Fréttablaðið - 09.10.2020, Blaðsíða 20

Útgefandi: Torg ehf. Veffang: frettabladid.isÁbyrgðarmaður: Björn Víglundsson Sölumaður auglýsinga: Jón Ívar Vilhelmsson, jonivar@frettabladid.is, s. 550 5654,
Fyrirtækið Margt smátt var stofnað árið 1988 og grunnur­inn í starfsemi þess er sala og
framleiðsla á auglýsingavörum. Í
gegnum tíðina hefur fyrirtækið
sinnt jólagjöfum til starfsmanna
fyrirtækja og í fyrra tók það upp
á þeirri nýjung að selja gjafakort
sem geta verið sérsniðin að fyrir­
tækjum og bjóða starfsmönnum
upp á að velja sér gjöf úr mörg
hundruð möguleikum.
„Grunnurinn hjá okkur er að
merkja alls kyns vörur: dagbækur,
boli, húfur, fatnað og alls konar
smádót. Við erum með 30 starfs­
menn og stærstu prentdeild til að
merkja vörur á landinu,“ segir Árni
Esra Einarsson, framkvæmda­
stjóri Margt smátt. „Við erum best
tækjum búin í þessu fagi hér á
landi og getum bæði saumað bród­
eringar og merkt allt milli himins
og jarðar, frá golfkúlum upp í loft­
belgi og allt þar á milli.
Við erum búin að vera lengst í
þessu hér á landi og í gegnum tíð­
ina hafa um 80% af stærstu fyrir­
tækjum Íslands verið í viðskiptum
við okkur. Okkar nafn er oft það
fyrsta sem kemur upp í kollinn hjá
markaðsstjórum og öðrum sem
eru í leit að merktum vörum,“ segir
Árni. „Við merkjum til dæmis fyrir
Reykjavíkurmaraþonið og allt
fyrir landsliðin í fótbolta og seljum
líka landsliðsbúninga. Við komum
víða við og þetta er mjög fjölbreytt
starf hjá okkur.“
Verðflokkar sem henta
ólíkum fyrirtækjum
„Við höfum alltaf sinnt jólagjöfum
til starfsmanna fyrirtækja. Í upp­
hafi var algengt að gefa bakpoka,
f lísteppi eða yfirhöfn með merki
fyrirtækisins en svo breyttust
tímarnir. Eftir hrun fóru fyrir­
tæki meira að gefa matvæli og þá
duttum við svolítið út úr þessu,“
segir Árni. „Síðan varð algengara
að gefa alls kyns merkjavöru og
þá vill fólk ekki endilega prenta
merki fyrirtækisins á vörurnar.
Í fyrra byrjuðum við svo með
þessi nýju gjafakort. Það gekk
ótrúlega vel og mörg stórfyrirtæki
nýttu þetta, til dæmis Advania
og Coca­Cola,“ segir Árni. „Þetta
virkar þannig að fyrirtæki gefa
starfsmönnum þetta gjafakort,
en þau fást í fimm mismunandi
verðflokkum, frá 3.990­16.990
krónur, og hvert kort veitir aðgang
að nokkur hundruð gjöfum sem
starfsmaður velur úr í gegnum sér­
hannað vefviðmót. Það fylgja líka
jólakort með gjafakortunum.
Þessi gjafakort henta fyrirtækj­
um af öllum stærðum og gerðum
en til að fá sérhannað vefviðmót
höfum við miðað við að fólki kaupi
að minnsta kosti 50 stykki, en það
er sveigjanlegt,“ útskýrir Árni.
„Svo bjóðum við að sjálfsögðu
líka upp á almennar jólagjafa­
lausnir fyrir fyrirtæki sem vilja
frekar velja gjafirnar sjálf,“ segir
Árni. „Við bjóðum til dæmis upp
á sérmerktan fatnað, húsbúnað,
eldunarbúnað og fleira.“
Fá mikið fyrir peninginn
„Kortin eru sérhönnuð fyrir fyrir­
tæki og þau ráða því hversu mikið
þau skipta sér af hönnuninni.
