Framblaðið - 01.02.1958, Síða 46

völlinn, var þar ekki andstæðinginn um að
saka. Fullyrða má að allur leikur og leiktækni
Fram í leik þessum var slík að bet.ri hefur hún
ekki sézt. Enda gengu öll blaðaummæli í þá
átt að lofsyngja frammistöðu okkar manna,
sem þótti með hinum mestu ágætum.
Þegar að þessum leik loknum ympruðu
Hróarskeldumenn á aukaleik n. k. sunnu-
dag. Það þýddi, að við yrðum að leika
tvo daga í röð, því að við áttum leik í Lyngby
(úthverfi Hafnar) á laugardagseftirmiðdaginn.
Þrátt fyrir vanhöld í liði okkar samþykktum
við einnig þessa beiðni þeirra.
Fimmtudaginn 2. ágúst var hin sögulega
Hróarskeldukirkja skoðuð. Einnig var ekið
um nágrenni bæjarins.
Föstudaginn 3. ágúst, sem var frídagur not-
uðu flestir til Hafnarferðar í verzlunarerind-
um o. fl.
Laugardaginn 4. ágúst var ekið til Lyngby,
en þar áttum við að heyja keppni við Lyngby
I. F. Þeim leik lauk með sigri Fram níu mörk
gegn einu. Völlurinn þar svo og allur aðbún-
aður var hinn bezti, er við höfum kynni af í
ferð þessari.
Að leikslokum var ekið út á „Dyrehavs-
bakken“ (skemmtistaður í úthverfi Kau p-
mannahafnar). Þar voru snæddir brauðpakk-
ar, er hver hafði tekið með frá sinni hús-
móður. Síðan dreifðist hópurinn um skemmti-
staðinn.Fararstjórnin fór hinsvegar í boði E.
Yde í heimsókn til hans. Var þar þeim hjónum
þiikkuð öll hin mikla fyrirgreiðsla cr þau fyrr
og síðar hafa veitt félaginu og einstökum
félagsinönnum þess. Var þeim færð haglega-
gerð gestabók frá þátttakendum ferðarinnar,
en félagið sæmdi Yde silfurmerkinu. Þess má
geta hér að gestabókin hefur vakið sérstaka
athygli, fyrir hve haglega hún er gerð.
Sunnudaginn 5. ágúst var háður aukaleik-
ur við R. B. ’06, sem nú höfðu styrkt lið sitt.
Leiknum lauk með jafntefli tvö mörk gegn
tveimur. Síðan var hahlið til Hafnar og dval-
ist í Tivoli-skemmtigarðinum til miðnættis.
Mánudaginn 6. ágúst, sem var afmælis-
dagur R. B. ’06, mætti fararstjórnin í opin-
berri móttöku hjá félaginu. Voru því þá af-
hentar gjafir m. a. flaggstöng frá Fram, síðan
var snæddur hádegisverður. Um kvöldið sátu
allir þátttakendur afniælishóf félagsins.
Þriðjudaginn 7. ágúst var haldið til Holbæk
og keppt þar við Holbæks I. F. Lauk þeim
leik með sigri Fram fjögur mörk gegn tveim-
ur. Var leikur þessi sá lakasti af Fram hálfu
í ferð þessari.
Miðvikudaginn 8. ágúst var haldið til Sví-
þjóðar. Var farið til Málmeyjar og urðu
margir auralitlir eftir þá ferð, því að þeir þótt-
ust hafa gert góð kaup. Kostuðum við ferð-
ina sjálfir, enda óskuðum við eftir henni, en
Hróarskeldumenn undirbjuggu hana.
Fimmtudaginn 9. ágúst háðum við síðasta
leik okkar í ferðinni. Lékum við þá gegn
Frederiksborg I. F. Var það sterkasta liðið
er við þreyttum keppni við. Var meðal leik-
manna þeirra piltur, er vekur vaxandi
athygli á sér í Danmörku. Enda undir
smásjá landsliðsnefndarinnar, er hafði trúnað-
armann viðstaddan. Við vorum illa undir leik
þennan búnir. Höfðum eytt mestum hluta
dagsins til þess að skoða hið sögufræga Frede-
riksborgar safn, sem var mjög lýjandi, auk þess
sem ferða- og erilsþreyta var farin að gera
vart við sig. Enda byrjaði leikurinn ekki
44 FRAMBLAÐIÐ