Fréttablaðið - 09.10.2020, Blaðsíða 8

Það skiptir okkur
máli að einhver
komi og bæti inn í sagna­
andann hérna, hvað svo sem
verið er að skrifa um.
Hjördís Eyþórsdóttir hótelstýra
Whitmer hefur orðið að
skotspæni öfgamanna fyrir
aðgerðir sínar við að
stemma stigu við faraldr­
inum.
Svar við fyrirspurninni
barst tveimur árum síðar og
var beðist velvirðingar á því.
Dómstóllinn úrskurðaði
að lýðheilsuákvarðanir
væru á borði héraðsins.
SPÁNN Héraðsdómur Madrídar
hefur úrskurðað þær sóttvarnaað-
gerðir sem settar voru á borgina
og níu nærliggjandi bæi ólöglegar
og neitað að staðfesta þær. Sam-
kvæmt dómstólnum ganga þær
gegn grundvallarréttindum og frelsi
borgaranna.
Reglurnar voru settar á fyrir síð-
ustu helgi vegna fjölgunar COVID-
19 tilfella. Samkvæmt þeim máttu
íbúar ekki yfirgefa borgina nema
til að sinna vinnu, námi eða til að
sækja sér nauðsynlega heilbrigðis-
þjónustu.
Spánn hefur einhverja hæstu
tíðni tilfella í Evrópu, 300 á hverja
100 þúsund íbúa. Í Madrídhéraði,
þar sem 4,5 milljónir manns búa, er
tíðnin mun hærri, eða 700 á hverja
100 þúsund.
Taldi dómstóllinn heilbrigðis-
ráðherra landsins ekki hafa til þess
bærar heimildir. Lýðheilsumál væru
á ábyrgð héraðanna. Eftir úrskurð-
inn hefur lögregla í Madríd því
enga lagaheimild til að framfylgja
aðgerðunum. Héraðsstjórnvöld í
Madríd hafa kært aðgerðirnar til
landsdómsstóls. – khg
Sóttvarnaaðgerðir í Madríd úrskurðaðar ólöglegar
Heilbrigðisráðherrann Salvador Illa var gerður afturreka í Madríd. MYND/GETTY
VESTURLAND Hótel Egilsen í Stykk-
ishólmi býður nú rithöfundi, ljóð-
skáldi eða skapandi penna viku-
dvöl í nóvember eða desember til
að styðja við sagnagerð í landinu.
Hjördís Eyþórsdóttir hótelstýra
segir þetta hafa verið gert áður og að
Egilsen sé bókahótel. Á hótelinu er
bókasafn, bókaklúbbur, upplestrar
og jafnframt styður hótelið við
bókahátíðina Júlíönu sem haldin
er í bænum í febrúar.
„Rithöfundarnir hafa fengið fría
vikudvöl ásamt morgunmat og
aðstöðu til að skrifa. Þeir geta jafn-
framt fengið innblástur úr þessu
gamla og sögufræga húsi,“ segir
Hjördís. Húsið var byggt árið 1867
af Agli Egilssyni, þaðan sem það fær
nafnið. „Breiðfirsku eyjarnar hafa
alltaf veitt innblástur og Stykkis-
hólmur er góður staður fyrir rit-
störf.“
Hjördís er núna að fara yfir
umsóknir og segir að dvölin verði
hugsanlega eitthvað öðruvísi en
vanalega vegna sóttvarnareglna.
Hún segir engar kröfur gerðar um
að þeir sem komi til þeirra skrifi
sérstaklega um Stykkishólm eða
Snæfellsnes. „Við erum opin fyrir
öllu. Það skiptir okkur máli að ein-
hver komi og bæti inn í sagnaand-
ann hérna, hvað svo sem verið er
að skrifa um,“ segir hún. „Hér hafa
orðið til ljóð, hlutar úr skáldsögum
og ýmislegt f leira.“ – khg
Pennar fá
gistingu
Egilsen var byggt árið 1867.
REYK JAVÍK Rúmlega tveggja ára
fyrirspurn Sjálfstæðisflokksins um
hljóðvegginn við Miklubraut var
svarað í skipulags- og samgönguráði
í vikunni. Beðist var velvirðingar á
að formlegt svar hefði ekki borist
við fyrirspurninni en svar skrif-
stofu framkvæmda og viðhalds, við
sambærilegri fyrirspurn í borgar-
ráði, var svarað 2019 og hélt skrif-
stofan að hún hefði þar með svarað
fyrirspurninni – en svo var ekki.
Sjálfstæðisflokkurinn spurði um
kostnað borgarinnar en samkvæmt
svarinu nemur hann um 90 millj-
ónum króna. Kostnaður við for-
gangsreinar Strætó var greiddur af
Vegagerðinni, kostnaði við göngu-
og hjólastíga var skipt til helminga
á milli Vegagerðarinnar og borgar-
innar en Reykjavíkurborg greiddi
að fullu kostnað við hljóðvarnir.
Markmið breytinganna er að lækka
umferðarhávaða í og við íbúðarhús
í Rauðagerði næst Miklubraut. – bb
Hundrað
milljónir króna
í hljóðvegg
BANDARÍKIN Sex einstaklingar
hafa verið ákærðir fyrir að leggja
á ráðin um mannrán á ríkisstjóra
Michi gan-fylkis, Demókratanum
Gret chen Whitmer. Whitmer hefur
orðið skotspónn öfgamanna fyrir
viðbrögð sín við að stemma stigu
við faraldrinum. Hefur hún mátt
þola fjölmargar grófar hótanir um
líkamsmeiðingar og jafnvel líf lát
undanfarna mánuði.