Þau geta látið okkur sjá um hana,
sinnt henni alveg sjálf eða fengið
auglýsingastofurnar sínar í þetta,“
segir Árni. „Þau geta f lutt einhver
skilaboð og aftan á kortinu eru
svo leiðbeiningar og kóði sem er
sleginn inn á vef og þá kemur upp
sérhannað vefsvæði með viðmóti
frá fyrirtækinu. Þar getur fólk
valið sér eina gjöf sem er send
heim að dyrum.
Það er allt mögulegt í boði. Það
er hægt að fá hluti fyrir heimilið,
útivistardót og alls kyns græjur,
þannig að allir eiga að geta fundið
eitthvað við sitt hæfi,“ segir Árni.
„Það er líka alls kyns merkjavara
í boði frá þekktum merkjum eins
og Rosenthal, Wilson, Remington
og fleirum, en þessi merki koma
meira inn með dýrari kortunum.
Starfsmaðurinn sér ekki verð­
mæti kortsins, það er hvorki tala í
kortinu né þegar hann velur gjöf,
þannig að enginn veit hvað fyrir­
tækið er í raun og veru að gefa í
peningum talið. Gjafakortin eru
einfaldlega ávísun á verðmæti og
vörurnar sem fólk fær að velja úr
eru á heildsöluverði, þannig að
sambærileg vara út úr búð gæti
hæglega kostað tvöfalt eða jafn­
vel þrefalt meira en kortið gerði,“
útskýrir Árni. „Þannig að fólk
fær mikið fyrir peninginn. Þeir
sem kjósa geta líka látið andvirði
gjafarinnar renna til góðs mál­
efnis.“
Gjöf sem nýtist
„Allt efnisval í gjöfum og pökkun
fylgir mjög háum umhverfis­
verndarstöðlum þannig að þetta
eru umhverfisvænar gjafir,“ segir
Árni. „Kortin eru prentuð í Svíþjóð
og send hingað en við siglum með
þetta heim til að gera þetta sem
umhverfisvænast, svo afhending­
artíminn er á milli 2­3 vikur.
Þetta er náttúrulega sniðugt í
COVID, það þarf ekki að fara og
kaupa gjöf eða hitta neinn heldur
kemur þetta bara heim að dyrum,
sem er þægilegt og öruggt,“ segir
Árni. „En stærsti kosturinn held
ég að sé að fólk fær að velja eitt­
hvað sem það langar í eða vantar
þannig að gjöfin endar ekki bara
inni í geymslu, heldur nýtist. Þetta
er ekki síst kostur vegna þess að
í f lestum fyrirtækjum er breiður
hópur og það er erfitt að finna gjöf
sem nær bæði til allra aldurshópa
og allra kynja.
Við viljum meina að þetta
leysi margan hausverkinn fyrir
mannauðsstjóra og deildir. Það
er auðvelt að dreifa þessu og
enginn er að fara að kvarta,“ segir
Árni. „Það var líka almennt mikil
ánægja meðal þeirra sem nýttu
þetta fyrirkomulag í fyrra. Þetta
var þægilegt, enginn kvartaði og
upplifun starfsmanna var mjög
jákvæð.“
Nánari upplýsingar um kortin
má finna á http://margtsmatt.
is/gjafakort/ og í síma 585-3500.
margtsmatt.is.
Hér má sjá
vefviðmótið
sem tók á
móti starfs-
mönnum
Coca-Cola
þegar þeir
nýttu gjafa-
kortið.
Árni segir að gjafirnar séu umhverfisvænar, henti vel í faraldrinum og leysi
margan hausverkinn fyrir mannauðsstjóra og -deildir, þar sem það er auð-
velt að dreifa þeim og enginn muni kvarta. FRÉTTABLAÐIÐ/SIGTRYGGUR ARI
Framhald af forsíðu ➛
Hvert gjafakort veitir aðgang að nokkur hundruð gjöfum sem starfsmaður velur úr.
Gjafakortin eru ávísun á verðmæti og vörurnar sem fólk getur valið úr eru á
heildsöluverði, svo sambærileg vara gæti verið mikið dýrari út úr búð.
Hér sést hvernig gjafakortið sem var gert fyrir Coca-Cola í fyrra leit út.
2 KYNNINGARBLAÐ 9 . O K TÓ B E R 2 0 2 0 F Ö S T U DAG U RFYRIRTÆKJAGJAFIR