanna
milli íslands og Danmerkur, að því er við
vonum. Auk þess átti Jón þátt í hinni ánægju-
legu heimsókn Sjælland Boldspil-Unions til
íslands árið 1950. Ég þakka þér gott samstarf
og vináttu, Jón!
En eins og áður hefir verið getið um, var
það heimsókn Fram til Danmerkur árið 1939
á 50 ára afmæli D.B.U., sem var orsökin og
upphafið að hinum mörgu persónulegu ís-
lenzk-dönsku vináttutengslum innan knatt-
spyrnuhrevfingarinnar. Ég gleymi heldur
aldrei hinni miklu hugulsemi, sem Fram sýndi
mér persónulega við heimsókn mína 1955,
sextán árum síðar, einkum allir fyrirliðar og
leikmenn, sem höfðu tekið þátt í Danmerkur-
ferðinni 1939.
Hin sterku vináttubönd hafa nú síðast
komið í ljós í leikjum Fram með mjög sterku
unglingaliði í Danmörku 1956 og þeim gagn-
leikjum, sem ákveðnir hafa verið á afmælis-
hátíðarárinu, sömuleiðis í afmælisleikjunum í
Revkjavík, sem afráðnir eru um sama leyti,
við sterkasta úrvalslið Sjælland Boldspil Un-
ions.
I stjórn Fram sitja nú ágætir menn undir
forystu formannsins, Haralds Steinþórssonar,
og þar sem leikmannaliðið er gott og verður
enn betra, er hinir ungu leikmenn bætast í
hópinn, mun félagið áreiðanlega eiga gott
afmælisleikár í vændum.
Ég veit, að gamlir félagar eru tryggir við
félagið, og hefi ég komizt að raun um það
lijá félögum, sem flutt hafa af landi brott,
eins og Þráni Sigurðssyni og Gunnari Nielsen,
sem sakna sinna gömlu vina, og ég vona, að
þessi góði hefðbundni félagsandi muni ríkja
á reglulegan Fram-máta lengi eftir að afmælis-
hátíðarárið er liðið, svo að félagið geti vænzt
góðrar framtíðar, bæði hvað snertir leikvöll
og góðan íþróttaárangur.
Hjartanlegar hamingjuóskir á afmælinu og
beztu kveðjur til hvers og eins af vinum
mínum í Fram og hinna fögru kvenna þeirra,
og undir þetta tekur konan mín og allir dansk-
ir vinir.
Edvard Yde
42 FRAMBLAÐIÐ