Þegar Whitmer ákvað að setja
á útgöngubann í Michigan-fylki í
lok mars mótmælti hávær minni-
hluti ákvörðuninni harðlega og
var ríkisstjóranum meðal annars
líkt við Adolf Hitler. Donald Trump
Bandaríkjaforseti hellti síðan olíu
á þann eld með því að birta færslu
á Twitter-reikningi sínum í apríl
þar sem hann hvatti íbúa til þess að
frelsa Michigan-fylki.
Í maímánuði réðst hópur vopn-
aðra mótmælanda inn í þinghús
Michigan-fylkis, sem staðsett er í
borginni Lansing, til þess að mót-
mæla aðgerðum yfirvalda.
Alríkislögregla Bandaríkjanna,
FBI, komst á snoðir um ráðabruggið
á fyrri hluta ársins í gegnum lokaða
Facebook-hópa þar sem einstakl-
ingar skipulögðu of beldisfullar
aðgerðir til þess að steypa stjórn-
endum nokkurra fylkja af stóli.
Hinir ákærðu heita Adam Fox,
Ty Garbin, Kaleb Franks, Daniel
Harris, Brandon Caserta og Barry
Croft. Í frétt CNN um málið kemur
fram að tveir þeirra, Fox og Croft,
hafi lagt á ráðin um að safna saman
hópi fólks til þess að berjast gegn
ríkisstjórum nokkurra fylkja sem
þeir töldu að væru að brjóta stjórn-
arskrá Bandaríkjanna með emb-
ættisfærslum sínum. Er það ekki síst
vegna takmarkana á borgaralegum
réttindum, til dæmis með útgöngu-
banni íbúa.
Í byrjun júní hafi útsendari á
vegum FBI farið á fund hópsins
þar sem ræddar voru margs konar
aðgerðir gegn yfirvöldum. Á fund-
inum hafi gestir meðal annars rætt
þann möguleika að myrða tiltekna
ríkisstjóra, sem kallaðir voru ein-
ræðisherrar, eða þá ræna þeim. Þá
hafi hópurinn viljað fjölga með-
limum og reyna að koma á sam-
starfi við vopnaða hópa með sömu
hugsjónir.
Annar uppljóstrari greindi síðan
frá því að einn sexmenninganna,
Adam Fox, hefði tveimur vikum
síðar fundað með leiðtoga slíks
vopnaðs hóps. Á upptöku af sam-
tali þeirra kemur fram að Fox hafi
viljað fá 200 manna lið vopnaðra
manna til þess að hertaka þinghúsið
í Lansing og taka þar fjölda fólks í
gíslingu, þar á meðal ríkisstjórann
Whitmer. Fram kom að Fox hygðist
hrinda aðgerðinni í framkvæmd
fyrir forsetakosningarnar í nóvem-
ber og að hann hygðist skipuleggja
réttarhöld yfir Whitmer fyrir land-
ráð. Ef þær áætlanir myndu ekki
ganga eftir hafði hópurinn í hyggju
að ráðast á heimili Whitmer sem og
skipuleggja árásir á lögregluþjóna.
Undirbúning ur aðgerðanna
var hafinn og meðal annars höfðu
meðlimir æft vopnaburð í nokkrum
ríkjum og reynt að útbúa heimatil-
búnar sprengjur. Markmið hópsins
var að koma af stað borgarstyrjöld.
bjornth@frettabladid.is
Sex ákærðir fyrir að undirbúa
að ræna ríkisstjóra Michigan
Sex einstaklingar hafa verið ákærðir fyrir að leggja á ráðin um að ræna ríkisstjóra Michigan-fylkis, Gret-
chen Whitmer. Ástæðan var óánægja með viðbrögð ríkisstjórans við COVID-19 og skerðingar á borgara-
legum réttindum. Hugðust sexmenningarnir skipuleggja réttarhöld yfir ríkisstjóranum fyrir landráð.
Demókratinn Gretchen Whitmer, ríkisstjóri Michigan, fagnar kosningasigri. Hún hefur fengið yfir sig holskeflu
morðhótana fyrir aðgerðir yfirvalda til þess að stemma stigu við útbreiðslu kórónaveirunnar. MYND/EPA
REYKJAVÍK Meirihlutinn í Reykja-
víkurborg hefur fellt tillögu Sjálf-
stæðisf lokksins um að gera við
veginn í Heiðmörk. Sjálfstæðis-
flokkurinn bað um að hinn torfæri
vegur frá Þjóðveginum og að Elliða-
vatnsbænum myndi hafa forgang
en sá vegarkafli verður seint talinn
góður.
Meirihlutinn bókaði að ekki
væri í gildi deiliskipulag fyrir Heið-
merkursvæðið og lega vega kemur
ekki fram í gildandi Aðalskipulagi
Reykjavíkur. „Samkvæmt vega-
lögum skulu vegir vera lagðir í sam-
ræmi við staðfestar skipulagsáætl-
anir og því er hvorki hægt að hefja
veglagningu né hefja undirbúning
á veglagningu fyrr en að deiliskipu-
lagsvinnu fyrir Rauðhóla lýkur.
Ekki er liggur fyrir hvenær það
verður. Tillagan er því felld,“ sagði
meirihlutinn í bókun sinni. Það þarf
því áfram að keyra hægt og varlega
til að kíkja í náttúrufegurðina í
Heiðmörk. – bb
Neita að gera við veginn í Heiðmörk
Leiðin að Elliðavatnsbænum er ekki fær öllum bílum. FRÉTTABLAÐIÐ/STEFÁN
9 . O K T Ó B E R 2 0 2 0 F Ö S T U D A G U R8 F R É T T I R ∙ F R É T T A B L A Ð I Ð